Zacharie 13:7 - Ma Zhiklè

⁷ Tsakwal, kala na va a ndo nwèr skwi ga, a ndo man ndo ga, Zhiklè bi mbiaʼa a gaɗa. I tsi ndo nwèr skwai, a tambakihi ta venda gèɗ ta, a i gedas ta, man wuɗi ta azɓai.

Zacharie 13:7 ပူးပေါင်းရင်းမြစ်များ

Psaumes 2:2

Bihi herkeda ta slèmbèdè, wud bihai ta vhè ma a géd a Ndo nzi pèc pècèk a ndo nengaʼa man a bada na mbar a gèɗ.

Esaie 1:25

I woya a i ngwoda gèɗ ga, a i wosl ka a ri ga, a i pon-ko derɗa auda tèlè, a i cko zi auda tèlèba.

Esaie 27:1

A pats nasa Ndo nzi pèc pècèk a dè a kéɗè léviathan, zhüzhok man a mwuc na; léviathan, zhüzhok nluwaɗ-luwaɗaʼa; a kéɗèʼa a tsakwal nengaʼa mwuɗitpa, mbiaʼa, nshfaʼa, a keɗa skwi nara kedam te woyam mbiaʼa.

Esaie 40:11

A wèr rèwè na ara ndo mɓer skwai, a humbètè wud tambakihi a ndav nengaʼa, a tiɓish ta a sam staɗ, a lè ta mam tambakihi zhèhèɗ-zhèhèɗèa.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Jérémie 47:6

Wobau, tsakwal Ndo nzi pèc pècèk, ka da shèk va a ngèmè? Do a gi ngaya, nzau a ka gu skwa ɓai!

Ezéchiel 21:28

A sam di ndohi Israel, mpi kwa ara ncèkèlma. Aman mali a pca na a gèɗ a Ndo nzi pèc pècèk azɓai. A géɗ mali ta, a gs ta.

Ezéchiel 21:3

Ka da gaɗa na sam nhèyè wof, te civèɗ dukwaɗ: Tsena ma Ndo nzi pèc pècèk! Bi Zhiklè a goɗ ar haha: Na haha i vècè vogwa te ndev ngaya, man a ndeda wof mɓayaʼa a wof ngworaʼa tèlèba a ma a sam ngaya. Nèʼèn vogwa a da mbècè azɓai, a nde ta ndohi tèlèba a ma, a hinè te dukwaɗ, ha ndè man a géɗèʼa.

Ezéchiel 37:24

David, ɓèl ga, a da gi bi tengaʼa. A ta ngècè ndo mɓer ta staɗgenè, a ta da jèjèr ma nkwèr ga a ma kita ga zuraʼa.

Ezéchiel 7:6

Ndikè-ma kalka ma! Ndikè-ma a mshkè a géɗ ngaya ma, na haha a mshkè ma!

Michée 5:2

A géɗ nasa Zhiklè a jèka ta a pa, ha tiɗè sam man ngwoz a da yi kra, a yaka kra ma, a njèkèɗi kramamhi na ta menkaɗa deɓa a sam ndohi Israel.

Michée 5:4

Nasa gumai. Aman ndohi Assyrie ta da shkè a kokwar nga, aman ta mbècè sak a herkeda nga, nga Zlatseda ta ndohi mɓer skwi tsaraɗ a wud bihi tsamakaɗ a ma.

Zacharie 11:11

Mpraʼa a pats nasa. A ndohi nwèr tambakihai man ta pu di a iyè, ta suna, ma Ndo nzi pèc pècèk a ngau.

Zacharie 11:4

Ndo nzi pèc pècèk, Zhiklè ga, a goɗ ar haha: Do a ka ɓer skwi man ta zli daiaʼa,

Zacharie 11:7

A i war tambakihi man ta woy a ta zli daiaʼa. I hui gadhi cèw. Staɗ i baha na ‘pombai’, ngiɗè i baha na ‘nhumdè va’. A i war ta tambakihi a vna.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Matthew 10:42

Ko wawa man a ɓala na iyam nkéɗècèʼa a ndo nkèshèa staɗ haha, a géɗ man nengaʼa gol Yèsu, a vava i gaɗa kinè, skwi ntul nengaʼa a zi azɓai.

Matthew 11:27

Skwi tèlèba Bab ga a mvay a rai. Ndo ngiɗè a sun kra ɓai, sèi Bab kra a suna a vava. Ndo ngiɗè a sun bab kra ɓai, sèi kra a suna a vava, a ndohi man kra a ngreda ta.

Matthew 18:10

Va-gu maya aman kin da kwol ta wudahi nkèshèa haha ɓai, ko staɗ! Aman i gaɗa kinè, golahi Zhiklè tengaʼa ta rka Bab ga pèc pècèk te zhiklè.

Matthew 18:14

Gar haha Bab kinè man a zhè te zhiklè a woya aman ko staɗ te va wudahi nkèshèa haha da ze ɓai!

Matthew 26:31

Yèsu a ngaɗa ta: A vaɗ haha, kin da jèkyè tèlèba; aman ta Windo te ɗèlèwèr Zhiklè: I keɗa ndo mɓer skwai, a tambakihi a ta ngezl ta.

Matthew 26:56

Aman skwi haha tèlèba a gi arsa, ara man ɗèlèwèr ndohi nhadka ma Zhiklè a gaɗa. A golahi nengaʼa ta jèkeda a pa tèlèba, a ta hu ta.

Marc 14:27

Yèsu a ngaɗa ta: A vaɗ haha kin da je-kyè a pa tèlèba. Aman ta Windo te ɗèlèwèr Zhiklè: I keɗa ndo mɓér skwai, a tambakihi a ta ngezl ta.

Marc 14:50

Te deɓaʼa tèlèba ta jèkeda, a ta hu ta.

Luke 12:32

Kin gu zlau ɓai, kinè rèwè nkèshèa; aman Zhiklè a woya a va kinè kokwar Bi nengaʼa.

Luke 17:2

Dara ta mana na vova a daʼai, a ta kalda a drav iyam, a géɗ man a slafadama na sak a kra nkèshèʼa staɗ haha. Va-gu maya a géɗ va kinè.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 10:30

Nga a Bab ga, nga staɗgenè.

Jean 10:38

Aman i gi mizlinè Bab ga, a kin woy a kin ciyè a ndav ɓai, vo-co mizlinè a ndav mènè, a kin da suna, a kin cè a ndav kinè, Bab ga a zhè te iyè, a iyè, i zhè te Bab ga.

Jean 14:1

Kin gu zlau te ndav kinè ɓai! Vo-co Zhiklè a ndav kinè, va-ciyè a ndav kinè ba!

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

Jean 16:15

Skwi tèlèba man Bab ga a ngotso, skwi ga. Gar haha i gaɗa, a cè te skwi ga, a da ngreda kinè.

Jean 16:32

Na haha patsa a di a shkè, ani a zhè ma, aman ta venda kinè gèɗ staɗ staɗ tèlèba, a kin jèkyè a géɗ ga. Aman iyè a géɗ ga ka ɓai. Nga a Bab ga.

Jean 5:23

aman ndohi tèlèba ta da slébèrdè kra, ara man ta slébèr-dè Bab na. Ndo man a slébèrdè kra azɓai, a slébèrdè Bab na man a zlindkoɗa azɓai lèmèlèmè arsa.

Jean 8:58

A Yèsu a ngaɗa ta: A vava, a vava, i gaɗa kinè: Aman Abraham az di ɓai, i zhè ar iyè ma.

Actes 2:23

Te deɓaʼa, aman ta feda a kita ma, ara Zhiklè a nhur zlèzlèa a woya a ngiaʼa, kin gezlalaʼa, a kin va ta a ri a ndohi malihai a ta keɗaʼa.

Romans 4:25

Nengaʼa man Zhiklè a njèka na a ri a mʼmetsai a géɗ malihi nga, a nslambaɗde-koɗauda, aman nga ndi a ndohi nzuraʼa a sam di Zhiklè.

Romans 8:32

Nengaʼa a ntsotskava kra nengaʼa ɓai, aman a mvau a géɗ nga tèlèba, a da va nga skwi tèlèba a nda nengaʼa azɓi ɗè?

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

Galates 3:13

Aman Kristi a mpreka nga auda te ma kita Zhiklè man a phomde nga, a géɗ man a gaʼa a skwi mphomdaʼa a géɗ nga, ara ɗèlèwèr Zhiklè a gaɗa: Ndo man ta ktsala, mphomda.

Philippiens 2:6

Nengaʼa, ko a nʼngots va Zhiklè, a ngu a géɗ ngi nengaʼa a srak ka ɓai, aman a gi lèmèlèmè ara Zhiklè;

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

1 Peter 5:4

Gar haha a pats man ndo mɓer skwi mbiaʼa a da gudko va a dai, kin ngècè skwi mpèɗè gèɗ nʼnjèlè man a gédèshè azɓai.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

Apocalypse 1:11

man a gaɗa: Skwi man ka rkaʼa, windeda ɗèlèwèr, zlinda a sam mpi ndohi Zhiklè tsaraɗ: A Ephèse, a Smyrne, a Pergame, a Thyatire, a Sardes, a Philadelphie, a Laodicée.

Apocalypse 1:17

Aman i rka ndo matsa, i kalahi a deɓ sak nengaʼa, iyè ara ndo mʼmetsa. A nengaʼa a mfay ri mandi na a gèɗ, a ngaɗayè: Ka gu zlau ɓai, iyè ndo nshèlèkuraʼa a ndo nʼndikèma skwai,

Apocalypse 1:8

Iyè, i Alpha a Oméga, Bi Zhiklè a gaɗa, nengaʼa man a zhè antanta, man a zhè zlèzlèa, man a di a shkè, Bi wuɗai tèlèba.

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Apocalypse 2:23

A i woya man i bazl ta wudahi ta. A mpi ndohi Zhiklè tèlèba sèi da suna, iyè man i wuzhè ndav, kala nguzgoz ba, a i va na a ndo staɗ staɗ te ndev kinè ara mizlinè na.

Apocalypse 21:6

A ngaɗayè: Nʼnga ma! Iyè i Alpha a Oméga, nhinkaɗ skwai a nʼndikèma skwai. I war i va na iyam nsai te nlèlè iyam nshèffè, a ndo man iyam a dza na, da su ambalai.