Zacharie 10:11 - Ma Zhiklè

¹¹ Ta da bizhè a ndev woyam Egypte, a Ndo nzi pèc pècèk a slèmbèɗdè iyam te woyam, a woyam Nil a da gwor na. Assyrie a da fi va asaɓai; gada bi Egypte ba asaɓai.

Zacharie 10:11 ပူးပေါင်းရင်းမြစ်များ

Genèse 8:1

A Bi Zhiklè a nhur Noé a skwi dak a skwi ndzham man a zhè te wurom tèlèba. A Bi Zhiklè a nzlündoko kozlar a géɗ herkeda, a iyam a nshèha va.

II Rois 2:14

A nco dawar Elie man a kalkaɗahi a géɗ nengaʼa, a ntseda a géɗ iyam (aman iyam nʼngel ɓai). Te deɓaʼa a ngaɗa: Ndo nzi pèc pècèk, Zhiklè Elie, tema? A ntseda a géɗ iyam zaʼa, a iyam a nʼngel na cèw. A Elisée a ntawaɗ na auda.

II Rois 2:8

A Elie a nco dawar na, a mpaɗaʼa, a ntseda a géɗ iyam, a iyam a nʼngel na cèw, a ta tawaɗa auda cèw ba, iyam az a sak ta ɓai.

Esdras 6:22

Ta gu ngolala, ta wuffè te ngolala movar man skwi nshègèrè a te di ɓai, mʼmèn tsaraɗ, te man Ndo nzi pèc pècèk a wuffeda ndav ta, a ngwodko ndav bi Assyrie a sam ta, aman a takaha ta kumba a sam mizlinè nrèm gi Zhiklè Israel.

Psaumes 114:3

Iyam mbiaʼa a nzlats na hai, woyam Jourdain a nʼngwoda gèɗ na a deɓa.

Psaumes 114:5

Ka iyam mbiaʼa, ka mende va ngaya a deɓa èhèmè? Jourdain, ka ngwode gèɗ ngaya a deɓa èhèmè?

Esaie 14:25

I woya a i kalde ta ndohi Assyrie a hai te kokwar ga, a i mbatsaha ta a sak a géɗ za ga. Wof man ta kelawa ta a daʼai, i kelawko ta auda, a skwi man a deɓ tengaʼa i hela na auda.

Esaie 19:16

A pats nasa, ndohi Egypte ta ara ngwozihai; ta gi zlau, ta gudzai.

Esaie 43:2

Aman ka bizhè a va iyam, i zhè a sam ngaya. Aman ka bizhè a ndev woyam, iyam a mbizhèma ka a pa azɓai. Aman ka bizhè a ndev vogwa, a la-war ka azɓai, nèʼèn vogwa a nde ka ma azɓai.

Esaie 44:27

A i gaɗa na iyam mbiaʼa: Gwor ngaya! A i gwora woyamhai.

Esaie 51:10

Ka man ka gwora iyam mbiaʼa, iyam mbiaʼa man a hakaɗauda tʼhwaɗ herkeda; man ka bazl-da civèɗ a woyam mbiaʼa, a ndohi man ka sumka ta a deɓa ta bezkaɗa pa, ka ɓi ɗè?

Esaie 51:9

Slambaɗ ngaya, slambaɗ ngaya! Sala ri ngaya, Ndo nzi pèc pècèk! Slambaɗ ngaya ara nzlèzlèʼa, ara nhalaʼa. Ka man ka gedassa Egypte, a ka keɗa skwi man nara kedam ka ɓi ɗè?

Ezéchiel 30:13

Gar haha Bi Zhiklè a gaɗa: I da gédèshè skwi mbèh skwi nlizhèʼa, a i da ndev ta zhiklèhi mbèh skwai auda te Noph. Wud bihi a te kokwar Egypte asaɓai. A i gi aman kokwar Egypte tèlèba a gi zlau.

Sophonie 2:13

Te deɓaʼa a da gidè ri nengaʼa a civèɗ man a géɗèʼa, a da zede Assyrie, a da gedassa Ninive, a gwor na ara hèshèkèɗ.

Apocalypse 16:12

A gol Zhiklè mamokwaʼa a mbada kokwi na a géɗ Euphrate, woyam mbiaʼa. A iyam nengaʼa a nshe na, aman civèɗ ntila, man a bihi te man a mvèng pats.