Ruth 2:10 - Ma Zhiklè

¹⁰ A Ruth a ngurɓahai, a mfeda gèɗ a hai, a ngaɗa: Ka tsay gumi aranta èhèmè? Ka gaɗay ma nhènèkèa aranta èhèmè? Iyè, verzi man a ga tsaɗ.

Ruth 2:10 ပူးပေါင်းရင်းမြစ်များ

Genèse 18:2

A ncede gèɗ a zhiklè, a ngél dai, a nrka ndohi makar ta zlatsa a sam na. Mrke ta, a nha ta ma, a nkalahi a deɓ sak tengaʼa,

II Samuel 19:28

Aman ndohi gi bab ga tèlèba sèi nga zhèr mʼmetsi te ri bai, bi ga, a ka fiyè a va ndohi ngaya, aman i ndi skwi a sam ngaya genè. I slaha a i jhèɗè a vaʼa mè?

II Samuel 7:18

A David a ndo a gai, a ngurɓahai a sam Ndo nzi pèc pècèk, a ngaɗa: Zhiklè, Ndo nzi pèc pècèk, i wa, gi ga wa, aman ka ckayè a haha?

II Samuel 9:8

Mephibosheth a ngurɓahai, a ngaɗa: Ɓèl ngaya wa, a ka héryè, i kda ambalai.

Lèv. 19:34

Ndo mbrok da nza te va kinè lèmèlèmè ara kra ngwai. Woya a ndav ngaya, ara man ka woy va ngaya; kinè ba te va nasa kin mbrokihai te kokwar Egypte. Iyè Ndo nzi pèc pècèk, Zhiklè kinè.

Matthew 25:35

A pats man mi a keɗyè, kin vay skwi nʼndai. Iyam a dzayè, kin vay iyam nsai. I ndo mbrok, kin fiyè a gai.

Luke 1:43

I wa, a mam Bi ga a shkè a sam ga?

Luke 1:48

Nengaʼa a nrkayè, i ɓèl nengaʼa nkèshèʼa. Na haha, anai verzi ndohi tèlèba ta da gaɗayè: Mwuffe a sam ngaya!

Romans 12:10

Va-woy kramam kinè, ngiɗè a ngiɗè, ngiɗè a ngiɗè, a ndav tèlè! Va-lèɓèslè a va kinè, ngiɗè a sam ngiɗè, ngiɗè a sam ngiɗè!

Ruth 2:11

Boaz a mʼmbeɗa na a ma: Ta njèy skwi tèlèba man ka gu a sam mam baki ngaya, te deb mʼmetsi baki ngaya, ara man ka jèkeda bab ngaya a mam ngaya a kokwar gwoli ngaya, a ka shkè a sam ndohi man ka sen ta zlèzlèa ɓai.

Ruth 2:13

A nengaʼa a ngaɗa: Ka tsay gumi aranta èhèmè, bi ga. Ka bidyè, ka gaɗayè ma nhènèkèa, i za dem mizlinè ngaya ka ɓai, a i ga ka mizlinè ngiɗè ka ɓai.

Ruth 2:19

A mam baki na a ngaɗa na; A patsna ka por dau tema, ka gu mizlinè tema? Ndo man a mpaha ka dai, Zhiklè da pshè na ma a ma ma! A Ruth a nʼngra na sam man a gu mizlinè a pa a mam baki na, a ngaɗa: Ndo man i gu mizlinè a sam na, nzlembaɗ na Boaz.

Ruth 2:2

Pats ngiɗè Ruth, dem Moab, a ngaɗa na Naomi: Vay civèɗ a i dè a gi dau ndo man a nda tsay gumi a gèɗ, a i pèr iyam dau. A nengaʼa a ngaɗa na: Do, dem ga!

Ruth 2:9

Dzodzor gi dau man ta tsi dau te pa, do a verzi tengaʼa. I gaɗa ta ndohi mizlinè ga aman ta lama ka azbai. Aman iyam a dza ka, do a sam duzlak a ka su a sam man ndohi mizlinè ta sia a pa!

I Samuel 25:23

Aman Abigail a nrka David, tsam-tsam a mshkèhai a deɓ kɗèh, a nkalahi a herkeda a ma David, a ngurɓahai a herkeda.