Sophonie 1:13 - Ma Zhiklè

¹³ Skwi mèshèlè tengaʼa, metsar a da hilèʼa; gi tengaʼa a gi a dikai; ta da rèm gai, am an ta nzi a pa azɓai; ta da gi gi lak, aman ta si iyam nyi wof nenga azɓai.

Sophonie 1:13 ပူးပေါင်းရင်းမြစ်များ

Esaie 6:11

A i gaɗa: Bi Zhiklè, ta ngèmè? A nengaʼa a ngaɗa: Ha kokwarhi ta nde ta a hèshèkèɗ, ndohi a te pa asaɓai, ndo a te gi asaɓai, a gi dau tèlèba a nʼnde na a hèshèkèɗ ma.

Jérémie 15:13

Suli ngaya a skwi mèshèlè ngaya, i va ta ndohi ngiɗè, ambalai, a géɗ mali ngaya tèlèba man ta gu te kokwar ngaya.

Jérémie 17:3

A géɗ mali ngaya te kokwar ngaya tèlèba, ta da hil skwi mèshèlè ngaya, suli ngaya tèlèba, a metsar.

Jérémie 4:20

Ngédèshè kalkaɗai, kokwar tèlèba ngedas na. Tsam-tsam gihi ga ta gedas ta, tsam-tsam sam nʼnzi ga ngedas na.

Jérémie 4:7

Marizhèlè a hakaɗauda tʼhwaɗ vah ma, ndo ngedassa ndohi kokwar a nslambaɗa a sam nʼnzi na, aman a dè a gédèshè kokwar ngaya, a ndeda a hèshè-kèd, a gédèshè kokwar ngaya, a ndo a nzi a pa azɓai.

Jérémie 5:17

Ta da ndi skwi man ka ɓicaʼa, movar ngaya; ta da ndev ta wudahi a dalahi ngaya; ta da ndi tambakihi a zlèhi ngaya, a wof barassa a wof kslor ngaya; ta da gedassa kokwar ngaya nʼngala te pa a tsakwal, kokwar man ka gso va a vna.

Jérémie 9:11

I da mbeɗɗa Jérusalem a hai, a i ndeda a gi skwi dak. I ndeda kokwar Juda a hèshèkèd, a ndo a nzi a pa azɓai.

Jérémie 9:19

Wobau a tsenkaɗi te Sion. Nga gedassa! Hori a di nga! Sèi nga jèkeda kokwar, gi nga ngedassaʼa.

Lamentations de Jérémie 5:2

Ndohi man verzi ta tsaɗ ta ngots skwi nʼndi gi nga. Ndohi kokwar ngiɗè ta ndau gi nga.

Ezéchiel 22:31

Te deɓaʼa i ga ta ndzoan a va, a i gedas ta a ndav ga man nvatsa ara vogwa, a i ngwoda ta mali ta a gèɗ.

Ezéchiel 7:19

Ta da wusheda Suli ta a civèɗ, guro tengaʼa a da ndi na a zai. Suli ta, a guro ta, a slalia a mbel ta azɓai a pats ndzoan Ndo nzi pèc pècèk. Ta slalia ta ngeza ntétékè tengaʼa bai, ta slalia ta ngeza hwaɗ tengaʼa bai. Skwi haha a slafadama ta sak, a ta kalahi a malai.

Ezéchiel 7:21

I gi a ndohi man verzi ta tsaɗ ta heldama a metsar, a ndohi ambaɓihiaʼa holholaʼa ta dumda ma.

Ezéchiel 7:24

I da baha ta te va kokwar-bihi man ta ambaɓi holholaʼa, a ta düm gihi ta. I da gedassa nfi va ndohi wuɗai, a i phomde sam mvi skwi a Zhiklè ta.

Amos 5:11

Gar haha a géɗ man kin ga na kita a ndo ntawassaʼa a pil gèɗ a vata, a kin cèkèlè dau te ri nengaʼa: kin gu gi a kwa mpasla ma ba, aman kin da nzi a pa azɓai. Kin gi gi wof barassa mbelaʼa ma ba, aman kin tèr barassa te pa azɓai.

Michée 3:12

A géɗ kinè, Sion a da ndi a gi dau man ta pizhè te pa. Jérusalem a di a da mbéɗ na, a za man gi Zhiklè te pa, a da ndi a sam nhèyè-wof.

Michée 6:15

Ka zlekai, aman ka ɓicè skwi azɓai. Ka kèl mbar, aman ka feɗè a va ngaya azɓai. Ka ti zom, aman ka nsia ka ɓai.

Sophonie 1:9

I da gi kita ndohi tèlèba man ta bèhè Baal, – a pats nasa – man ta ndha gi bi ta a skwi man ta co a wuɗai a metsar.

Deutéronome 28:30

Medemi ngaya a zhè, ndo ngidè a mènè a vna. Ka da gi gai, ka da nzi a pa azɓai. Ka da gi gi lak, ka ndi nyiaʼa azɓai.

Deutéronome 28:39

Ka da gi gi lak a ka pizhèʼa; ka da si iyam nyi wof te pa azɓai, ka da ɓicè skwi te pa azɓai, meturɗihi ta ndedama.

Deutéronome 28:51

Ta da ndi wud rèwè ngaya, nyi herkeda ngaya, ha ka gedassa. Ta jèka ka dau azɓai, marori a mbar a skwi gai mbiaʼa a nkèshèa azɓai, ha ta zede ka.