Romans 7:14 - Ma Zhiklè

¹⁴ Nga suna, ma kita Zhiklè, ma Mèzhèɓ; aman iyè, ara nyakaɗ ga i ɓel malai.

Mofa New Testament

¹⁴ Nga suna, ma kita Zhiklè, ma Mèzhèɓ; aman iyè, ara nyakaƌ ga i ɓel malai.

Romans 7:14 ပူးပေါင်းရင်းမြစ်များ

Genèse 37:27

Vo-washkè, ngo-prokoy a ma a sam ndohi Ismael, a nga zeda nshèffè na ɓai. Nengaʼa kramam nga, zluèɗ va nga staɗgenè. A kramamhi nengaʼa ta co ma nengaʼa.

Genèse 37:36

Aman ndohi Madian ta preda Joseph a ma te kokwar Egypte, a sam Potiphar, ntokotasl bai, tsuvom ndohi mɓer gèɗ bai.

Genèse 40:15

Ta cyè a metsar te kokwar Hébreu; a haha ba i ga mali ɓai, man ta vyè a dangai a géɗèʼa.

I Rois 21:20

A Achab a ngaɗa na Elie: Ka ndo mayam ga, kashkè a sam gaza ɗè? A Elie a ngaɗa na: I shkè a sam ngaya zaʼa, te man ka zede gèɗ ngaya, a ka gu skwi man ambaha Ndo nzi pèc pècèk ɓai.

I Rois 21:25

A vava, ndo ngiɗè a ngau skwi man ambaha Ndo nzi pèc pècèk gar Achab ɓai. Jézabel, ngwoz nengaʼa, a mpeda a wai.

II Rois 17:17

Tazlündo wudahi a dalahi tengaʼa a ta bizhè a ndev vogwa, ta pi kwa, ta tèwèlè gèɗ, ta preda va ta a ma, a ta gi skwi man ambaha Ndo nzi pèc pècèk ɓai, a ta poko na gèɗ ndav auda a vna.

Job 42:6

Gar haha i ngreda mali ga auda, i kuɗi a géɗ mali ga tʼherkeda, te va mèrwèc.

Psaumes 119:25

Herkeda ntambala a va ga ma; zlatsedyè a ma ngaya!

Psaumes 51:6

I gu mali a sam ngaya staɗgenè, i gau skwi man ambaha ka ɓai. Kita man ka ngélèʼa, kita nzuraʼa. Aman ka gi kita, ndo a slaha a nfa ka mali a gèɗ ɓai.

Exode 22:3

Aman a gau a pats, sèi a pilèʼa a ndo nkeda ndo. Aman skwi man a pilè a vna azɓai, sèi ta preda ma, a ta pilè a vna.

Proverbes 30:2

Maya ga maya ndo ka ɓai, iyè ara gelakai.

Proverbes 30:5

Ma Zhiklè tèlèba, ta jkeda ma, gambar ndohi tèlèba man ta nzi a diaʼa.

Esaie 50:1

Ndo nzi pèc pècèk a gaɗa: Ɗèlè-wèr man i va na mam kinè man i kwolaʼa, na tema? Ndo man i pre kinè a ma a sam na, na tema? Kin pra ma a géɗ mali kinè. I kwola mam kinè a géɗ mphömè nengaʼa.

Esaie 52:3

Aman Ndo nzi pèc pècèk a goɗ aranta: Ta pre kinè a ma, ta pa suli ɓai; ta da shum kinè a deɓa, ta da pi suli azɓai.

Esaie 6:5

I gada: Wobau, i da gédèsh ga; aman tapidaf ma ga a gèɗè ma nlizhèʼa, a i nza te ndev ndohi man tapiɗaf ma tengaʼa gèɗè ma nlizhèʼa, a i rka Bai, Zhiklè bi mbiaʼa, a di ga!

Lèv. 13:12

Aman hutsoɗ a tsi gèɗ auda te va tèlèba, a hinè te gèɗ, ha ndè a sak, a ndo mvi skwi a Zhiklè a rkaʼa, hutsoɗ a va nengaʼa tèlèba,

Lèv. 13:16

Aman nyiè man a va na a men na a pa, a madz na zaʼa, da shkè a sam ndo mvi skwi a Zhiklè.

Lèv. 19:18

Ka pelko di man a ngaya auda a ri ngaya ɓai! Ka gsa kramam ngaya te ndav ɗekeɗekaʼa bai! Sèi ka woy nslamagi ngaya, ara man ka woy va ngaya. Iyè Ndo nzi pèc pècèk.

Amos 2:6

Ndo nzi pèc pècèk a goɗ ar haha: A géɗ mali Israel man a gi makar, a gi faɗ, i méndè kita a deɓa azɓai, a géɗ man ta preda ndo man nʼnga mali ɓai a ma a sulai, a ta preda ndo ntawassaʼa a ma te di kotokoroh.

Matthew 16:23

Aman Yèsu a nʼngwoda na ma, a ngaɗa na Pierre: Do ngaya a deɓa a sam ga, Sadan! Ka war a ka slafaɗamay sak. Aman ka hér skwi Zhiklè ka ɓai, ka hér skwi ndohai.

Matthew 18:25

Aman a nʼngatsa Suli a mpil godèrè a vna ɓai. A bai a ngaɗa, da preda ma, a ngwoz na ba, a wudahi na ba, a skwi na tèlèba, a mpil godè-rè a vna.

Matthew 5:22

Aman iyè, i gaɗa kinè: Ndo man a gi ndav a géɗ kramam nengaʼa, a kèlè a kita. Aman ndo man a gaɗa na kramam nengaʼa ‘medekam ndo’, a ngu malai, aman ta cèmma a géɗèʼa. A ndo man a gaɗa: Ka, skwa a ga ka! A ngu malai, aman a dè a vogwa kita.

Matthew 5:28

Aman iyè, i gaɗa kinè: Ndo man a cèkè di a ngwoz, a ngu mphömè a vna te ndav na ma.

Luke 5:8

Aman Simon Pierre a rkaʼa, a nkalahi a deɓ sak Yèsu, a ngaɗa: Bi ga, do auda a sam ga, aman i ndo malai!

Luke 7:6

A Yèsu a ndo a nda tengaʼa. Aman a zhè ndul a ntamagai, bi sojè a nzlinde ta mandalahi nengaʼa a sam na, a ngaɗa na: Bai, da gaka ka matakwan ɓai, i gi huyokokoʼa, i ndo man a ka shkè a gi ga ka ɓai.

Romans 3:9

Kos kè? Nga ndohi Juif, nga fen ta ɗè? Azɓi fèt! A matsa nga ngrede ma, ara man ndohi Juif a ndohi Grec cèw ba ta tʼhwaɗ malai,

Romans 6:6

Aman nga suna, nshèffè nga nzlèzlèa ngezlala a Yèsu, aman mali nga a ndev na, a nga gi ɓèl mali a ma ma asaɓai.

Romans 7:18

I suna, skwi man amba azɓai te ndav ga, te va ga. Woyo, i woya genè; aman wuɗi ga azɓai, a i gi skwi man amba.

Galates 4:3

Lèmèlèmè nga: aman nga gra di ɓai, nga bèlèlihi wudi skwi herkeda.

Ephésiens 3:8

A mvay skwi haha a iyè, ntabaw ndohi Zhiklè tèlèba, aman i njè ta mèshèlè Kristi, man a ndev ɓai, a ndohi nte deɓa,

Deutéronome 6:5

Sei ka woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a wuɗi ngaya tèlèba!

Hébreux 4:12

Aman ma Zhiklè a zhè, a nshèffè, a wuɗai, ntasla wètwètèʼa, a fena kafahi man a zli skwi te tsagi cèw, a dè a pa, ha a kezla mèzhèɓ a ndav, kala nguzgoz ba. Nengaʼa a wuzhè skwi man ndo a hérè te gèɗ, a skwi man ndo a woya te ndav.