Sophonie 1:16 - Ma Zhiklè

¹⁶ Pats tolom, pats nguzli var, a géɗ kokwar nʼngala te pa, a géɗ gi ngurèʼa zlazlar sa.

Sophonie 1:16 ပူးပေါင်းရင်းမြစ်များ

Esaie 27:13

A pats nasa ta da tsi tolom mbiaʼa, a ndohi man ta zlak ta te kokwar Assyrie, man ta dzam ta a kokwar Egypte, ta da shkè a deɓa a ngwai, a ta kèlèhi a deɓ sak Ndo nzi pèc pècèk, a géɗ za nkezlaʼa te Jérusalem.

Esaie 32:14

Aman gi bihi nʼnde na a dikai. Nhèzlèwè kokwar klèng, ko kuda ɗiak a cinè te pa azɓai. Gi ngurèʼa a ma ntskal a nʼnde na hi ara dala ambalai. Skwi dak a wuffè te pa, skwi kuɗom a ndi mandi a pa,

Esaie 59:10

Nga tètèmè va a dergai ara mandazlihai, nga tètèmè va ara ndo man di na azɓai. Skwi a slafadama nga sak a géɗ pats, lèmèlèmè ara man a sam nkeza-waʼa. Nga nzi te ruva ara ndohi mʼme-tsaʼa.

Jérémie 6:1

Ndohi Benjamin, va-hu auda te Jérusalem, va-tsu tolom te Tekoa, va-zlatseda lamba kinè te Beth-Hakkérem! Aman skwi mwuɗitpa a shkè te man a géɗèʼa, skwi ngédèshè ndo mbiaʼa

Jérémie 8:16

Te Dan a tsenko kuɗ plèshihi na, nhèzlèwè ndohi plèsh nengaʼa a gudzeda herkeda tèlèba. Ta da shkè a ta ndeda kokwar a skwi na tèlèba a ma, kokwar a ndohi te pa.

Ezéchiel 7:7

Di man a kinè ma, a ndohi kokwar! Tiɗè sama ma, patsa kalka ma, pats matakwan a géɗ kinè, pats mwuffè ka ɓai.

Osée 5:8

Va-tsu tolom te Guibea! Va-voɗo shingelèk te Rama! Va-guzlau te Beth-Aven! Ta dzar ka, Benjamin!

Osée 8:1

Tsu tolom! Kala ta va a ndohi gi Ndo nzi pèc pècèk, ara mangayak, a géɗ man ta tawaɗaha nderzlè-ma ga, a ta gu malai, a ta jèkeda ma kita ga.

Joel 2:1

Va-tsu tolom te Sion, va-guzlau a géɗ za ga nkezlaʼa! Ndohi te kokwar tèlèba, va-gudzau! Aman pats kita Ndo nzi pèc pècèk a zhè, a zhè ndul ndul ma.

Amos 3:6

Ta tsi tolom te kokwar, a ndohi ta gudzi azɓi dè? Matakwan ngidè a zhè te kokwar, man Ndo nzi pèc pècèk a sun ɓi dè?

Habakuk 3:6

A mbècè sak a herkeda, a herkeda a gudzai. A pi dai, a ndohi herkeda ta gi gurts kata, a za man ta nzi a mèdèp, ta wurzl ta, a ngègèɗhi zlèzlèa ta nde ta hai; civèɗ nengaʼa ziè-zlèa nɗaʼa a ma nengaʼa.

Deutéronome 28:52

Ta da nza ka ma te kokwar ngaya tèlèba, ha zlazlar ngaya a mʼmbeɗ na, ko zlazlar mbiaʼa man wuɗi ta a zhè, man ka pu ndav a vna, te kokwar ngaya tèlèba. Ta da nza ka ma a ntamagi kokwar tèlèba, te kokwar-bi ngaya tèlèba, man Ndo nzi pèc pècèk, Zhiklè ngaya, a va ka.

Josué 6:20

A ndohi ta hüno nguzli var, a ta tsu tolom. Aman ndohi mvi skwi a Zhiklè ta tsu tolom, ndohi ta tsu lalau var mbiaʼa, a zlazlar Jéricho a mʼmbeɗ na a nasanasa, a ndohi ta teva a kokwar, staɗ staɗ tèlèba zuraʼa a ma na a ta duma kokwar.