Zacharie 10:7 - Ma Zhiklè

⁷ Ndohi Ephraim ta gi a ngul ndohai, ndav tengaʼa a da wuffè ara mwuffe zom. Wudahi tengaʼa ta da rkaʼa, a ta wuffè. Ndav tengaʼa da wuffa a géɗ Ndo nzi pèc pècèk!

Zacharie 10:7 ပူးပေါင်းရင်းမြစ်များ

Genèse 18:19

I ngotskoɗauda te va ndohai, aman a nfa ta ma a gèɗ a wudahi nengaʼa, a gi nengaʼa, aman ta jè-jèr civèɗ Ndo nzi pèc pècèk, a ta gi zuraʼa, a ta til kita, a Ndo nzi pèc pècèk a nʼnga na Abraham, ara man a pasla na rai.

Genèse 43:34

A mva ta skwi nʼndai te gandaf nengaʼa. Aman a Benjamin ta menda na skwi nʼndi sak 5. A ta sau skwai, a ta ndau skwai, a ta wuffè.

Psaumes 102:28

Aman ka, ka ngwèdè va azɓai, mvi ngaya a ndivè azɓai.

Psaumes 104:15

A barassa a wuffedè ndav ndo, a mbar a shüd ndo wuzlwuzlaʼa, a movar a vi wuɗi a ndo.

Psaumes 13:5

Ndo mayam ga da goɗ a ngaɗa, i fena ɓai! Ndohi man ta gay shèwa ta wuffè man i kèlèhai.

Psaumes 28:7

Ndo nzi pèc pècèk, wuɗi ga, gambar ga, i pu ndav ga a nengaʼa; te deɓaʼa a ntakahayè, a ndav ga a ngu langlangaʼa. I woy a i shida na gèɗ a dimèsh ga.

Psaumes 33:21

Halau, ndav nga a wuffè a géɗ nengaʼa, nga pi ndav nga a nzlembaɗ-nengaʼa nkezlaʼa.

Psaumes 90:16

Ngreda ta skwi man ka giaʼa a ɓèlèlihi ngaya, ngreda ta nʼnjèl ngaya a wudahi ngaya!

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 38:19

Ndo man a zhè a nshèffè; sèi ndo man nshèffè na zhè, a nzai ka, lèmèlèmè ara man i gi a patsna. Bab kra a njè ta nlèɓèslè ngaya a wudahi na.

Esaie 54:13

a wudahi ngaya tèlèba ta ndi a wudahi Ndo nzi pèc pècèk. Wudahi ngaya ta da wèl va kumba,

Esaie 66:14

Aman kin rka skwi haha, ndav kinè a da gi langlangaʼa, va kinè a ɗai ɗukeɗukaʼa ara mandai, a ri Ndo nzi pèc pècèk nʼngreda auda a sam ɓèlèlihi nengaʼa, a ndzoan nengaʼa a sam mayamhi nengaʼa.

Jérémie 32:39

I da va ta ndav staɗ, civèɗ staɗ, a ta gi zlau ga pèc pècèk, a manam ta a zhè, a manam wudahi te verzi ta.

Ezéchiel 37:25

A ta da nzi te kokwar man i va na Jacob, ɓèl ga, man babhi tengaʼa ta nzakaɗa pa. Ta da nzi te pa pèc pècèk, a tengaʼa a wudahi a wud wudahi tengaʼa. A David, ɓèl ga, a gi bi tengaʼa a mèdèp.

Joel 2:23

Kinè wudahi Sion, va-wuffa, va-gu langlangaʼa a géɗ Ndo nzi pèc pècèk, Zhiklè kinè, aman nengaʼa a va kinè skwi nʼndai a kin mbel kinè; a nzlinda kinè iyam, a iyam nzlekai a iyam ntil skwai ara zlèzlèa.

Habakuk 3:18

Aman iyè, i da slébèrdè Ndo nzi pèc pècèk, a i wuffè a géɗ Zhiklè, Zhiklè man a mbelyè.

Sophonie 3:14

Dem Sion, wuff mwuffè! Va-hazlawa a mwuffe, ndohi Israel! Dem Jérusalem, wuffa, gu langlangaʼa a ndav ngaya tèlè-ba!

Zacharie 12:8

A pats nasa Ndo nzi pèc pècèk a da ɓer ta ndohi Jérusalem, a ndo man wuɗi na azɓai te va tengaʼa a gi lèmèlèmè ara David. A ndohi gi David lèmèlèmè ara Zhiklè; gol Zhiklè tsuvom tengaʼa.

Zacharie 9:15

Zhiklè bi mbiaʼa a da ɓer ta, a ta da fen ta, a ta mbatsaha kwa man ta pi a vangava. Ta da si pombaz tengaʼa ara barassa, a ta zlama ta daʼai a ta bazl ta, ara man ta keɗa zluèɗ a sam mvi skwi a Zhiklè.

Zacharie 9:17

Mwuffè a zhè, a gi amba! Dau a zom a zhè a pa. Golahi a dalahi ta ara kwahi mbelaʼa man ta si dai.

Luke 1:47

Mèzhèɓ ga a wuffè te Bi Zhiklè, Bi mʼmbelyè!

Jean 16:22

Kinè ba, antanta kin lèyè te ndav kinè. Aman nga da ngècè va zaʼa, a ndav kinè a da wuffè, ndo ngiɗè a da cè mwuffè auda te ndav kinè azɓai.

Actes 13:33

Zhiklè a nrufa mpèsl ri nengaʼa a sam di nga, wudahi tengaʼa, aman a nslambaɗda Yèsu te ndev ndohi mʼmetsaʼa, ara man ta Windo te Psaume 2: Ka kra ga, a patsna i fe ka.

Actes 2:26

Gar haha ndav ga langlangaʼa, a i gèɗè ma mwuffe, a gèɗ man ko va ga a nʼnza, a i zhèrè te ndav.

Actes 2:39

Skwi man Zhiklè a mpasla kinè rai, skwi kinè, a wudahi kinè, a ndohi tèlèba man ta dra, tèlèba man Bai, Zhiklè nga, a woy a mbaha ta.

Philippiens 4:4

Va-wuffa te Bai Yèsu pèc pècèk, a i gaɗa kinè zaʼa: Va-wuffa!

1 Peter 1:8

Ko man kin rka nengaʼa di ɓai, aman kin woyaʼa a ndav kinè genè. Antanta kin co a ndav, ko kin rkaʼa a di di ɓai, a kin wuffè a mwuffè mbiaʼa, a nʼnjèlè te pa,

I Samuel 2:1

Anne a ntsu ri a Zhiklè, a ngaɗa: Ndav ga a wuffè te Ndo nzi pèc pècèk. Zhiklè a nslambaɗday gèɗ, a ndzegaryè a vata. Ma ga a winè twèng a sam mayamhi ga, aman i wuffè a gèɗ skwi man a takahayè a vna.