Sophonie 3:15 - Ma Zhiklè

¹⁵ Ndo nzi pèc pècèk a hela ka ndohi nderɗe ka auda a tsagai, a dzam ta ma-yamhi ngaya. Ndo nzi pèc pècèk, bi Israel, a zhè te ndev kinè, ngedèshè a da ga ka ani asaɓai.

Sophonie 3:15 ပူးပေါင်းရင်းမြစ်များ

Genèse 30:23

A ngu a hwaɗ, a myu kra nguraʼa, a ngaɗa: Bi Zhiklè a ncèmay hori auda a dai.

Psaumes 149:2

Israel da wuffa a géɗ ndo nʼngau, ndohi Sion sèi ta wuffè a géɗ bi tengaʼa.

Psaumes 19:9

Ma-bi Ndo nzi pèc pècèk amba, a vi mwuffè a ndav; ma nkwèr Ndo nzi pèc pècèk tsarayaʼa, a win dai.

Psaumes 85:3

Ka pra ta malai a ndòhi ngaya, ka fa na kwa a gèɗ a mali tengaʼa tèlèba.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 25:8

A da gedas-seda mʼmetsi aussa a mèdèp. Bi Zhiklè a da saha ta kuda auda a di a ndohi na, a cè hori auda a di tengaʼa, a di a herkeda tèlèba. Aman Ndo nzi pèc pècèk a ngoɗa.

Esaie 33:22

Aman Ndo nzi pèc pècèk man a gi kita nga. Ndo nzi pèc pècèk, nengaʼa a da mbel nga.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 51:22

Bi ngaya, Ndo nzi pèc pècèk, Zhiklè ngaya, man a nza ta deɓa a ndohi na, a goɗ aranta: Na haha i cè kokwi man skwi ngiɗè te pa a nkeɗ ka, kokwi ndzoan ga, auda te ri ngaya. Ka da siaʼa ani asaɓai.

Esaie 52:9

Va-wuffa, va-guzlau, kinè gi dikihai te Jérusalem! Aman Ndo nzi pèc pècèk a bid ta ndohi na, a sumka ta ndohi Jérusalem a deɓa.

Esaie 54:14

ngi-zuraʼa a da zhè te verzi ngaya. Ka zhè dra a sam shè-wa. Skwi ngiɗè man ka gi zlauaʼa, azɓai, skwi a pra ka zlau a va, a zhè dra a sam ngaya, a herdeka ka va azɓai.

Esaie 60:18

Shèwa a cinè te kokwar ngaya azɓai. Gi mʼmbeɗaʼa a diki ta ngècè te kokwar ngaya azɓai. Ka da baha na zlazlar ngaya ‘skwi mʼmbel ndo’, a ntamagi kokwar ngaya ‘nʼnjèlè’.

Esaie 65:19

I da wuffè a gèɗ Jérusalem, i da gi langlangaʼa a gèɗ ndohi ga. Ta da tsena kuɗ a lalau a ma ma te pa asaɓai.

Jérémie 8:19

Fu zlembaɗ, kuɗ ndohi ga a cinè dra! Ndo nzi pèc pècèk nte Sion ka ɓi dè, bi na nte pa ka ɓi dè? Ta pokoy gèɗ ndav auda a mʼmbèh skwi tengaʼa èhèmè? A mʼmbèh skwi te kokwar ngiɗè man a takaha ta azɓai?

Ezéchiel 35:10

Ka gaɗa: Kokwar-bihi cèw, Israel a Juda, herkeda cèw, sèi ta gi a skwi ga. I woy a i dum ta, ko Ndo nzi pèc pècèk a nza te pa.

Ezéchiel 36:15

Ndohi nte deɓa ta derde ka ani asaɓai, a ndohi herkeda ta ngwossaha ka asaɓai, Bi Zhiklè a gaɗa.

Ezéchiel 39:29

I da ngheda va ga te deɓaʼa asaɓai, a géɗ man i va ta Mèzhèɓ ga a gèɗ Israel, Bi Zhiklè a gaɗa.

Ezéchiel 48:35

Ntèuda te pa tèlèba, a gi ara km 8. Anai da baha na kokwar a nzlembaɗ: Ndo nzi pèc pècèk a zhè a haha.

Joel 3:17

Kin da suna, i Ndo nzi pèc pècèk, Zhiklè kinè, man i zhè te Sion, za ga nkezlaʼa. Jérusalem, kokwar nkezlaʼa, ndo nte deɓa a da bizhè a pa azɓai.

Amos 9:15

I da nge ta a herkeda ta, a ta da dzam ta auda asaɓai tʼherkeda ta man i va ta, Ndo nzi pèc pècèk, Zhiklè ngaya, a gaɗa.

Michée 7:10

Mayam ga da rkaʼa, da ngots hori a dai, nengaʼa man a gaɗayè: Ndo nzi pèc pècèk, Zhiklè ngaya, tema? Di ga a da wuffè a géɗ nengaʼa, man ta mbatsaha a sak ara koskosi a civèɗ.

Habakuk 2:17

Mali man ka ga na Liban, a da ngwoda ka va a gèɗ, skwi dak a da pa ka zlau a gèɗ, te man ka ga na wuɗi a kokwar, ka bazl ta ndohi te kokwar tèlèba.

Habakuk 2:8

Njèkèɗi ndohi herkeda ta da dum ka, a géɗ man ka, ka dum ta ndohi herkeda kumba, a géɗ man ka bazl ta ndohai, a ka gu shèwa a kokwar, a ndohi kokwar tèlèba man ta te pa.

Sophonie 3:17

Ndo nzi pèc pècèk, Zhiklè ngaya, a zhè te ndev kinè, nengaʼa ngulaʼa, man a mbél ndo. A wuffè kumba a géɗ ngaya, a woy ka zaʼa, mwuffe na a géɗ ngaya ara pats ngolala.

Sophonie 3:5

Ndo nzi pèc pècèk te ndev tengaʼa, zuraʼa, a gi skwi zuraʼa ka ɓi azɓai. A prèk a prèk a bèzlè kita, skwi nhél sam na zhè, aman a ngreda malai.

Zacharie 12:3

A pats nasa i gi Jérusalem a godokwom mbiaʼa, a ndohi herkeda tèlèba man ta woy a ta mbèlè auda, a cizlèma ta rai, a ndohi tèlèba ta da ɓicè va a géɗèʼa.

Zacharie 14:11

A ta nzi a pa, ma mphomaʼa a te pa ɓai, a Jérusalem a nzi a gumai.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

Jean 1:49

Nathanael a mʼmbeɗa na a ma: Rabbi, ka kra Zhiklè, ka Bi Israel!

Jean 12:15

Ka gu zlau ɓai, kokwar Sion! Na haha, bi ngaya a shkè a deɓ gol kɗèh.

Jean 19:19

A Pilate a mwindo a géɗ wof ngèzlèlè: Yèsu, ndo Nazareth, bi ndohi Juif.

Jean 5:30

I slaha a i gi skwi a géɗ ga ɓai; i bèzlè kita, ara man i tsenaʼa. Kita ga nzuraʼa. I woy skwi ara man iyè i woya ka ɓai, aman skwi man nengaʼa man a zlindekayè a woyaʼa.

Apocalypse 12:10

A i tsena ngèɗè ngiɗè mbiaʼa man a gaɗa te zhiklè: Antanta skwi mʼmbel ndo a wuɗai a kokwar-bai a Zhiklè nga a zhè, a wuɗi-bai a sam Kristi nengaʼa, a géɗ man ta kalda ndo mpin ta kramamhi nga, man a pin ta a pats a vaɗ a sam Zhiklè nga.

Apocalypse 18:20

Giɗfèk, wuffa a géɗ nengaʼa! Va-wuffa, kinè ndohi Zhiklè a ndohi sak a ndohi nhadka ma! Aman Zhiklè a nʼnga na kita a gèɗ, a géɗ kinè!

Apocalypse 19:16

Nzlembaɗ ngiɗè mwindèa a maslaka na, a tataya nengaʼa: Bai a géɗ bihai, mbiaʼa a géɗ mbibihiaʼa.

Apocalypse 7:15

A géɗ nengaʼa ta zhè a ma sam nʼnzi bi Zhiklè, a ta takaha a pats a vaɗ te gi Zhiklè nengaʼa. A nengaʼa man a nzi a géɗ sam nʼnzi bai a da nza ta a dai.