Sophonie 3:18 - Ma Zhiklè

¹⁸ I cèma ka hori auda a dai, skwi man a phomde ka; i cèma ka skwi man a nzala ka a gèɗ.

Sophonie 3:18 ပူးပေါင်းရင်းမြစ်များ

Psaumes 43:3

Zlündo skwi nhél sam ngaya, zlündo ma ngaya nzuraʼa, a ta feday ma, a ta dyè a sam za ngaya nkezlaʼa, a sam gi ngaya.

Psaumes 79:4

Ndohi a tsagi nga ta derd nga, ta liv nga, ta ngwossaha nga, ta tèlèba man nslamagihi nga.

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Lamentations de Jérémie 1:4

Civèɗ ndè Sion a lèyè. Ndo ndè ngolala azɓai, ntamagi kokwar nenga tèlèba ta nza a pa ambalai. Ndohi mvi skwi a Zhiklè nengaʼa ta kuɗai, dalahi tengaʼa ta kuɗi te ndav, a géɗ skwi mwuɗitpa man a ga na kokwar.

Lamentations de Jérémie 1:7

A pats nlèyè, Jérusalem a hér civèɗ nengaʼa man a nzlak na auda a pa, skwi mèshèlè tèlèba man te va nasa a nʼngotso. Aman antanta ndohi nengaʼa ta kala a ri mayam ta, ndo ntakaha ta azɓai. Mayamhi tengaʼa ta pi dai, ta ngwèshè a géɗ man kokwar Jérusalem ngedas na.

Ezéchiel 34:13

A i de ta auda te va ndohi herkeda, a i ɓicka ta a deɓa te kokwar bihai, a i helka ta a deɓa a kokwar bab ta, a i war ta a gèɗ za Israel, te nkulgodok, a sam nʼnzi tèlèba te kokwar.

Ezéchiel 36:24

I da parka kinè a deɓa tʼherkeda tèlèba. I da ɓic kinè, a i de kinè a deɓa a ngwai a kokwar kinè.

Ezéchiel 9:4

A ngaɗa na: Do a ndev kokwar, a ka beza a ndev kokwar Jérusalem, a ka windeda lamba wof ngézlèlè a medi ndohi man ta ɗish va a ta ngèy va, a géɗ skwi hori tèlèba man ndohi ta gu te kokwar.

Osée 9:5

Kin woy a kin gi mè a pats ngolala, a pats ngolala Ndo nzi pèc pècèk?

Sophonie 3:20

A pats nasa i da hel kinè a deɓa a ngwai, a pats nasa i da ɓic kinè a deɓa. I woy a i va kinè nʼnjèlè, a ndohi herkeda tèlèba ta slèbèrdè kinè, aman i da helka kinè a deɓa te ɓèlè, a sam di ta – Ndo nzi pèc pècèk a gaɗa.