Sophonie 3:20 - Ma Zhiklè

²⁰ A pats nasa i da hel kinè a deɓa a ngwai, a pats nasa i da ɓic kinè a deɓa. I woy a i va kinè nʼnjèlè, a ndohi herkeda tèlèba ta slèbèrdè kinè, aman i da helka kinè a deɓa te ɓèlè, a sam di ta – Ndo nzi pèc pècèk a gaɗa.

Sophonie 3:20 ပူးပေါင်းရင်းမြစ်များ

Psaumes 35:6

Civèɗ tengaʼa da zhè te ruva, da fada ta sak, a gol Ndo nzi pèc pècèk da kalde ta a hai!

Esaie 56:5

i woya a i hér ta te gi ga, a i slubarde nzlembaɗ ta tʼhwaɗ gi ga, a fena wudahi a dalahi ga. I woya a i va ta nzlembaɗ man a gédèshè azɓai a mèdèp.

Esaie 56:8

Bi Zhiklè man a ɓic ta ndohi Israel man ta venda gèɗ ta, a goɗ arsa: I da ɓic ta ndohi ngiɗè a vaʼa, a va ndohi mɓicaʼa.

Esaie 60:15

Te va nasa ta jèke ka a pa, ta gu shèwa a ka, ndo a dè a sam ngaya azɓai. Aman anai i woya a i nzal ka a mèdèp, a ndohi te verzi wud wudahi tèlèba ta wuffè.

Esaie 61:9

Ndohi nte deɓa ta da sun verzi ndohi sa, a ndohi herkeda ta sun wudahi tertgaʼa. Ta tèlèba man ta rka ta, ta gaɗa: verzi ndohi man Ndo nzi pèc pècèk a mpshè ta ma.

Esaie 62:12

A ta da baha ta ‘ndohi Zhiklè nkezlaʼa’, ‘ndohi man Ndo nzi pèc pècèk a sumka ta a deɓa’. Ka, ta da baha ka: ‘Kokwar man ta has ka’, ‘kokwar man ta da jèke ka azɓai a mèdèp’.

Esaie 62:7

A kin va na nshèk va ɓai, ha a ntila Jérusalem zaʼa, a ngi a skwi nʼnjèl herkeda.

Esaie 66:22

Lèmèlèmè ara giɗfèk mɓuaʼa a herkeda mɓuaʼa, man i giaʼa a ta nzi dai a sam di ga, Ndo nzi pèc pècèk a gaɗa, lèmèlèmè verzi kinè a nzlembaɗ kinè ta nzi dai a ma ma.

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 29:14

Kin da ngatsyè, Ndo nzi pèc pècèk a gaɗa. A i da helka ta ndohi ɓèlè a deɓa, a i da ɓicka kinè te va ndohi herkeda tèlèba, a sam tèlèba man i dzam kinè a pa, Ndo nzi pèc pècèk a gaɗa. Te deɓaʼa i da helka kinè a deɓa a sam man i hel kinè auda te pa.

Jérémie 30:3

aman patsaʼa a di a shkè, Ndo nzi pèc pècèk a gaɗa, man i da helka ta ndohi ga, man ta te ɓèlè, Israel a Juda, a deɓa a kokwar man i va ta babhi ta, a gi a skwi ta, Ndo nzi pèc pècèk a gaɗa.

Jérémie 33:9

Kokwar a da gi a sam ga a skwi man i wuffè a géɗèʼa, a skwi nslébèrdèʼa, a skwi nʼnjèlè, a sam ndohi herkeda tèlèba man ta da tsena ma manam man i va na; ta da gi zlau, ta gudzai, man ta rka manam a gumai man i va na.

Ezéchiel 16:53

I da ngwèdè matakwan Sodome a dalahi na, a matakwan Samarie a dalahi na, ko man a ngaya ba,

Ezéchiel 28:25

Gar haha Bi Zhiklè a gaɗa: Aman i da ɓicka ta ndohi Israel a deɓa te ndev ndohi herkeda, man i ksar ta a pa, i da ngrédè va ga auda, a sam ndohi Israel, a sam di ndohi herkeda, i Zhiklè nkezlaʼa. A ta da nzi te herkeda ta, man i va na Jacob, ɓèl ga.

Ezéchiel 34:16

I hèsh skwi man a zlak na, i hulkoɗi skwi man a ksar na, a deɓa; skwi mpaslaʼa i manaʼa; skwi man wuɗi na azɓai i tsa na mbazlav; a i wèr skwi ngraʼa a skwi man wuɗi na zhè, a i da war ta amba zuraʼa.

Ezéchiel 37:12

Gar haha hod ma, a ka gaɗa ta: Bi Zhiklè a gaɗa: Na haha i winè gi dzavi kinè, a kin shkè auda te vèvèɗ, ndohi ga, a i de kinè a deɓa a kokwar Israel.

Ezéchiel 37:21

Te deɓaʼa ka da gaɗa ta: Bi Zhiklè a gaɗa: Na haha i da helka ta ndohi Israel auda te va ndohi herkeda man ta nzakaɗ a va tengaʼa, a i da ɓicka ta te tsagi tèlèba, a i de ta a deɓa a kokwar ta.

Ezéchiel 39:13

Ndohi tèlèba te kokwar ta da rzl ta. A pats man i da nzala va ga, a i gi a skwi nslébèrdè ta, Bi Zhiklè a gaɗa.

Ezéchiel 39:28

Te deɓaʼa ta da suna, i Ndo nzi pèc pècèk, Zhiklè tengaʼa, a géɗ man i hel ta ndohi a ɓèlè, aman antanta i ɓicka ta zaʼa a kokwar ta, i jèka ndo a pa ɓai, ko staɗ.

Joel 3:1

Te deɓaʼa a vi sa, te ndev nasa, i da helka ta ndohi Juda a ndohi Jérusalem a deɓa te ɓèlè,

Amos 9:14

Te deɓaʼa, i da helka ta ndohi Israel, ndohi ga, a deɓa te ɓèlè. Ta da ɗaɗaya kokwar ngedassaʼa a ta nzi a pa zaʼa, a ta gi gi wof barassa, a ta ngècè barassa ta te pa, a ta gi gi dau, a ta ngècè skwi nʼndi ta te pa.

Michée 2:12

Jacob, i da ɓic kinè tèlèba; i da ɓic ta njèkèɗi ndohi Israel; i da ɓic ta a sam staɗ ara tambakihi a kuɗom, ara rèwè tambak te zlazlar; ndohi rèdèdèʼa man ta hèzlèwè kumba.

Michée 4:7

Ndohi vedal i ge ta a tser ndohai, a ndohi man ta venda gèɗ ta ta ndi a kokwar-bi mbiaʼa. Ndo nzi pèc pècèk a gi bi tengaʼa a géɗ za Sion, a hinè antanta a ma ma a mèdèp.

Sophonie 2:7

Sam a ma woyam mbiaʼa sa, njèkèɗi ndohi Juda ta da ngècèʼa, ta da wèr skwi ta a ma woyam mbiaʼa. A dakwaɗ ta da mènè te gi te kokwar Askalon. Ta pea ta a gèɗ a Ndo nzi pèc pècèk, Zhiklè tengaʼa, azɓai. A da helka ta ndohi a deɓa te ɓèlè.

Sophonie 3:19

Na haha i da zede ta ndohi tèlèba man ta ga ka matakwan – a pats nasa – a i da mbél skwi man vedal, a i ɓica skwi man ta ksaraʼa, a i va ta nʼnjèlè; a ndohi ta slebarde ta tʼherkeda tèlèba.

Zacharie 8:13

Ndohi gi Juda a ndohi gi Israel: nzlembaɗ kinè skwi mphomdaʼa a sam ndohi herkeda te va nasa; anai i da mbél kinè, a kin gi a skwi mpshè ma. Kin gu zlau ɓai, va-nzala ri kinè!

Zacharie 8:8

I woya a i de ta a deɓa a ngwai, a ta nzi a Jérusalem, a ta ndi a ndohi ga, a i gi a Zhiklè tengaʼa, nlèɓèslèa a nzuraʼa.

Mal. 3:12

Te deɓaʼa ndohi herkeda tèlèba ta da gaɗa: Mwuffè a sam tengaʼa! Aman herkeda kinè nʼngaʼa a kokwar mbelaʼa, Zhiklè bi mbiaʼa a gaɗa.

Deutéronome 26:18

A patsna Ndo nzi pèc pècèk a ngaɗa ka aman ka pasla na rai, aman ka da ndi a ndohi na, a skwi na, ara man a gaɗa ka. A ka da jèjèr ma nkwèr nengaʼa tèlèba.

Deutéronome 26:19

Aman te va ndohi herkeda tèlèba man a gau, a va ka nʼnjèl mbiaʼa man a fena ngidè, a mbi ngaya, a labar ma ngaya man amba, a ka da gi a ndohi nkezlaʼa a sam Ndo nzi pèc pècèk, Zhiklè ngaya, ara man a gaɗa ka.