Ruth 3:10 - Ma Zhiklè

¹⁰ A Boaz a ngaɗa: Ndo nzi pèc pè-cèk da pshè ka ma, a dem ga, ka gu zlau ɓai! Mwoy-ndo man ka woyè a vna a haha – a ka hi a verzi golahi azbai, ko ntawassaʼa, ko mèshèlè – ambahay holholaʼa, a fena man ka hünkoda vna.

Ruth 3:10 ပူးပေါင်းရင်းမြစ်များ

Genèse 24:31

A Laban a ngaɗa na: Washkè a gai, ka ndo man Ndo nzi pèc pècèk a pshè ka ma. Ka zlatsa auda èhèmè? I tila ka sam te gi ga ma, sam zlugumihi ba a zhè.

Ruth 1:8

Naomi a ngaɗa ta ngwozi wud na: Anai va-men kinè a deɓa a ngwai, ngiɗè a gi bab na ngiɗè a gi bab na. Ndo nzi pèc pècèk da va kinè pombai ara man kin gu a sam ga a ndohi ga man ta bazl ta.

Ruth 2:11

Boaz a mʼmbeɗa na a ma: Ta njèy skwi tèlèba man ka gu a sam mam baki ngaya, te deb mʼmetsi baki ngaya, ara man ka jèkeda bab ngaya a mam ngaya a kokwar gwoli ngaya, a ka shkè a sam ndohi man ka sen ta zlèzlèa ɓai.

Ruth 2:20

A Naomi a ngaɗa na ngwoz kra na: Ndo nzi pèc pècèk da pshè na ma, nengaʼa man a woy ndo, ko ndohi man ta zhè a nshèffè, ko ndohi man nshèffè ta klèng ma. A Naomi a ngaɗa na a vaʼa: Ndo sa, nte va gwoli nga. Nengaʼa a slaha a nsumka nga a deɓa.

Ruth 2:4

Na haha, Boaz a shkè te man a civèd Bethléhem. A ngaɗa ta ndohi ntsi dau: Ndo nzi pèc pè-cèk da nza a nda kinè! A ta mbeɗa na a ma: Ndo nzi pèc pècèk da pshè ka ma!

Ruth 3:9

A ngaɗa: Ka wa? A nengaʼa a mʼmbeɗa na a ma: I Ruth, ɓèl ngaya. Vay ma maslaka ngaya a gèɗ, te man ka ndo man ka slaha a ka cyè.

I Samuel 15:13

Aman Samuel a ndikè a sam Saul, Saul a ngaɗa na: Ndo nzi pèc pècèk da pshè ka ma! I gau ara man Ndo nzi pèc pècèk a gaɗayè.