Sophonie 3:13 - Ma Zhiklè

¹³ Njèkèɗi ndohi Israel, skwi mèmè man skwi nzura ka ɓai, ta da gi asaɓai; ta cèkèlma azɓai; ta ngwèdè ndo azɓai. Ta wèr skwi ta, ta mènè a sam skwi ta, ndo a pra ta zlau a va azɓai.

Sophonie 3:13 ပူးပေါင်းရင်းမြစ်များ

II Chroniques 20:30

Kokwar-bi Josaphat a nʼnza a gumai. Zhiklè nengaʼa a mva na nshèk va a tsagi nengaʼa tèlèba.

Job 11:19

Ka mènèhai, skwi ngiɗè a pa ka zlau a gèɗ azɓai. Ta kumba ta ngalde ka.

Psaumes 119:3

man ta gi mali azɓai, man ta dè a civèɗ Zhiklè.

Psaumes 120:2

Ndo nzi pèc pècèk, mbela nshèffè ga te ri ndohi ncèkèlma, te ri nèʼèn ndohi nʼngwèdè ndo.

Psaumes 120:3

Zhiklè a da ga ka kè, ka ndo man ka ngwèdè ndo!

Psaumes 23:2

A gi man i mana tʼhai a ɗaʼar mɗaʼa. A dyè a iyam nkéɗècèʼa.

Esaie 17:2

Ndohi ta jèkeda kokwarhi Aroer, a ta ndi a sam nwèr skwai. Skwi a mènè a pa, ndo a dzar ta azɓai.

Esaie 35:8

Civèɗ mʼmbazla te pa, man ta baha na civèɗ nkezlaʼa. Ndo man ambaɓai a dè a pa azɓai. Civèɗ man ndohi nengaʼa ta da bizhè a pa. Ko ndo man maya na azɓai, a zi te pa azɓai.

Esaie 54:14

ngi-zuraʼa a da zhè te verzi ngaya. Ka zhè dra a sam shè-wa. Skwi ngiɗè man ka gi zlauaʼa, azɓai, skwi a pra ka zlau a va, a zhè dra a sam ngaya, a herdeka ka va azɓai.

Esaie 6:13

Te skwi kula, njèkè skwi staɗ te pa ɗè? Aman te skwi kula skwi staɗ njèkaha, a di a gédèshè zaʼa, lèmèlèmè ara wof man tajèkeda go-doraʼa a pa, lèmèlèmè ara wof lakalak man ta ngelaʼa a ta jèkeda godozlomaʼa a pa. Godozlom nengaʼa, tser ndohi nkezlaʼa.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 63:8

Nengaʼa a ngaɗa: A vava, ta ndohi ga, wudahi man ta da ngwodyè azɓai. A ngu a ndo mʼmbel ta te matakwan tenga tèlèba.

Esaie 65:10

Saron a gi a sam nwèr skwai, slrats Acor sam rèwè zlèhai ndohi ga man ta woy iyè.

Jérémie 23:4

I da va ta ndohi mɓer ndohai man ta war ta: ta da gi zlau asaɓai, skwa a pra ta zlau a va asaɓai, ndo man a ze na ba, azɓai, Ndo nzi pèc pècèk a gaɗa.

Jérémie 30:10

Aman ka, ka gu zlau ɓai, Jacob, ɓèl ga, Ndo nzi pèc pècèk a gaɗa. Israel, ka gudzu ɓai, aman i da mbelka ka dra, i da mbel ta ndohi te verzi ngaya te kokwar man ta te ɓèlè. Jacob a di a shkè deɓa, a nzi a gumai, skwa a ga na azɓai, ndo a pra na zlau a va azɓai.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Ezéchiel 39:26

Hori tengaʼa a mali tengaʼa tèlèba man ta gu a sam ga, a da pca ta a gèɗ, aman ta da nzi amba amba te kokwar ta; ndo a da pra ta zlau a va azɓai,

Joel 3:17

Kin da suna, i Ndo nzi pèc pècèk, Zhiklè kinè, man i zhè te Sion, za ga nkezlaʼa. Jérusalem, kokwar nkezlaʼa, ndo nte deɓa a da bizhè a pa azɓai.

Joel 3:21

I da ga ta kita a gèɗ a ndohi man i ga ta kita di ɓai, i jèkè azbai. A Ndo nzi pèc pècèk a da nzi te Sion.

Lèv. 26:6

I woy a i va kinè gumai a kokwar, a kin nzhunè a zlau ka ɓai. Skwi dakhi man ta ndi ndo, i zede ta, a tsakwal a dzi a ndo te kokwar kinè asaɓai.

Michée 4:4

Staɗ staɗ tèlèba a nza te gi dau na, te verzi wof na, a skwi ngiɗè a pa ta zlau a gèɗ asaɓai, Ndo nzi pèc pècèk Zhiklè bi mbiaʼa a ngoɗ te ma na.

Michée 4:7

Ndohi vedal i ge ta a tser ndohai, a ndohi man ta venda gèɗ ta ta ndi a kokwar-bi mbiaʼa. Ndo nzi pèc pècèk a gi bi tengaʼa a géɗ za Sion, a hinè antanta a ma ma a mèdèp.

Michée 7:14

Ɓür ndohi ngaya a gada mɓer skwi ngaya! Ara rèwè skwi ngaya, man ta nza a géɗ ta te za Carmel. Sèi ka lè ta a sam mbelaʼa te Basan, te Galaad, ara nzlèzlèʼa!

Sophonie 2:7

Sam a ma woyam mbiaʼa sa, njèkèɗi ndohi Juda ta da ngècèʼa, ta da wèr skwi ta a ma woyam mbiaʼa. A dakwaɗ ta da mènè te gi te kokwar Askalon. Ta pea ta a gèɗ a Ndo nzi pèc pècèk, Zhiklè tengaʼa, azɓai. A da helka ta ndohi a deɓa te ɓèlè.

Sophonie 3:5

Ndo nzi pèc pècèk te ndev tengaʼa, zuraʼa, a gi skwi zuraʼa ka ɓi azɓai. A prèk a prèk a bèzlè kita, skwi nhél sam na zhè, aman a ngreda malai.

Zacharie 8:12

Aman antanta i tsi gumai. Skwi te gi wof barassa a zhè, herkeda a yi skwai, giɗfek a prè minmèn. Njèkèɗi ndohi ta ngècè skwi haha tèlèba a skwi ta.

Zacharie 8:16

Va-gu skwi haha! Vo-goɗ ma nzuraʼa, ngiɗè a sam ngiɗè; va-gu kita zuraʼa tè kokwar kinè!

Zacharie 8:3

Ndo nzi pèc pècèk a gaɗa: I dè deɓa a Sion, a i nzi a ndev kokwar Jérusalem. A ta baha na kokwar Jérusalem ‘kokwar nlèɓèslèa’, a za Zhiklè bi mbiaʼa ‘za nkezlaʼa’.

Matthew 13:41

Kra-ndo a di a zlündkodi golahi nengaʼa, a ta ɓicè ndohi tèlèba man ta slafadama ta sak a ndohai, a ndohi mphömè, te kokwar-Bi nengaʼa.

Jean 1:47

A Yèsu a nrka Nathanael a shkè a sam na, a ngoɗ a géɗ nengaʼa: Na haha, ndo Israel tas!

Colossiens 3:9

Kin tsokol ma a va kinè ɓai! Aman kin suɗko skwi halaʼa a mizlinè nengaʼa auda a va ma.

1 Peter 3:14

Ko kin si matakwan a géɗ ngi-zuraʼa, mwuffè da zhè a sam kinè! Kin gu zlau tengaʼa ɓai, kin gudzu ɓai!

1 John 5:18

Nga suna, ndo man a yaka te Bi Zhiklè a gi mali azɓai. Aman ndo man a yaka te Bi Zhiklè, Zhiklè a ɓirèʼa, a nengaʼa man ambaɓai a da lama na azɓai.

Apocalypse 14:5

Te ma tengaʼa ncèkèlma azɓai, mali az a gèɗ tengaʼa ɓai.

Apocalypse 21:27

Ko skwi nlizhèa, ta da ckoɗa a pa azɓi fèt; ndo man a gi skwi man a ndèrè ndo, ndo ncèkelma, a dè a pa azɓi fèt, aman sèi tengaʼa man ta winde ta a ɗèlèwèr nshèffè kra tambak.

Apocalypse 21:8

Aman ndohi zlau, a ndohi man ta ca a ndav ɓai, a metsarhai, a ndohi nkéɗè ndo, a ndohi mphömè, a ndohi mʼmbèh skwai, a ndohi vrai, a ndohi ncèkèlma tèlèba, skwi man ta ngècèʼa nte vèvèɗ vogwa, man vogwa a skwi nvècè vogwa te pa: nasa mʼmetsi macecèwaʼa.