Romans 8:9 - Ma Zhiklè

⁹ Aman kinè, kin nzi aranta azɓai, kin nzi te Mèzhèɓ Zhiklè, te man Mèzhèɓ Kristi a zhè te ndav kinè. Aman ndo man a ngatsa Mèzhèɓ Kristi ɓai, nengaʼa ndo Kristi ka ɓai.

Mofa New Testament

⁹ Aman kinè, kin nzi aranta azɓai, kin nzi te Mèzhèɓ Zhiklè, te man Mèzhèɓ Kristi a zhè te ndav kinè. Aman ndo man a ngatsa Mèzhèɓ Kristi ɓai, nenga'a ndo Kristi ka ɓai.

Romans 8:9 ပူးပေါင်းရင်းမြစ်များ

Ezéchiel 11:19

I da ngwoda ndav ta, a i va ta Mèzhèɓ mɓuaʼa a ndav ta. I cèma ta ndav ngworaʼa ara kwa auda te va tengaʼa, a i va ta ndav mɓuaʼa ara gwoli ndohai,

Luke 11:13

Ani haha kinè, ndohi ambaɓihiaʼa, kin sun nvi skwi man amba a wudahi kinè. Bab kinè te zhiklè a fenaʼa, aman a va ta Mèzhèɓ Zhiklè nkezlaʼa a tengaʼa man ta jhèɗèʼa. (Mt. 12, 22-30; Marc 3, 19-27)

Jean 14:17

Mèzhèɓ nzuraʼa, man herkeda a slaha a ncè ɓai, te man a rka bai, a sun bai. Aman kinè, kin sun nengaʼa, te man nengaʼa a nzi a sam kinè, a zhè te ndav kinè.

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

Jean 3:34

Ndo man Zhiklè a zlündo, a gèɗè ma Zhiklè. Zhiklè a vi Mèzhèɓ na a livè azɓai.

Jean 3:6

Skwi man a yaka te va ndo, ndo. Skwi man a yaka te Mèzhèɓ Zhiklè, Mèzhèɓ.

Actes 16:7

Aman ta shkè a Mysie, ta woy a ta bèzlè ndev Bithynie; aman Mèzhèɓ Yèsu a mva ta civèɗ ɓai.

Romans 7:5

Aman nga nza a nshèffè ara nyakaɗ nga dai, ma kita a mpoko na gèɗ auda a ntétékè te va nga, a nga gu mizlinè mʼmetsai.

Romans 8:1

Anai Zhiklè a phomde ta ndohi man ta te Yèsu Kristi, asaɓai.

Romans 8:11

Aman Mèzhèɓ Zhiklè man a slambaɗdeko Yèsu auda te ndev ndohi mʼmetsai a zhè te ndav kinè, Zhiklè man a slambaɗdeko Yèsu auda te ndev ndohi mʼmetsaʼa a da vi nshèffè a va kinè man tʼhwaɗ mʼmetsai, te Mèzhèɓ nengaʼa man a nzi te ndav kinè.

Romans 8:2

A géɗ man ma kita Mèzhèɓ Zhiklè man a vi nshèffè te Yèsu Kristi, a mpreka ka auda te ma kita mali ma, man a da na ma a mʼmetsai.

1 Corinthians 15:23

Aman staɗ staɗ, ngiɗè te deɓ ngiɗè, ngiɗè te deɓ ngiɗè: ndo nshèlèkuraʼa, Kristi; te deɓaʼa, a pats man a shkè a deɓa, ndohi man ta a Kristi.

1 Corinthians 3:16

Kin sun ɓi ɗè? Va kinè, gi Zhiklè, a Mèzhèɓ Zhiklè a zhè te ndav kinè.

1 Corinthians 6:17

Aman ndo man a humda va a Kristi, nengaʼa mèzhèb staɗ a vna.

1 Corinthians 6:19

Kin sun bi dè, va kinè gi Mèzhèb Zhiklè nkezlaʼa, man a zhè te ndav kinè, a kin ngots te ri Zhiklè; kinè, skwi kinè ka bai.

2 Corinthians 10:7

Kinè, kin dèl skwi ma a deɓa genè! Ndo man a huro, iyè a Kristi, da suna, nga a Kristi lèmèlèmè.

2 Corinthians 6:16

Gi Zhiklè a vrihai ta hümdè te mè? Aman nga, gi Zhiklè man a zhè a nshèffè. Ara Zhiklè man a gaɗa: I war a i nzi a sam tengaʼa, i shèwèlè te ndev tengaʼa; a i gi a Zhiklè ta, a tengaʼa ta gi a ndohi ga.

Galates 4:6

Anai kinè wudahai, man Zhiklè a zlündo Mèzhèɓ kra nengaʼa a ndav kinè, man a gaɗa: Abba, bab ga!

Galates 5:24

Aman ndohi man te Yèsu Kristi, ta gezlala ntétékè va tengaʼa, a skwi man a woyaʼa.

Ephésiens 1:13

Te nengaʼa kinè ba, man kin tsena ma nzuraʼa, nengaʼa ma mbelaʼa, a kin co a ndav, Mèzhèɓ Zhiklè nkezlaʼa nʼndè te ndav kinè, man a pasla nga ri a pa.

Ephésiens 2:22

Te nengaʼa kinè ba ta ɗizl kinè ara gi Zhiklè te Mèzhèɓ.

Ephésiens 3:17

Aman Kristi da nza te ndav kinè te ncè-a-ndav, a mwoy-ndo kinè a gi ara zluzlor man a gidè azɓai gedeng-gedengaʼa.

Philippiens 1:19

Aman i suna, ndikèma skwi haha, i da mbél ga, a géɗ ntsi ri kinè, a géɗ Mèzhèɓ Yèsu Kristi man a takahayè.

2 Timothy 1:14

Skwi man amba a vata, man ta va nga a rai, ɓüro mbelambela, te Mèzhèɓ nkezlaʼa, man a zhè te ndav nga.

1 Peter 1:11

Ta woy nshin patsaʼa, man Mèzhèɓ Kristi a ngreda ta te ndav ta, a nhodko ta skwi ndzi man a di a dza na Kristi, a nʼnjèl nengaʼa te deɓa.

1 John 3:24

Ndo man a fi gèɗ a ma nkwèr nengaʼa, a nzi te nengaʼa, a nengaʼa a nzi te ndav na. A nga suna, a nzi te ndav nga, te Mèzhèɓ Zhiklè man a va nga.

1 John 4:13

A géɗ nasa nga suna, nga nzi te nengaʼa, a nengaʼa a nzi te ndav nga, te man a mva nga Mèzhèɓ nengaʼa.

1 John 4:4

Wudahi ga, kinè ndohi Bi Zhiklè, a kin fen ta ndohi nhadka ncèkèlma haha. Aman Mèzhèɓ man a zhè te ndav kinè a fena nengaʼa man a zhè tʼherkeda.

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Apocalypse 20:15

Ndo man ta ngots nzlembaɗ nengaʼa te ɗèlèwèr nshèffè ɓai, ta kalda a vogwa mbiaʼa.