Sophonie 3:11 - Ma Zhiklè

¹¹ A pats nasa ka ngècè hori a di azɓai a géɗ skwi man ambaɓai man ka gu a sam ga. A pats nasa i preka ta ndohi nfi va ngaya auda te va kinè, a ka grè gèɗ a géɗ za ga nkezlaʼa asaɓai.

Sophonie 3:11 ပူးပေါင်းရင်းမြစ်များ

Psaumes 131:1

Dimèsh ndè a gi Zhiklè. Dimèsh David. Ndo nzi pèc pècèk, i gre gèɗ azɓai, i pi di wi a nfi va azɓai, i gi skwi mbiaʼá a skwi man a fenyè a wuɗai azɓai.

Psaumes 49:5

I woy a i fi zlembaɗ a ngèlègèɗ maʼa, a skwi man i ngotskoɗauda te ndav ga, i sli a deɓ ganzavar.

Psaumes 59:12

Ka bazl ta a metsar ɓai! Venda ta gèɗ a wuɗi ngaya, wushede ta a hai! Aman ndohi ga ta da rkaʼa, a skwi sa a pca ta a gèɗ azɓai.

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 2:12

A pats staü, Zhiklè bi mbiaʼa a shkè a gèɗ ndohi nfi va a ndohi ngrè gèɗ, a gèɗ skwi tèlèba man a woya a ngi a skwi mbiaʼa, a manda na gèɗ a hai:

Esaie 45:17

Ndo nzi pèc pècèk a mbel Israel, a mbelaʼa a mèdèp; kin ngècè hori a di azɓai a mèdèp.

Esaie 5:15

Ndohi mbibihiaʼa ta da mèndè gèɗ a hai, a ndohi nkèshkèshèhiaʼa ta da gi huyokokoʼa holholaʼa.

Esaie 54:4

Ka gu zlau ɓai, ka da ngècè hori a di azɓai; ka hur gèɗ ɓai, ka da gi hori azɓai. Hori ngaya man ka bidalai, a da pca ka a gèɗ. Matakwan ngaya man ka ngwoz mazai ka da hérè azɓai.

Esaie 56:7

i woya a i de ta a sam za ga nkezlaʼa, a i va ta mwuffè te gi ntsi ri ga. Skwi tengaʼa man ta ndarayè a ta zlayè a sam mvi skwi a Zhiklè, a gi ambahayè. Aman gi ga, sèi ta baha na gi ntsi rai ndohi herkeda tèlèba.

Esaie 61:7

A géɗ man ndohi ga ta sau matakwan sak cèw, a ta ngots hori a skwi nʼndi gai, sèi ta ngècè te kokwar tengaʼa skwi a gi sak cèw, a mwuffè a mèdèp.

Jérémie 13:9

Ndo nzi pèc pècèk a goɗ ar haha: Lèmèlèmè aranta i da gedassa nʼnjèl Juda, a nfi va Jérusalem mbiaʼa.

Jérémie 7:4

Kin fu gèɗ a ma nʼngwèdè ndo haha ɓai, man kin gaɗa: Gi Zhiklè, gi Zhiklè! Na haha gi Zhiklè!

Ezéchiel 20:40

Aman a géɗ za ga nkezlaʼa, a géɗ za Israel mbiaʼa, ndohi Israel tèlèba ta da gi mizlinè ga, Bi Zhiklè a gaɗa. Te pa i woy a i ce kinè a i jhèɗè skwi man kin ckoɗauda a kin vayè, tsuvom skwai a skwi kinè nkezlaʼa tèlèba.

Ezéchiel 24:21

Gada ta ndohi Israel: Bi Zhiklè a goɗ ar haha: Na haha, i da ngwoda sam ga nkezlaʼa, a nʼngwode na a sam ambaɓiaʼa – sam mbelaʼa, man kin fu va a vna, man di kinè a wuffè a gèɗ nengaʼa, a mpataka nengaʼa a keɗ kinè. Njèkèdi wudahi a dalahi kinè ta da bazl ta a tsakwal.

Daniel 9:16

Bi Zhiklè, ara man ndo a se ka te va pèc pècèk, jèkeda ndzoan ngaya, a ka gu ndav a gèɗ kokwar Jérusalem, za ngaya nkezlaʼa, asaɓai; a gèɗ mali nga, a gèɗ mphömè bababhi nga, Jérusalem a ndohi ngaya ta ga a skwi man ndohi a tsagi nga tèlèba ta ngwèshè a pa.

Daniel 9:20

Aman i gèɗè dai, a i tsi ri dai, a i nju ma mali ga a mali ndohi Israel, ndohi ga, dai, a i tsu ri mbuh mbuh a sam Ndo nzi pèc pècèk, Zhiklè ga, a géɗ za Zhiklè ga nkezlaʼa,

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Nombres 16:3

Ta humda ta va a gèɗ a nda Moise a Aaron, a ta gada ta: Anai tidè nga ma! Mpi ndohi tèlèba, ndohi nkezlaʼa tèlèba, man Ndo nzi pèc pècèk a zhè te ndev tengaʼa. Kin cèw kin woy a kin gi a mbibihiaʼa te va mpi ndohi Ndo nzi pèc pècèk èhèmè?

Matthew 3:9

Kin hur ɓai, a kin gaɗa, Abraham bab nga! Aman i gaɗa kinè: Zhiklè a slaha a nyoko na wuda a Abraham te kwahi haha.

Romans 2:17

Aman ka, ka ndo Juif, a ka gshè va a ma kita Zhiklè, a ka jégèr va a géɗ Bi Zhiklè.

Romans 9:33

ara man ɗèlèwèr Zhiklè a gaɗa: Na haha, i geda kwa ntse sak ndo te Sion, a za man a slafaɗama ta sak. Ko wawa man a cè a ndav na, a ngècè hori a di azɓai.

1 Peter 2:6

Gar haha ta Windo te ɗèlèwèr Zhiklè: Na haha i tilda kwa mbelaʼa a Sion. Ndo man a cè nengaʼa a ndav, a ngècè hori a di azɓai.