Zacharie 10:4 - Ma Zhiklè

⁴ Te va tengaʼa ta shkè auda: wof man ta ngi a ndevaʼa, wof man ta ɗizlè a vna, bi lèkèɗ, bihi var tèlèba.

Zacharie 10:4 ပူးပေါင်းရင်းမြစ်များ

Genèse 49:24

Aman lèkèɗ nengaʼa mʼmanaʼa, a ri nengaʼa wuɗi te pa, a géɗ man Zhiklè Jacob a mva na wuɗai a nzlembaɗ ndo mɓer Israel,

Esdras 9:8

Nʼnzi a zhè kètè, Ndo nzi pèc pècèk, Zhiklè nga a va nga pombai, a mʼmbel nga njèkèdi ndohi man ta menkaɗ ta a deɓa te ɓèlè, a va nga nshèk va a sam nengaʼa nkezlaʼa, a nciɗa nga dai, a nga ngaha pa kètè te ɓèlè.

Psaumes 118:22

Kwa man ndohi ndizlè gai ta kwolaʼa, nʼngaʼa a kwa nte verziaʼa.

Esaie 19:13

Bihi Tsoan ta rzla; bihi Noph, ndo ngiɗè a nʼngwode ta. Mbibihia nengaʼa ta zede kokwar Egypte.

Esaie 28:16

A géɗ nengaʼa Zhiklè Ndo nzi pèc pècèk a gaɗa: Na haha, i tilda kwa a Sion, géɗ kwa, verzi kwa mbelaʼa. Ndo man a nco nengaʼa a ndav, skwa a tsama na sak azɓai.

Esaie 49:2

A ntaslay ma ga ara tsakwal, a mɓeryè tʼhwaɗ ri na, a ngiyè a shèr sulom, a mfiyè a godoma nengaʼa.

Esaie 54:16

Na haha i gau ngwozla, aman a vècè vogwa, a viɗè skwi ngi var. I gu ndo ngedassa skwi ba, aman a gedas ta.

Jérémie 1:18

Na haha iyè a ri ga i ge ka a gi ndakmaʼa a patsna, a sakgi züdo, a zlazlar züdo a géɗ kokwar tèlèba, a géɗ bihi Juda a wud bihi nengaʼa, a géɗ ndohi mvi skwi a Zhiklè, a ndohi kokwar tèlèba.

Jérémie 51:20

Ka züdo te ri ga, skwi var man i bazl ta ndohi herkeda a vna;

Zacharie 9:10

A da ndiv kiki var te Ephraim, a plèshi te Jérusalem, a lèkèɗ ba. A da tsi gumai a sam ndohi herkeda tèlèba. Kokwar bi nengaʼa a hinè a ma woyam ngiɗè, a ndè a ma woyam ngiɗè, a ndè a verzi herkeda.

Zacharie 9:8

A i woya a i tèuda gi ga a pa, a i ɓir gai, a i ɓirèʼa te ri ndohi man ta bizhè a pa, a ta shkè a deɓa a ngwai, ndo a di a slaha a nʼnga ta matakwan asaɓai; aman i rka matakwan tengaʼa a di ga.

Nombres 24:17

I rkaʼa, aman antanta di ka bai – i wèrèʼa, aman ndul ndul di ka bai – bantai a vangkaɗauda te verzi Jacob. Gaɗa bi a shkè auda te Israel, a mbatsama ta gèɗ a ndohi Moab, a vatasl gèɗ ndohi Seth tèlèba.

Matthew 9:38

Va-tsu ri a bi skwi nslaʼa, aman a zlinde ta ndohi mizlinè, a ta ɓicè skwi na.

Luke 20:17

A nengaʼa a mpa ta dai, a ngaɗa: Na haha, ma mè, man ta Windo: Kwa man ndohi nrèm gai ta kwolaʼa, nʼngaʼa a kwa nte verziaʼa?

Ephésiens 2:20

man ta ɗizl ta a géɗ ndohi sak a ndohi nhadka ma te verziaʼa. Yèsu Kristi, kwa verzi gai a ri na.

2 Timothy 2:4

Aman ndo var man amba, a hér gèɗ ngwi na azɓai, aman a hér skwi man ambaha ndo nkworo.

1 Peter 2:6

Gar haha ta Windo te ɗèlèwèr Zhiklè: Na haha i tilda kwa mbelaʼa a Sion. Ndo man a cè nengaʼa a ndav, a ngècè hori a di azɓai.

Apocalypse 17:14

Ta da gi wuɗi a kra tambak, a kra tambak a da gi a ngul ta, aman nengaʼa mbiaʼa a géɗ mbibihiaʼa, bai a géɗ bihai, a ndohi man ta dzodzora, man Zhiklè a baha ta, a mpar ta mpèrè, a ta lèɓèslè, ta mbi a ngi a ngula a nda nengaʼa.

I Samuel 14:38

Saul a ngaɗa: Va-zlatsa a haha, kin tsuvomhi ndohi tèlèba, va-wora, ngu mali haha a patsna wa?