Zacharie 11:3 - Ma Zhiklè

³ Tsenaʼa! Ndohi nwèr skwai ta kuɗai, aman nʼnjèl tengaʼa ngedas na. Tsenaʼa! Marizhèlèhai ta kuɗai, aman nʼnjèl Jourdain ngedas na.

Zacharie 11:3 ပူးပေါင်းရင်းမြစ်များ

Psaumes 22:21

Mbel nshèffè ga te ri tsakwal, skwi ga mbelaʼa te ri ndohi ambaɓihiaʼa.

Esaie 5:29

Ta kuɗkaɗarai ara mam marizhè-lè, ta kuɗi ara wud marizhèlèhai, man ta kuɗi wa, a bebrè a gshè skwai, a ngézlèʼa, ndo a slaha a nkèldè ɓai.

Esaie 65:15

Nzlembaɗ kinè a gi a skwi mphom-daʼa a sam ndohi man i par ta, a ta gada: Bi Zhiklè da gedas ka! Aman ɓèlèlihi ga ta da ngècè nzlembaɗ ngiɗè.

Jérémie 2:15

Wud marizhèlèhai ta bebrè a géɗèʼa, ta kuɗi a vata, ta ndede kokwar na a hèshèkèd, man ndo a nza a pa azɓai.

Jérémie 2:30

I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Jérémie 26:6

i da ngwèdè gi haha ara Silo, a i phomda kokwar haha, a gi a skwi mphomde ta ndohi herkeda tèlèba.

Jérémie 49:19

Na haha ara marizhèlè a shkè auda a dzah woyam Jourdain, a sam nʼnzi nengaʼa te va nhèyè wof. Tsam-tsam a gi a Edom a hi na. A i da fi nengaʼa man i ngotskoɗauda a bi nengaʼa. Ngar iye wa? Nʼnjèy ma a gèɗ, wa? Bi man a salay va a gèɗ, wa?

Jérémie 50:44

Ara marizhèlè a shkè auda a dzah woyam Jourdain, a sam nʼnzi nengaʼa te va nhèyè wof. Tsam-tsam i dzam ta. A i da fi nengaʼa man i ngotskoɗauda a bi nengaʼa. Ngar iyè wa? Nʼnjèy ma a gèɗ, wa? Bi man a salay va a gèɗ, wa?

Jérémie 7:4

Kin fu gèɗ a ma nʼngwèdè ndo haha ɓai, man kin gaɗa: Gi Zhiklè, gi Zhiklè! Na haha gi Zhiklè!

Ezéchiel 19:2

Ka gaɗa: Mam ngaya, mam marizhèlè te ndev marizhèlè-hai! A nza te va marizhèlèhai, a ngra wud na.

Osée 10:5

Ndohi Samarie ta gudzai a géɗ marai te Beth-Aven. Ndohi tengaʼa ta kuɗi a géɗèʼa. Ndohi mvi skwi a marai ta lèyè nʼnjèl nengaʼa man ngedas na.

Joel 1:13

Va-feda maslaka sam kuɗa a va, kinè ndohi mvi skwi a Zhiklè! Kinè ndohi mizlinè sam mvi skwi a Zhiklè, va-kudau; kinè ndohi mizlinè Zhiklè ga, va-gudzau, ko vaɗ kin suɗda maslaka sam kuɗa a hi ɓai! Aman movar a skwi nsai a shkè a gi Zhiklè kinè azɓai.

Amos 8:8

Herkeda a da gudzi a géɗ nengaʼa azɓi âè? Ndohi herkeda tèlèba ta da kuɗi a géɗ nengaʼa azɓi ɗè? Herkeda tèlèba a slèmbèâè ara woyam Nil, a grè a grè, te deɓaʼa a da shèha va na ara woyam Egypte.

Sophonie 1:10

A pats nasa ta tsi lalau a ntamagi kokwar ‘klèf’, ta gi wobau te civèɗ kokwar mɓuaʼa, a nhèzlèwè mbiaʼa a zhè te za.

Sophonie 3:11

A pats nasa ka ngècè hori a di azɓai a géɗ skwi man ambaɓai man ka gu a sam ga. A pats nasa i preka ta ndohi nfi va ngaya auda te va kinè, a ka grè gèɗ a géɗ za ga nkezlaʼa asaɓai.

Sophonie 3:3

Wud bihi te kokwar nengaʼa, ta ara marizhèlè man ta kuɗkaɗai, ndohi kit a nengaʼa ara nvalavalhi a vaɗ, man ta jèkè skwi a hi a mangoslèm azɓai.

Zacharie 11:2

Tèngètè, kuɗau! Aman wof tsna, vogwa a ndeda ma, mbibihiaʼa ta gedassa ma. Gagaɗhai, va-kuɗau! Aman nhèyèwof ta ngelda ma.

Zacharie 11:8

A i dzam ta ndohi nwèr tambakihi makar auda te mi-zlinè, a ki staɗ. I ngeza a sam ta, a tengaʼa ba ta ngeza a sam ga.

Matthew 15:14

Va-jèke ta, tengaʼa ndohi ncè ta ma mandazlihai, man ta rka di ɓai. Aman mandazlai a fidè ma mandazli ngiɗè, cèw, ba ta da wushè a vèvèɗ.

Actes 7:52

Ndo nhadka ma tema, man babhi kinè ta dzara ɓai? A ta bazl ta ndohi man daga zlèzlèa ta ngreda nshkè ndo nzuraʼa. Aman kinè, ndohi man kin ga na ri a gèɗ, a kin keɗaʼa.