Zacharie 14:9 - Ma Zhiklè

⁹ Te deɓaʼa Ndo nzi pèc pècèk a gi bai a géɗ herkeda tèlèba. A pats nasa Ndo nzi pèc pècèk bi staɗgenè, nzlembaɗ nengaʼa staɗgenè.

Zacharie 14:9 ပူးပေါင်းရင်းမြစ်များ

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

Psaumes 67:4

Bi Zhiklè, ndohi herkeda da slebarde ka; sèi ta slebarde ka, ndohi herkeda tèlèba!

Psaumes 72:17

Nzlembaɗ nengaʼa da nzau a mèdèp, da gra a mbiaʼa a ma ma, ara pats man a zi auda a giɗfèk azɓai. Verzi ndohi herkeda tèlèba, da pshè ta ma ndohi kokwar a nzlembaɗ nengaʼa. Ndohi kokwar tèlèba, do slubordo nengaʼa!

Psaumes 86:9

Ndohi herkeda tèlèba man ka ge ta, ta da shkè a ta da kèlèhi a deɓ sak ngaya a ta slébèrdè nzlembaɗ ngaya, bai, Zhiklè.

Psaumes 97:1

Ndo nzi pèc pècèk, bai! Herkeda da wuffa, herkeda man nte ndev iyam da wuffa!

Esaie 45:21

Vo-godo, va-ngreda, a ta cèmma a va ta. Nʼngreda ma haha halaki wa? Nʼnju ma haha halaʼa wa? Iyè Ndo nzi pèc pècèk ka ɓi ɗè? Iyè Zhiklè, ngiɗè azɓai, Zhiklè nzuraʼa, Zhiklè mʼmbel ndo, sèi iyè, ngiɗè az a tsagi ga ɓai.

Esaie 54:5

Nengaʼa man a nge ka, baki ngaya; nzlembaɗ na Zhiklè bi mbiaʼa, Zhiklè Israel nkezlaʼa, man a mbel ka. Ta baha na Zhiklè herkeda tèlèba.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Daniel 7:27

Wuɗai, a wuɗi-bai, a nʼnjèlè kokwar-bihi tʼhwaɗ giɗfèk tèlèba ta da va ta ndohi Zhiklè nkezlaʼa. Wuɗi-bi tengaʼa a nzi a mèdèp, a kokwar-bihi tèlèba ta da gi a ɓèl ta, a ta fi gèɗ a ma tengaʼa.

Amos 9:12

A ta ngècè njèkèɗi Edom a njèkèɗi ndohi herkeda tèlèba, man ta tsu ri a nzlembaɗ ga, a skwi nʼndi gi tengaʼa, Ndo nzi pèc pècèk a gaɗa, nengaʼa man a gi skwi haha tèlèba.

Abdias 1:21

Ndohi mʼmbelda ndohai ta da dè a za Sion, a ta ga na kita a za Esau. A Ndo nzi pèc pècèk a gi bai.

Michée 5:4

Nasa gumai. Aman ndohi Assyrie ta da shkè a kokwar nga, aman ta mbècè sak a herkeda nga, nga Zlatseda ta ndohi mɓer skwi tsaraɗ a wud bihi tsamakaɗ a ma.

Habakuk 2:14

Aman nshin nʼnjèl Ndo nzi pèc pècèk a da ndhè herkeda, ara iyam man a ndha te woyam mbiaʼa.

Sophonie 3:9

Te deɓaʼa i da humbaɗda ta tapiɗaf ma ndohai, a i va ta tapiɗaf ma nlizhɓiaʼa, aman ta tèlèba ta tsi ri a nzlembaɗ Ndo nzi pèc pècèk, ta tèlèba ta mbi a mizlinè nengaʼa, a ndav staɗ.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Mal. 1:14

Ndo nʼngwèdè ndo da phom na; mazawal te va skwi nengaʼa, man a gaɗa a va na Ndo nzi pèc pècèk; a vokoy skwi nhezakaʼa èhèmè? Iyè, i bi mbiaʼa, Zhiklè bi mbiaʼa a gaɗa. Nzlembaɗ ga mbiaʼa a sam ndohi herkeda.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Matthew 28:19

Anai vo-do, va-ge ta ndohi herkeda tèlèba a golahi ga, va-ga ta bap-tême a nzlembaɗ Bab Zhiklè, a nzlembaɗ kra Zhiklè, a nzlembaɗ Mèzhèɓ Zhiklè nkezlaʼa.

Deutéronome 6:4

Israel, tsenaʼa! Ndo nzi pèc pècèk, Zhiklè nga, Ndo nzi pèc pècèk staɗgenè.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

I Samuel 2:10

Mayamhi Ndo nzi pèc pècèk ta bèzl ta. Zhiklè a gèɗ skwi télè te zhiklè te géɗèʼa a henzasl ta, Ndo nzi pèc pècèk a gi kita herkeda tèlèba. Da va na wuɗi a bi na, da slambaɗda na gèɗ, do slubordo ndo nengaʼa man a mbada na mbar a gèɗ.