Romans 9:4 - Ma Zhiklè

⁴ Tengaʼa wud Israel. Nʼnjèlè a nderzlè-ma Zhiklè a tengaʼa; ta ngots ma kita, a mizlinè Zhiklè a ma mpèsl rai.

Mofa New Testament

⁴ Tenga'a wud lsrael. N'njèlè a nderzlèma Zhiklè a tenga'a; ta ngots ma kita, a mizlinè Zhiklè a ma mpèsl rai.

Romans 9:4 ပူးပေါင်းရင်းမြစ်များ

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

Genèse 17:10

Na haha nderzlè-ma nga a ka, a ndohi te verzi ngaya, man kin jèjèrèʼa: Ta ngela na ngwon a kra nguraʼa staɗ staɗ tèlèba.

Genèse 17:2

a i woy nga derzla ma a ka, a i woya i ge ka a verzi ndohi kumba.

Genèse 17:7

Nderzlè-ma nga a ka a ndohi verzi ngaya, a verzi verzi tengaʼa, a mèdèp, aman i gi a Bi Zhiklè ngaya, a Bi Zhiklè ndohi verzi ngaya.

Genèse 32:28

A ngaɗa na: Anai nzlembaɗ ngaya Jacob ka ɓai, aman nzlembaɗ ngaya Israel. Aman kin bozl va a nda Bi Zhikiè a nda ndohai, a ka fen ta.

I Rois 8:11

a ndohi mvi skwi a Zhiklè ta slaha ta dè a pa a ta gi mizlinè tengaʼa ɓai, a géɗ vanai; aman nʼnjèl Ndo nzi pèc pècèk nʼndha gi Ndo nzi pèc pècèk.

Néhémie 13:29

Zhiklè ga, skwi man ta gau, da pca ka a gèɗ ɓai, te man ta lizhè mizlinè nkezlaʼa, a nder-zlè-ma ndohi mvi skwi a Zhiklè a ndohi Lévi.

Psaumes 147:19

A ngra na ma nengaʼa a Jacob, a ma nengaʼa man a de nga, a ma kita nengaʼa, a Israel.

Psaumes 63:2

Bi Zhiklè, ka Zhiklè ga, i woy ka. Ndav ga a zhèr ka, va ga a woy ka, ara gi dau ngworaʼa a woy iyam,

Psaumes 73:1

Dimèsh Asaph. A vava, Bi Zhiklè amba a sam ndohi Israel, amba a sam ndohi man ndav ta mpana.

Psaumes 78:61

A njèkeda koti nderzlè-ma, a nʼnjèl nengaʼa, a ri a ndo mayam.

Psaumes 89:3

I gaɗa: Pombi nʼngaʼa te zhiklè a mèdèp, nlèɓèslè te verziaʼa.

Psaumes 89:34

Aman i woy a i cèma na pombi ga auda a gèɗ azɓai, i jèkè nlèɓèslè a géɗ nengaʼa azɓai.

Psaumes 90:16

Ngreda ta skwi man ka giaʼa a ɓèlèlihi ngaya, ngreda ta nʼnjèl ngaya a wudahi ngaya!

Exode 12:25

Aman kin do a kokwar man Zhiklè a woya a va kinè, ara man a mpasla kinè rai, kin gi arsa pèc pècèk, skwi haha da ga a tsuf kinè nkezlaʼa.

Exode 34:27

A Ndo nzi pèc pècèk a ngaɗa na Moise: Windo ma haha! A géɗ ma haha nga derzla ma nga a ka a Israel.

Exode 4:22

Te deɓaʼa ka da gada na Pharaon: Ndo nzi pèc pècèk a goɗ ar haha: Israel kra ga, tsuvom ga.

Exode 40:34

A vanai a nʼnza a géɗ gi nkezlaʼa, a nʼnjèl Ndo nzi pèc pècèk a nʼndha gai.

Esaie 41:8

Aman ka, Israel, ɓèl ga! Jacob man i ngotskoɗauda, ka te verzi Abraham, mandal ga.

Esaie 46:3

Kinè ndohi gi Jacob, va-tsena ma ga; a kinè njèkèɗi ndohi gi Israel tèlèba, man i takaha kinè daga man kin ya di ɓai, a i wara kinè dai daga nyakad kinè!

Esaie 5:2

A mwus-saʼa, a mporko kwa auda te pa, a ngeda wof a pa. A nramda gi ngurèʼa a ndevaʼa, a nrda vèvèɗ nkèl nyi wof a pa. A zhèrèʼa, aman a ngècè nyi wof te pa; aman nyi nengaʼa a jèn ɓai, ɗuzlekzlekaʼa.

Esaie 60:19

Pats a gi a skwi nhél sam ngaya asaɓai; kia a hél sam ngaya asaɓai; aman Ndo nzi pèc pècèk, nengaʼa skwi nhél sam ngaya a mèdèp. Zhiklè ngaya, nengaʼa a nʼnjèl ngaya.

Jérémie 31:20

Ephraim kra ga mbelaʼa, kra ga man i wuffè a géɗ nengaʼa, man pèc pècèk i slefiaʼa, i woya a i hérèʼa, di ɗè? Ndav ga a gudzi a géɗ nengaʼa, a siyè te va, a vava, Ndo nzi pèc pècèk a gaɗa.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Jérémie 31:9

Ta da shkè a kuɗa a dai, a ngi mbuh-mbuhaʼa; i da feda ta ma, i de ta a ma woyam mbiaʼa, a civèɗ nzuraʼa man skwi a slafaɗama ta sak a pa azɓai, a i ga a bab Israel, a Ephraim tsuvom ga.

Ezéchiel 1:28

Ara kwarai man a rkè te va vanai a pats man iyam a gai; sam nhelaʼa a si dai te tsagi tèlèba. Aranta skwi man i rkaʼa, nʼnjèl Ndo nzi pèc pècèk man a ngudko va. Aman i rkaʼa, a i kalahi a deɓ sak nengaʼa. I tsena daʼai ngiɗè man a gaɗa.

Osée 11:1

Aman Israel a mvau a vata di ɓai, i woya kumba, a i bahka na kra ga auda te kokwar Egypte.

Nombres 7:89

Aman Moise a ndo a gi mɓicè-va, aman ta gèdè a Ndo nzi pèc pècèk, a ntsena ngèɗè man a gaɗka na a géɗ skwi mpizlè ma koti man ma kita te pa, te ndev chérubimhi cèw. Ndo nzi pèc pècèk a ngaɗa na.

Matthew 21:33

Va-tsena ngèlègèɗ ma ngiɗè! Ndo ngiɗè a zhè, a nʼngu gi wof barassa, a nʼngalda pa a zlazlar, a ntila sam ndèc barassa, a nrom gi mɓer gi wof barassa, a mva na gi wof a ri a ndohi mizlinè nengaʼa, a ndo na nshèwèlè.

Jean 1:17

Zhiklè a mbezdekona ma kita a ri a Moise. Aman ma pombai, a ma nzuraʼa, a mbezdekona a ri a Yèsu Kristi.

Jean 1:47

A Yèsu a nrka Nathanael a shkè a sam na, a ngoɗ a géɗ nengaʼa: Na haha, ndo Israel tas!

Actes 2:39

Skwi man Zhiklè a mpasla kinè rai, skwi kinè, a wudahi kinè, a ndohi tèlèba man ta dra, tèlèba man Bai, Zhiklè nga, a woy a mbaha ta.

Romans 3:2

Amba te skwi tsaɗ tsaɗ. Nshèlèkuraʼa: Zhiklè a mva ta ma nengaʼa a ri a ndohi Juif.

Romans 8:15

Aman kin ngatsa Mèzhèɓ man a ga kinè ɓèlè ɓai, a kin gi zlau. Aman kin ngotso Mèzhèɓ man a ndeda kinè a wudahi Zhiklè man kin baha na Zhiklè: Abba, Bab nga!

Romans 9:6

Aman i goɗ ara man wuɗi ma Zhiklè azɓi ka ɓai. Aman ndohi tèlèba man ta shkè te Israel, ta ndohi Israel nzuraʼa tèlè ka ɓai.

2 Corinthians 11:22

Tengaʼa ndohi Hébreu — i ba arsa! Tengaʼa ndohi Israel — i ba arsa! Tengahi tser Abraham — i ba arsa!

Galates 3:16

Anai Zhiklè a mpasla na ri a hi a Abraham a ndo te verzi nengaʼa. A gèɗè azɓai, a ndohi verzi nengaʼa, ara man ta kumba. Sèi a ndo staɗgenè – a ndo te verzi nengaʼa, nengaʼa Kristi.

Ephésiens 2:12

Te ndev nasa Kristi az a sam kinè ɓai, kinè ndohi Israel ka ɓai, kin sun nderzlè-ma Zhiklè man a mpasla nga ri ɓai. Gar haha kin zhera skwa ɓai, kin sun Zhiklè ɓai.

Deutéronome 14:1

Kinè wudahi Ndo nzi pèc pècèk, Zhiklè kinè! Kin bazla di ɓai, a géɗ ndo man a mets na! Kin sha gèɗ ɓai!

Deutéronome 29:1

Na haha ma nderzlè-ma man Ndo nzi pèc pècèk a njè na a Moise, man a da va ta ndohi Israel te kokwar Moab, a va nderzlè-ma ngidè man a mva ta a der za Horeb.

Deutéronome 29:14

Nderzlè-ma haha man i mbaɗa, i goɗ ambali ka ɓai, i durzlo a nda kinè genè ka ɓai;

Deutéronome 31:16

Ndo nzi pèc pècèk a ngaɗa na Moise: Na haha ka da metsi ngaya, a ka dè a va babhi ngaya. A ndohi haha ta da dè a ta da kèlèhi a deɓ sak zhiklèhi ngidè tsaɗ te kokwar man ta dè a pa. Ta da jèkyè, ta da gi mali a sam nderzlè-ma man i gu a nda ta.

Deutéronome 4:13

A ngreda kinè nderzlè-ma nengaʼa, a njè kinè aman kin jèjèrèʼa, ma kula sa, a mwindeda deɓ kwa cèw.

Deutéronome 7:6

Aman kinè ndohi nkezlaʼa a sam Ndo nzi pèc pècèk, Zhiklè ngaya. Kinè man Ndo nzi pèc pècèk a mpar kinè auda a kin gi a ndohi na te va ndohi herkeda ngidè tèlèba.

Hébreux 9:1

A vava nderzlè-ma nshèlèkuraʼa a ntül ma mizlinè Zhiklè, a gi nkezlaʼa, tʼherkeda.

Hébreux 9:10

Nengaʼa ma nkwèr a géɗ va ndo genè, a géɗ skwi nʼndai, iyam nsai, mpèn va man ndohi ta giaʼa, ha pats man skwi ntila zura ma.

Hébreux 9:3

Te civèɗ ndzeɓa ngiɗè, te deɓ maslaka ntamagai, sam a zhè man ta baha na sam nkezli nkezlaʼa.

Hébreux 9:5

A géɗèʼa, chérubimhai nʼnjèl Zhiklè, man ta pizleda sam mpil gèɗ a pa. A géɗ tengaʼa nga gèɗè ma ngiɗè a vaʼa azɓai antanta.

Hébreux 9:6

Skwi tèlèba ntila aranta, a ndohi mvi skwi a Zhiklè to do a gi pèc pècèk, te civèɗ ndzeɓa nshèlèkuraʼa, a ta gu mizline Zhiklè a pa.