Zacharie 2:10 - Ma Zhiklè

¹⁰ Kokwar Sion, wuffa, gu langlangaʼa! Na haha i shkè a i nzi a ndev kinè, Ndo nzi pèc pècèk a gaɗa.

Zacharie 2:10 ပူးပေါင်းရင်းမြစ်များ

Psaumes 40:7

Mvi a nzli skwi a ka, ambaha ka ɓai; ka winay zlembaɗ ga. Nʼndèr skwai a mvi skwai a géɗ malai, ka dzhada ɓai.

Psaumes 68:18

Kiki var Bi Zhiklè a zhè kumba, ta gi gozhèm kumba kumba. Bai, Zhiklè, a shkè te Sinai, a dè a sam nengaʼa nkezlaʼa a vna.

Exode 29:45

A i woy a i nzi te ndev ndohi Israel, a i gi a Zhiklè tengaʼa;

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 37:22

Na haha ma man Ndo nzi pèc pècèk a goɗ a géɗ nengaʼa: Bidalai, dem Sion a rka ka ara zai, a ngwossaha ka. Dem Jérusalem a geda gèɗ kwota-kwotaʼa te deɓ ngaya.

Esaie 42:10

Va-sla na dimèsh mɓuaʼa a Ndo nzi pèc pècèk! Vo-slubordo ha ndè a verzi herkeda! Iyam mbiaʼa a skwi tèlè te pa, herkeda nte ndev iyam a ndohi man ta te pa, do slubordo Ndo nzi pèc pècèk!

Esaie 48:20

Va-jèkeda Babylone! Va-hu auda te ndev ndohi Chaldée! Ndo nzi pèc pècèk a nsumko Jacob, ɓèl nengaʼa, a deɓa.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 52:11

Vo-do kinè! Vo-do kinè! Va-jèkeda sam haha! Kin lama na skwi nlizhèʼa ɓai! Vo-do auda te ndev tengaʼa! Va-pana ri kinè man kin zhüɓ kolongwi Ndo nzi pèc pècèk!

Esaie 54:1

Hazlawa a mwuffè, ka delai man ka ya kra ɓai! Da wuffede ka, ngwossa man ka disha kra ɓai! Aman ngwoz man nya kra ɓai, wudahi nengaʼa a fena wudahi man a baki na zhè, Ndo nzi pèc pècèk a gaɗa.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 66:14

Aman kin rka skwi haha, ndav kinè a da gi langlangaʼa, va kinè a ɗai ɗukeɗukaʼa ara mandai, a ri Ndo nzi pèc pècèk nʼngreda auda a sam ɓèlèlihi nengaʼa, a ndzoan nengaʼa a sam mayamhi nengaʼa.

Jérémie 30:19

Te pa dimèsh nslèbèrdè, ma nʼngwè-shè, a shkè auda. I gi a ta mènè a vata, ta mènèhi azɓai. I da nzal ta, ta derde ta azɓai.

Jérémie 31:12

Ta da shkè a ta da hèzlèwè a mwuffè a géɗ za Sion. Ta da hakaɗai a sam pombi Ndo nzi pèc pècèk: ara dau, a barassa, a mbar, a tambakihi a zlèhai. Ta da gi ara gi lak man ta gedza na iyam, a ta tèkwèn skwa te deɓaʼa asaɓai.

Jérémie 33:11

ta da cinè ma mwuffè a dimèsh te pa dai, ma ntsima a ma medemai, daʼai man a gaɗa: Va-slubordo Ndo nzi pèc pècèk, Zhiklè bi mbiaʼa, aman nengaʼa amba, Ndo nzi pèc pècèk, aman pombi nengaʼa a nzi a mèdèp! Daʼai tengaʼa man ta slébèrdè Zhiklè te gi Ndo nzi pèc pècèk, te man i da helka ta ndohi ɓèlè a deɓa te kokwar, ara halaʼa, Ndo nzi pèc pècèk a gaɗa.

Ezéchiel 37:27

Gi ga a nzi zangalaʼa a géɗ tengaʼa, i gi a Zhiklè tengaʼa, a tengaʼa ta gi a ndohi ga.

Ezéchiel 48:35

Ntèuda te pa tèlèba, a gi ara km 8. Anai da baha na kokwar a nzlembaɗ: Ndo nzi pèc pècèk a zhè a haha.

Lèv. 26:12

I shèwèlè te ndev kinè, a i gi a Zhiklè kinè, a kinè ndohi ga.

Sophonie 3:17

Ndo nzi pèc pècèk, Zhiklè ngaya, a zhè te ndev kinè, nengaʼa ngulaʼa, man a mbél ndo. A wuffè kumba a géɗ ngaya, a woy ka zaʼa, mwuffe na a géɗ ngaya ara pats ngolala.

Zacharie 1:16

Gar haha Ndo nzi pèc pècèk a gaɗa: Jérusalem a siyè te va zaʼa. Ta da rèm gi ga te pa zaʼa, ta da liv ma kuma nengaʼa zaʼa. Zhiklè bi mbiaʼa a gaɗa.

Zacharie 14:5

Va-hu a slrats za, aman slrats za a ndikè a Atsel. A kin hi kinè ara man kin hau, aman herkeda a ngudzau, te va man bi Ozias, bi Juda. Ndo nzi pèc pècèk, Zhiklè ga, a di a shkè a nda ndohi nengaʼa nkezla tèlèba.

Zacharie 2:11

A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.

Zacharie 2:5

Iyè, a ri ga, i tèuda a pa ara zlazlar a vogwa, a nʼnjèl ga te ndevaʼa, Ndo nzi pèc pècèk a gaɗa.

Zacharie 8:3

Ndo nzi pèc pècèk a gaɗa: I dè deɓa a Sion, a i nzi a ndev kokwar Jérusalem. A ta baha na kokwar Jérusalem ‘kokwar nlèɓèslèa’, a za Zhiklè bi mbiaʼa ‘za nkezlaʼa’.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Mal. 3:1

Na haha i zlündo ndo sak ga, a til civèɗ a ma ga. Tsam-tsam Ndo nzi pèc pècèk man kin jhèɗèʼa, a shkè a gi nengaʼa. Gol Zhiklè nɗerzlè-ma man kin woyaʼa, na haha a shkè, Zhiklè bi mbiaʼa a gaɗa.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

Deutéronome 28:64

Ndo nzi pèc pècèk a da ksar kinè a va ndohi herkeda tèlèba, te verzi herkeda ngidè a ngidè. Te pa kin da gi mizlinè zhiklèhi ngidè tsaɗ, man kinè a babhi kinè kin sen ta ɓai, nʼngaʼa a wof a kwa.

Philippiens 4:4

Va-wuffa te Bai Yèsu pèc pècèk, a i gaɗa kinè zaʼa: Va-wuffa!

Apocalypse 2:1

Winda na tsuvom mpi ndohi Zhiklè te kokwar Ephèse: Nengaʼa man bantihi tsaraɗ te ri mandi na, man a dè te va sam nfi vogwahi tsaraɗ, a goɗa ar haha:

Apocalypse 21:3

A i tsena ngèɗè mbiaʼa a sam nʼnzi bi Zhiklè, man a gaɗa: Na haha, gi Zhiklè a zhè a sam ndohai! Bi Zhiklè a da nzi a sam tengaʼa, a tengaʼa ta da gi a ndohi nengaʼa, Zhiklè a ri na a nzi a sam tengaʼa, Bi Zhiklè ta.