Sophonie 1:5 - Ma Zhiklè

⁵ ta tèlèba man ta gurɓèhai a géɗ gai, a ta tsi rai a bantihai, ta tèlèba man ta gurɓahai a ta mbèɗè a nzlembaɗ Ndo nzi pèc pècèk a nzlembaɗ Milcom cèw ba.

Sophonie 1:5 ပူးပေါင်းရင်းမြစ်များ

I Rois 11:33

A géɗ man Salomon a njèkyè, a tsi ri a Astarté, zhiklè mʼmbèh skwi Sidon, a Kemosch, zhiklè ndohi Ammon, a ndzodzor civèɗ ga ɓai, a nʼnga skwi zuraʼa a sam di ga ɓai, a ndzadzara ma nkwèr ga a ma man i da ta a vna ɓai, ara man David, bab na, a gau.

I Rois 11:5

A Salomon a ndzodzor Astoreth, zhiklè mʼmbèh skwi ndohi Sidon, a Milkom, skwi ndohi Ammon man a ndara na Zhiklè.

I Rois 18:21

A Elie a mshke a sam ndohai, a ngaɗa: Kin pi gèɗ cèw cèw ta ahngwa? Aman Ndo nzi pèc pècèk Bi Zhiklè, vo-dzodzor nengaʼa! Aman Baal Bi Zhiklè, vo-dzodzor nengaʼa! Aman ndohi ta mbeɗa na a ma ɓai, ko staɗ.

II Rois 17:32

Ta tsu ri a Ndo nzi pèc pècèk; aman ta parka ta ndohi mvi skwi a Zhiklè te va ndohi te verzi ta a vaʼa, a ta mboh skwi a géɗ za.

II Rois 17:33

Ta tsu ri a Ndo nzi pèc pècèk; aman ta dzakaɓda a va mbèh skwi zhiklè ndohi herkeda, man ta shkè auda te ndev tengaʼa.

II Rois 17:41

Aranta ndohi herkeda ta slubordo Ndo nzi pèc pècèk, aman ta dzodzor zhiklè mʼmbèh skwi tengaʼa a vaʼa. A wudahi tengaʼa, a wud wudahi tengaʼa ba, ta gu lèmèlèmè ara babhi ta, ha patsna.

II Rois 23:12

Sam mʼmbèh skwai man ta zhè a géɗ gai, te gi Achab man a géɗèʼa, man bihi Juda ta gau, a sam mʼmbèh skwai man Manassé a ngau te gi nʼngalaʼa cèw te gi Zhiklè, bai a mbeɗdahai, a mbatsaha pa, a ta ksardaussa a woyam Cédron.

Esaie 22:1

Nhèdè ma a géɗ slrats za Hinnom. Kin tèlèba, kin tivè a géɗ gai, nʼnga kine mè?

Esaie 44:5

Ngidè a da gaɗa: Iyè a Ndo nzi pèc pècèk! Ngidè a da cè nzlembaɗ Jacob. Ngidè ba a da windè a deɓ ri nengaʼa: Iyè a Ndo nzi pèc pècèk. A ta va na nshibèn nengaʼa Israel.

Esaie 45:23

I mbaɗa a ma ga, i goɗ zuraʼa te ma ga, ma man a fshè-wa azɓai. Gurmbèzhi tèlèba ta da gurɓè a sam ga, tèlèba ta mbèɗè te ma:

Esaie 48:1

Kinè ndohi gi Jacob, man ta baha kinè a nzlembaɗ Israel, man kinè te verzi man a Juda, man kin mbèɗè a nzlembaɗ Ndo nzi pèc pècèk, a kin tsi ri a Zhiklè Israel; aman a ncè-a-ndav zura ka ɓai.

Jérémie 12:16

Aman te deɓaʼa ta slebi civèɗ ndohi ga, a ta mbèɗè a nzlembaɗ ga, a ta gaɗa: Ndo nzi pèc pècèk a zhè! Ara man ta senda ta ndohi ga a ta mbaɗa a nzlembaɗ Baal, i til ta a pa zaʼa, te ndev ndohi ga.

Jérémie 19:13

Gihi Jérusalem a gihi bihi Juda, sèi ta gi lèmèlèmè ara sam te Topheth, man ta lizhèʼa, gihi tèlèba a géɗ gi tèlèba man ta zla ta skwi a bantihai a giɗfèk, a ta va ta skwi nsai a zhiklèhi ngiɗè tsaɗ.

Jérémie 32:29

Ndohi Chaldée ta da shkè a pa, ta da gi var a kokwar haha, ta da fa na vogwa a kokwar haha, a vogwa a nʼndeda ma. Lèmèlèmè gihai man ta va na skwi a Baal a géɗèʼa, a ta va ta skwi a zhiklèhi ngiɗè, a ta pokoy gèɗ ndav auda a vna.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Jérémie 49:1

A géɗ ndohi Ammon: Ndo nzi pèc pècèk a gaɗa: Wudahi Israel klèng dè, ndohi ngi gi tʼazɓi dè? Malcom a nʼngots Gad a skwi nʼndi gi èhèmè? Ndohi nengaʼa ta nzi te kokwar nengaʼa dè?

Jérémie 5:2

Ta gaɗa: Ko Ndo nzi pèc pècèk a zhè, ta mbèɗè a ta cèkèl ma.

Jérémie 5:7

Zhiklè a gaɗa: Ar i pra ka mali èhè-mè? Wudahi ngaya ta jèkyè, ta mbaɗa, aman a nzlembaɗ Zhiklè ka ɓai. I va ta skwi a ta ngezaʼa, a to do a ta gu mphömè, ta sawala te gi fali ngwozai.

Jérémie 7:10

te deɓaʼa kin shkè, a kin zlècè a sam ga te gi haha, man ta bèhè nzlembaɗ ga, a kin gaɗa: Nga mbel nga!

Jérémie 7:9

Mè? Kin gi metsar, kin keɗ ndo, kin gi mphömè, kin mbèɗè ambalai, kin va na skwi a Baal, kin jèjèr zhiklèhi ngiɗè man kin sen ta ɓai;

Jérémie 8:2

Ta da wuzheda a di pats, a di kia, a di bantihai, man ta woy ta, man ta tsu ri a tengaʼa, man ta gu mizlinè ta, man ta dzhaɗ ta a ta gurɓahi a sam ta. Ta da ɓic ta vataslhi te deɓaʼa azɓai, a ta ri a gi dzavi azɓai; a gi a mongoɓa te gi dau.

Osée 10:2

Ta pi gèɗ cèw. Aman sèi ta pil gèɗ! Zhiklè a da mbeɗa mblom tengaʼa, a mbatseda vrihi tengaʼa aussa.

Osée 4:15

Israel, ka gi mphömè; aman Juda da gu mali ɓai! Kin do Guilgal ɓai, kin teva Beth-Aven ɓai! Kin mbada arsa ɓai; ara man Zhiklè a zhè a nshèffe!

Amos 5:26

Kin zuɓ mblom, bi kinè, a skwi mbèh skwai man kin fu a zhiklè kinè, skwi mbèh skwi kinè man kin gau a ri kinè.

Matthew 6:24

Ɓèl azɓai, man a slaha a ngi mizlinè babgihi cèw. Gar a gi shèwa a nstaɗ, a woy ngiɗè a ndav na, gar a gshè va a nstaɗ, a nkwola ngiɗè. Kin slaha kin gi ɓèl Zhiklè a ɓèl skwi mèshèlè cèw ɓai.

Actes 10:9

Te mangoslèmaʼa, aman ta zhè a civèɗ ndul ndul a ma kokwar, Pierre a nteva a géɗ gai, géɗ pats, aman a tsi rai.

Romans 14:11

Nga tèlèba ta da zlatsede nga a sam nʼnzi kita Zhiklè. Aman ɗèlèwèr Zhiklè a gaɗa: Gurmbèzhihi tèlèba sèi ta da gurɓè a sam ga ndèzl, a nèʼènhi tèlèba ta ngredè Bi Zhiklè.

Deutéronome 10:20

Sèi ka gi zlau Ndo nzi pèc pècèk, Zhiklè ngaya, a ka gi mizlinè nengaʼa, ka gshè va a vna, a ka mbèɗè a nzlembaɗ nengaʼa.

Deutéronome 4:19

Skwi te giɗfèk tèièba, ara pats, kia, bantihai, skwi a giɗfèk tèièba, da pe kinè a wi ɓai, kin tsu ri a tengaʼa ɓai, kin gurɓahi a sam ta ɓai! Ndo nzi pèc pècèk Zhiklè kinè a ngeda a giɗfèk a gèɗ ndohi herkeda tèlèba.

Josué 23:7

Kin dzakaɓa va a njèkèɗi ndohi herkeda haha ɓai! Kin slefu nzlembaɗ zhiklèhi tengaʼa bai, kin mbaɗa a nzlembaɗ tengaʼa ɓai! Kin dzodzor tengaʼa ɓai, kin tsu ri a tengaʼa ɓai!