Sophonie 3:14 - Ma Zhiklè

¹⁴ Dem Sion, wuff mwuffè! Va-hazlawa a mwuffe, ndohi Israel! Dem Jérusalem, wuffa, gu langlangaʼa a ndav ngaya tèlè-ba!

Sophonie 3:14 ပူးပေါင်းရင်းမြစ်များ

Néhémie 12:43

A pats nasa ta va na skwi a Zhiklè a vata, ta wuffè, a géɗ man Zhiklè a mva ta mwuffè a ndav. Ngwozi ba a wudahi ba ta wuffè, nhèzlèwè m wuffè Jérusalem a cinè dra.

Psaumes 14:7

Skwi mʼmbel ndohi Israel da shkè te Sion! Aman Ndo nzi pèc pècèk a da helka ta ndohi nengaʼa a deɓa, Jacob a da wuffè, Israel a da sli dimèsh.

Psaumes 149:2

Israel da wuffa a géɗ ndo nʼngau, ndohi Sion sèi ta wuffè a géɗ bi tengaʼa.

Psaumes 97:8

Sion a tsenaʼa, a wuffè, dalahi Juda ta sli dimèsh a mwuffè, a gèɗ kita ngaya, Ndo nzi pèc pècèk.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 29:19

Mbela-wahai ta da wuffè zaʼa, a géɗ Ndo nzi pèc pècèk, a ndohi ntawassa holholaʼa ta slébèrdè Zhiklè Israel nkezlaʼa.

Esaie 35:2

Da dzuv skwai, da wuffa, da wuffa, da shüd gèɗ te pa a yata! Zhiklè a da va na nʼnjèl Liban, mbambi Carmel a mbambi Saron. Ta da rka nʼnjèl Ndo nzi pèc pècèk, nʼnjèl Zhiklè nga mbikaɓai.

Esaie 37:22

Na haha ma man Ndo nzi pèc pècèk a goɗ a géɗ nengaʼa: Bidalai, dem Sion a rka ka ara zai, a ngwossaha ka. Dem Jérusalem a geda gèɗ kwota-kwotaʼa te deɓ ngaya.

Esaie 40:1

Va-bid ta, va-bid ta ndohi ga! Zhiklè kinè a gaɗa.

Esaie 40:9

Ka man ka hada na ma mbelaʼa a Sion, do za ngurèa! Boho a wuɗai, ka man ka hada na ma mbelaʼa a Jérusalem! Ka goɗ a zlau bail Gaɗa ta kokwarhi te Juda: Na haha, Zhiklè kinè!

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 52:9

Va-wuffa, va-guzlau, kinè gi dikihai te Jérusalem! Aman Ndo nzi pèc pècèk a bid ta ndohi na, a sumka ta ndohi Jérusalem a deɓa.

Esaie 54:1

Hazlawa a mwuffè, ka delai man ka ya kra ɓai! Da wuffede ka, ngwossa man ka disha kra ɓai! Aman ngwoz man nya kra ɓai, wudahi nengaʼa a fena wudahi man a baki na zhè, Ndo nzi pèc pècèk a gaɗa.

Jérémie 30:19

Te pa dimèsh nslèbèrdè, ma nʼngwè-shè, a shkè auda. I gi a ta mènè a vata, ta mènèhi azɓai. I da nzal ta, ta derde ta azɓai.

Jérémie 31:13

Te deɓaʼa bidalihai ta woy ngècè, golahi a babgihi ba ta woy a ta wuffè. I da bid ta, i da va ta mwuffè te deɓ kuɗa.

Jérémie 33:11

ta da cinè ma mwuffè a dimèsh te pa dai, ma ntsima a ma medemai, daʼai man a gaɗa: Va-slubordo Ndo nzi pèc pècèk, Zhiklè bi mbiaʼa, aman nengaʼa amba, Ndo nzi pèc pècèk, aman pombi nengaʼa a nzi a mèdèp! Daʼai tengaʼa man ta slébèrdè Zhiklè te gi Ndo nzi pèc pècèk, te man i da helka ta ndohi ɓèlè a deɓa te kokwar, ara halaʼa, Ndo nzi pèc pècèk a gaɗa.

Joel 2:23

Kinè wudahi Sion, va-wuffa, va-gu langlangaʼa a géɗ Ndo nzi pèc pècèk, Zhiklè kinè, aman nengaʼa a va kinè skwi nʼndai a kin mbel kinè; a nzlinda kinè iyam, a iyam nzlekai a iyam ntil skwai ara zlèzlèa.

Michée 4:8

Ka, kuɗom skwai, za dem Sion, ka da ngècè bi zaʼa ara halaʼa, bi a géɗ ndohi gi Israel.

Matthew 21:9

Ndohi nhayaʼa to do a ma, ndohi nhayaʼa ta dzodzor te deɓa, a ta boho a wuɗai: Va-nzala kra David! Nga slébèrdè nengaʼa man a shkè haha, a nzlembaɗ Bi Zhiklè. Nʼnjèlè te zhiklè te géɗèʼa!