Zacharie 14:4 - Ma Zhiklè

⁴ A pats nasa sak nengaʼa a da zlècè a géɗ za Oliviers, mari a zhè a tsagi Jérusalem, te civèɗ mvèng pats. A za Oliviers a da cizl na zuraʼa, te civèɗ mvèng pats, te civèɗ nkèl pats, slrats mbiaʼa te ndevaʼa. A civèɗ ngiɗè a herda va na a deɓa a géɗèʼa, a civèɗ ngiɗè a herda va na a deɓa a duk-waɗ.

Zacharie 14:4 ပူးပေါင်းရင်းမြစ်များ

II Samuel 15:30

David a nteva za oliviers, a kuɗai, a nʼngheda di a maslaka, kotokoroh a te sak ɓai. Ndohi tèlèba man ta zhè a sam na, to do za, ta ngheda di a maslaka, ta kuɗai.

Ezéchiel 11:23

A nʼnjèl Ndo nzi pèc pècèk a nslambaɗna auda te ndev kokwar, a nzlatsahi a géɗ za man a zhè a tsagi kokwar, te civèɗ mvèng pats.

Ezéchiel 38:20

Klèfi te iyam mbiaʼa, ɗiakihi tʼhwaɗ giɗfèk, skwi dak, skwi nda a hwaɗhai, a ndohi tèlèba a géɗ herkeda ta da gudzi a sam ga. Zahi ta da mbéɗ ta, a slrats te za a da ɗaɗalkaɗ na a pa, a zlazlar tèlèba, ta da kèlèhi a herkeda.

Ezéchiel 43:2

Na haha nʼnjèl Zhiklè Israel a mshkè te civèɗ mvèng pats, a hèzlèwè ara kuɗ iyam mbiaʼa. Gèɗ herkeda nhela a géɗ nʼnjèl nengaʼa.

Habakuk 3:6

A mbècè sak a herkeda, a herkeda a gudzai. A pi dai, a ndohi herkeda ta gi gurts kata, a za man ta nzi a mèdèp, ta wurzl ta, a ngègèɗhi zlèzlèa ta nde ta hai; civèɗ nengaʼa ziè-zlèa nɗaʼa a ma nengaʼa.

Zacharie 14:10

Kokwar tèlèba a ndi a dalbara, a hinè te Guéba, ha ndè Rimmon, te tsagi Jérusalem. Kokwar a nzi falawaʼa a samaʼa, a hinè a ntamagi Benjamin, a tsoko gèɗ auda a ntamagi zlèzlèʼa, a ntamagi man ta derzla gèɗ a pa, a sam gi ngurèʼa Hananeel a ndè a klok bai.

Zacharie 14:7

Pats nasa, pats azɓai, vaɗ azɓai, a dakwaɗ sam a hélè.

Zacharie 14:8

A pats nasa iyam nshèffè a hakaɗauda te Jérusalem, rèta ngiɗè a hi a woyam te civèɗ mvèng pats, rèta ngiɗè a hi a woyam te civèɗ nkèl pats. A gi arsa, ko a via, ko a ngwar.

Zacharie 4:7

Ka za mbiaʼa, ka wa? A sam Zorobabel ka ndi a dalbara. Nengaʼa a da cko kwa ntatak auda, te deɓaʼa tèlèba ta da wuffe: Susai, susai, amba!

Marc 11:23

A vava i gada kinè, aman ndo a gaɗa na za haha: Co va ngaya, a ka kalda a drav iyam, a pi gèɗ cèw azɓai, aman a nco a ndav ara man a gada, a rka, a da gi arsa.