Zacharie 1:4 - Ma Zhiklè

⁴ Kin gu ara babhi kinè ɓai, man ndohi nhadka ma ta njè ta ma zlèzlèa: Zhiklè bi mbiaʼa a goɗ ar haha: Vajèkeda civèɗ kinè man ambaɓai, a mizlinè kinè man ambaɓai! Aman ta gu mèdègèɗ, ta fu gèɗ a ma ga ɓai, Ndo nzi pèc pècèk a gaɗa.

Zacharie 1:4 ပူးပေါင်းရင်းမြစ်များ

II Chroniques 30:6

Ndohi sak to do, a ɗèlèwèr bai a tsuvomhi nengaʼa, a kokwar Israel a Juda tèlèba, a ta menda ta ma bai: Ndohi Israel, va-menkaɗa a deɓa a sam Ndo nzi pèc pècèk, Zhiklè Abraham, Isaac a Israel, a nengaʼa a shkè a deɓa a sam kinè, njèkèdiaʼa man kin mbel kinè auda te ri bihi Assyrie.

II Chroniques 30:7

Kin gau ara babhi a kramamhi kinè ɓai, man ta gu mali a sam Ndo nzi pèc pècèk, Zhiklè babhi tengaʼa, a mpe ta a ri nlèyè ara man kin ngots a patsna.

II Chroniques 34:21

Vo-do, vo-dzhoɗo a sam Ndo nzi pèc pècèk a géɗ ga, a géɗ njèkèɗi ndohi Israel a Juda, a géɗ ma ɗèlèwèr haha man ta ngotso. Aman Ndo nzi pèc pècèk a gi ndav kumba a géɗ nga, a géɗ man babhi nga ta dzadzara ma Ndo nzi pèc pècèk ɓai, a ta ga skwi tèlèba ara man ta windeda ɗèlèwèr haha ɓai.

Esdras 9:7

Daga babhi nga, ha mshkè na mpatsna, mali nga mbiaʼa, a géɗ mphömè nga man nga gau, ka pe nga a ri bihi herkeda, a ma tsakwal, a dangai, a ɓèlè, a ri metsarhai, nga a bihi nga, a ndohi mvi skwi a Zhiklè nga; a nga zhè a hori a dai a patsna.

Néhémie 9:16

Aman tengaʼa, babhi nga, ta gro gèɗ, ta Sala va ta, ta gu mèdègèɗ a sam ma nkwèr ngaya.

Néhémie 9:26

Aman ta gu mèdègèɗ, a ta slambaɗa ka va. Ta kwola ma kita ngaya, ta bazl ta ndohi nhadka ma man ta bidka ta a deɓa, a ta derde ka kumba.

Néhémie 9:30

Mvi kumba ka zhèrè genè, ka zhèrè genè, ka ngatsa ta maya a Mèzhèɓ ngaya, te ma ndohi nhadka ma, aman ta tsena ɓai. Te deɓaʼa ka pe ta a ri ndohi herkeda ngiɗè.

Psaumes 78:8

a ta gi azɓai ara babhi tengaʼa man ta gu mèdègèɗ a ta tsena gèɗ ɓai, verzi ndohi man ta mana ndav ta ɓai, man mèzhèɓ tengaʼa nlèɓèslèa a sam Zhiklè ɓai.

Esaie 31:6

Va-menkaɗa deɓa, ndohi Israel, a sam nengaʼa man kin ga na ri a gèɗ kumba!

Jérémie 18:11

Gar haha gaɗa ta ndohi Juda a ndohi Jérusalem: Ndo nzi pèc pècèk a goɗ ar haha: Na haha i til matakwan a hai a i hér skwi man ambaɓai a géɗ kinè. Va-menkaɗa deɓa, staɗ staɗ tèlèba a civèɗ nengaʼa man ambaɓai, va-tila civèɗ kinè, va-gu skwi man amba.

Jérémie 23:22

Aman agassa ta nza a sam ncèmma ga, ar ta menda ta ma ga a nɗohi ga, a ta helka ta a deɓa a civèɗ tengaʼa man ambaɓai, te maya tengaʼa man ta gu ambaɓai.

Jérémie 25:8

Gar haha Zhiklè bi mbiaʼa a gaɗa: A géɗ man kin tsena ma ga ɓai,

Jérémie 26:5

ma ɓèlèlihi ga, ndohi nhadka ma man iyè, i zlinde ta, a ta wurrkaɗa a va ngèɗè a prèk te gai, kin tsena ɓai, —

Jérémie 3:12

Do a ka boho ma haha a civèɗ ndè man a géɗèʼa: Israel, menkaɗa deɓa, Ndo nzi pèc pècèk a gaɗa. I woy a i pi di shèwa a ka ani asaɓai, aman ndo a siyè te va, Ndo nzi pèc pècèk a gaɗa. I gi ndav a mèdèp azɓai.

Jérémie 3:14

Kinè ndohi man kin kwolyè, va-menkaɗa deɓa, Ndo nzi pèc pècèk a gaɗa. Iyè, i bi kinè, I woy a i cè staɗ staɗ te kokwar staɗ staɗ tèlèba, a i hilè te verzi kinè tèlèba cèw cèw, a i de kinè a kokwar Sion.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 4:1

Ndo nzi pèc pècèk a gaɗa: Israel, aman ka shkè a deɓa – aman ka shkè a deɓa a sam ga, aman ka wusheda mʼmbèh skwi ngaya aussa, ar ka hi a iyè asaɓai.

Jérémie 44:16

Ma man ka menda nga a nzlembaɗ Ndo nzi pèc pècèk, nga fi gèɗèʼa azɓai.

Ezéchiel 14:6

Gar haha gaɗa ta ndohi Israel: Bi Zhiklè a goɗ ar haha: Va-ngwoda ta deɓa a vrihi kinè! Va-jèkeda skwi hori kinè tè-lèba!

Ezéchiel 20:18

I gaɗa ta wudahi ta tʼhèshèkèɗ: Kin do a civèɗ babhi kinè ɓai, kin dzodzor tsuf tengaʼa bai, kin lizhè va kinè a mʼmbèh skwi tengaʼa bai!

Ezéchiel 33:11

Gada ta: ara man a vava i zhè, Bi Zhiklè a gaɗa: ambahay bai, aman ndo ambaɓiaʼa a metsi na; aman i woya ndo malai a menkada deɓa te civèɗ na, a nzi a nshèffè. Va-menkada deɓa, Va-menkada deɓa te civèɗ kinè man ambaɓai! Kinè ndohi Israel, kin woy a kin metsi kinè èhèmè?

Ezéchiel 33:4

Aman ndo ngiɗè a ntsena tolom, a nfa na gèɗ bai, tsakwal a kéɗèʼa, mali na.

Daniel 9:6

Nga fa gèɗ a ma ndohi nhadka ma, ɓèlèlihi ngaya, ɓai, man ta gada ta bihi nga a tsuvomhi nga a bababhi nga a ndohi herkeda tèlèba a nzlembaɗ ngaya.

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Amos 5:24

Aman kita nzuraʼa da gau, ara man iyam a hai, a ngi-zuraʼa da gudkoɗa, ara iyam man a hakaɗai.

Michée 2:6

Ta gaɗa: Kin nju ma ɓai! Njè-ma a zhè, aman a géɗ skwi ve na a haha ka ɓai. Ndohi malihai ta hérdè va a deɓa azɓai.

Zacharie 1:3

Gar haha gaɗa ta: Zhiklè bi mbiaʼa a goɗ ar haha: Va-menkaɗa deɓa a sam ga, a i woya a i dè a deɓa a sam kinè, Zhiklè bi mbiaʼa a gaɗa.

Zacharie 7:7

Ma haha Ndo nzi pèc pècèk a goɗ te ma ndohi nhadka ma nengaʼa zlèzlèʼa ka ɓi ɗè, aman ndohi ta nza te Jérusalem, te kokwarhi a tsagi nengaʼa dai, a ta nza te pa a gumai, ko te kokwar Négeb a Shéphela, ndo te pa.

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.

Actes 3:19

Anai va-ngwoda ndav kinè, a kin menkada deɓa a sam Bi Zhiklè, aman mali kinè mpana.

1 Peter 1:18

Kin suna, skwi man a sumka kinè a deɓa te maya nshèffè bababhi kinè nhalaʼa, man skwi ambalai: ara verzhè-gènè a guro man a di a gédèsh na ka ɓai;