Sophonie 3:9 - Ma Zhiklè

⁹ Te deɓaʼa i da humbaɗda ta tapiɗaf ma ndohai, a i va ta tapiɗaf ma nlizhɓiaʼa, aman ta tèlèba ta tsi ri a nzlembaɗ Ndo nzi pèc pècèk, ta tèlèba ta mbi a mizlinè nengaʼa, a ndav staɗ.

Sophonie 3:9 ပူးပေါင်းရင်းမြစ်များ

Genèse 11:1

Herkeda tèlèba, a nèʼèn ta staɗ, a daʼai ta staɗ.

Genèse 4:26

A Seth ba a nʼngots kra nguraʼa, a mbaha na Enosh. A pats nasa ta hüno ntsi ri a nzlembaɗ Ndo nzi pèc pècèk.

Psaumes 113:3

Te civèɗ mvèng pats a ndè a sam nkèl pats, sèi ngo-slubordokoy nzlembaɗ Ndo nzi pèc pècèk!

Psaumes 22:27

Ndohi man ta manda ta gèɗ a hai, ta da ndi skwai a ta ngézhè. Ndohi man ta woya Ndo nzi pèc pècèk, ta da shida na gèɗ. Ndav kinè da nza a nshèffè a mèdèp!

Esaie 19:18

A pats nasa, kokwar zlam te kokwar Egypte ta da gèɗè daʼai Canaan, a ta mbèɗè a ta vi va ta a ri Zhiklè bi mbiaʼa. Staɗ, nzlembaɗ na Ir-Harèhès (kokwar ngedassaʼa).

Esaie 57:19

Ta da gèɗè ma malwuɗai, ma gumai a ndohai, ko ndohi dra, ko ndohi ndul ndul; a i mbel ta, Ndo nzi pèc pècèk a gaɗa.

Esaie 6:7

A nlama na ma ga a vna, a ngaɗa: Na haha, skwi haha a lama ka ma ngaya, a ncè ka mali ngaya auda, mʼmpra ka mali ngaya ma.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Ezéchiel 37:17

Te deɓaʼa ka derzla gaɗa, a nge na gaɗa staɗ te ri ngaya.

Habakuk 2:14

Aman nshin nʼnjèl Ndo nzi pèc pècèk a da ndhè herkeda, ara iyam man a ndha te woyam mbiaʼa.

Sophonie 2:11

Ndo nzi pèc pècèk a da gi skwi mwuɗitpa a sam tengaʼa, a da zede zhiklèhi mbèh skwi tengaʼa tèlèba tʼherkeda, a ndohi herkeda a ma woyam tèlèba ta da gurɓèhai a sam nengaʼa, staɗ staɗ tèlèba a sam nʼnzi na.

Zacharie 14:9

Te deɓaʼa Ndo nzi pèc pècèk a gi bai a géɗ herkeda tèlèba. A pats nasa Ndo nzi pèc pècèk bi staɗgenè, nzlembaɗ nengaʼa staɗgenè.

Zacharie 2:11

A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.

Matthew 12:35

Ndo man amba a cko skwi man amba auda te ndav nengaʼa man amba. Ndo man ambaɓai a cko skwi man ambaɓai auda te ndav nengaʼa man ambaɓai.

Ephésiens 4:29

Va-gu aman ma ambaɓiaʼa da shkè auda te ma kinè ɓai, sèi ma mbelaw, man a gi aman kin grè a ma ma a vna. Vo-goɗ ma, aman a takaha ta ndohi man ta cinèʼa.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.