Zacharie 2:11 - Ma Zhiklè

¹¹ A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.

Zacharie 2:11 ပူးပေါင်းရင်းမြစ်များ

Psaumes 72:17

Nzlembaɗ nengaʼa da nzau a mèdèp, da gra a mbiaʼa a ma ma, ara pats man a zi auda a giɗfèk azɓai. Verzi ndohi herkeda tèlèba, da pshè ta ma ndohi kokwar a nzlembaɗ nengaʼa. Ndohi kokwar tèlèba, do slubordo nengaʼa!

Exode 12:49

Ma kita haha lèmèlèmè, a sam wud ngwihai, a ndohi mbrokihai, man ta nzi a sam kinè.

Esaie 45:14

Ndo nzi pèc pècèk a gaɗa: Skwi ntul mizlinè ndohi Egypte, a gani kokwar Ethiopie a ndohi Saba, ngur-gurhiaʼa, a dè a sam ngaya, a gi a skwi ngaya. Ta dè a verzi ngaya a cèlèlèu te sak, ta da kèlèhi a deɓ sak ngaya, a ta kuɗi a sam ngaya: Zhiklè a zhè, sèi a sam ngaya genè Israel, a sam ngiɗè azɓai, Zhiklè ngiɗè azɓai.

Esaie 48:16

Va-herdekay va, va-tsenaʼa! Tʼhinkaɗ na i godo, a metsar ka ɓai. Daga man skwi haha a gai, i zhè. Anai Ndo nzi pèc pècèk a nzlindyè a Mèzhèɓ nengaʼa.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 52:11

Vo-do kinè! Vo-do kinè! Va-jèkeda sam haha! Kin lama na skwi nlizhèʼa ɓai! Vo-do auda te ndev tengaʼa! Va-pana ri kinè man kin zhüɓ kolongwi Ndo nzi pèc pècèk!

Esaie 66:19

I da ngrédè skwi a sam ta, te va ndohi man ta zhè a nshèffè dai. I zlin-dè ndo a sam ndohi herkeda: a Tarsis, Pul, Lud, ndohi man ta ɓèr sulom, Tubal, Javan, a herkeda dra nte ndev iyam, man ta tsena ma ga di ɓai, a ta rka nʼnjèl ga di ɓai. A ta njè ta nʼnjèl ga a ndohi herkeda.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 50:8

Va-hu auda te Babylone, va-jèkeda kokwar Chaldée, va-gu ara drok a ma tambakihai.

Ezéchiel 33:33

Aman te deɓaʼa skwi a da gai – a da gi a vavata da suna, ndo nhadka ma a nza a sam ta a vava.

Michée 4:2

Ndohi nte deɓa ta shkè dra a ta gaɗa: Vo-wash-kè, ngo-dokoya a géɗ za Ndo nzi pèc pècèk, a gi Zhiklè Jacob, aman a senda nga civèɗ nengaʼa, a nga dè a civèɗ nengaʼa. Ma kita a da shkè te Sion. Ma Ndo nzi pèc pècèk a shkè te Jérusalem.

Zacharie 1:16

Gar haha Ndo nzi pèc pècèk a gaɗa: Jérusalem a siyè te va zaʼa. Ta da rèm gi ga te pa zaʼa, ta da liv ma kuma nengaʼa zaʼa. Zhiklè bi mbiaʼa a gaɗa.

Zacharie 2:5

Iyè, a ri ga, i tèuda a pa ara zlazlar a vogwa, a nʼnjèl ga te ndevaʼa, Ndo nzi pèc pècèk a gaɗa.

Zacharie 3:10

A pats nasa, ngiɗè a da baha na ngiɗè a gorombi na, a skwi nʼndai, Zhiklè bi mbiaʼa a gaɗa.

Zacharie 8:3

Ndo nzi pèc pècèk a gaɗa: I dè deɓa a Sion, a i nzi a ndev kokwar Jérusalem. A ta baha na kokwar Jérusalem ‘kokwar nlèɓèslèa’, a za Zhiklè bi mbiaʼa ‘za nkezlaʼa’.

Zacharie 8:8

I woya a i de ta a deɓa a ngwai, a ta nzi a Jérusalem, a ta ndi a ndohi ga, a i gi a Zhiklè tengaʼa, nlèɓèslèa a nzuraʼa.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Luke 2:32

skwi nhél sam man a ngreda ta civèɗ a ndohi herkeda tèlèba; nʼnjèlè a sam Israel, ndohi ngaya.

Jean 17:21

Aman ta tèlèba ta gi a nstaɗ, lèmèlèmè ara nga, ka Bab ga, te iyè, a iyè te ka, a tengaʼa ba, ta te nga; a herkeda da co a ndav na, ka nzlindekayè.

Jean 17:23

Iyè te tengaʼa, ka te iyè, aman ta gi a nstaɗ, jèlèlèʼa; a herkeda da suna, ka nzlindekayè, ka woy ta a ndav ngaya, lèmèlèmè ara man ka woy iyè a ndav ngaya.

Jean 17:25

Bab nzuraʼa! Herkeda a sen ka ɓai; aman iyè i sen ka, a tengaʼa ba ta suna, ka nzlindekayè.

Actes 28:28

Anai i ngreda kinè, aman skwi mʼmbel ndo Zhiklè haha, ta zlündo a sam ndohi nte deɓa; a tengaʼa ta da cinèʼa.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.