Romans 5:17 - Ma Zhiklè

¹⁷ Aman a géɗ mali ndo staɗ, mʼmetsi a gi bai, mba bi tengaʼa man ta ngècè pombi mbiaʼa te nshèffè ta, a ngi-zura Zhiklè, a géɗ ndo staɗ, Yèsu Kristi.

Mofa New Testament

¹⁷ Aman a géƋ mali ndo staƋ, m'metsi a gi bai, mba bi tenga'a man ta ngècè pombi mbia'a te nshèffè ta, a ngizura Zhiklè, a géƋ ndo staƋ, Yèsu Kristi.

Romans 5:17 ပူးပေါင်းရင်းမြစ်များ

Genèse 2:17

Aman te nyi wof man a ngreda skwi man amba a skwi man ambaɓai, te nengaʼa ka da ndau bai. A pats man ka da ndau, ka metsi ngaya.

Genèse 3:19

Ka ngècè movar ngaya a vazaza a va, ha pats man ka men ngaya a deɓa a va mberfcnèk, man i ce ka te pa. Ka mberfenèk, a ka min ngaya a deɓa a va mberfenèk.

Genèse 3:6

A ngwoz a nrka, nyi wof amba a skwi nʼndai, amba a dai, amba a ngècè maya. A nʼngulo nyi wof, a nʼndau, a mva na baki nengaʼa ba, man ta nza a vna. A nengaʼa ba a nʼndau.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Matthew 25:34

A bai a da gaɗa ta tengahi nte civèɗ ri mandi na: Vo-washkè, kinè ndohi man Bab ga a pshè kinè ma. Va-ndau kokwar-Bi nengaʼa, man ntila a géɗ kinè te nhinkaɗ herkeda.

Jean 10:10

Ndo metsar a shkè sèi man a gi metsar, a gshèʼa, a kéɗèʼa. Iyè i shkè aman tambakihai ta ngècè nshèffè, a ta tèkwènè skwi azɓai.

Romans 5:12

Gar haha ara man a géɗ ndo staɗ malai a mshkè a herkeda, a mʼmetsai a mshkè a géɗ malai, mʼmetsai a zlèzlèmè a géɗ ndohi tèlèba, a géɗ man ta tèlèba ta gu malai.

Romans 5:15

Aman pombi man Zhiklè a mvau, a lèmdè a mali azɓai. A géɗ mali ndo staɗ, ndohi kumba ta bazl ta; aman pombi Zhiklè a zlèzlèmè holholaʼa a géɗ pombi ndo staɗ, Yèsu Kristi, man ndohi kumba ta ngotso.

Romans 5:20

Aman ma kita Zhiklè a gu aman malai a ngredè auda holholaʼa. A sam man malai nʼngreda auda holholaʼa, pombi ba nʼngreda a fenaʼa.

Romans 6:14

Malai a slaha a nda gi bi kinè asaɓai, te man kinè tʼhwaɗ ma kita Zhiklè ka ɓai, aman kinè tʼhwaɗ pombai.

Romans 6:23

Skwi ntul malai, mʼmetsai. Aman skwi man nga ngècè te ri Bi Zhiklè, ambalai, nshèffè a mèdèp te Kristi Yèsu, Bi nga.

Romans 8:39

ko skwi nte géɗèʼa, ko skwi nte godok, ko skwi mèmè a slaha man a nkezle nga te mwoy-ndo Zhiklè ɓai, man a zhè te Kristi Yèsu, Bi nga.

1 Corinthians 15:49

Ara man nga ngots mèzhèɓ skwi herkeda a va, lèmèlèmè nga da ngècè mèzhèɓ skwi zhiklè a va.

1 Corinthians 4:8

Kin ngots skwi tèlè man kin woya ma. Kin wala ma. Kin gi bai, a nda nga ka ɓai. A woy kin gi bai; aman nga ba, nga gi bi a nda kinè.

Philippiens 3:9

a ta da ngatsyè te nengaʼa. I ga a ndo nzuraʼa ga a géɗ man i fu gèɗ a ma kita Zhiklè ka ɓai; aman ngi-zuraʼa man a shkè te ncè Yèsu Kristi a ndav, ngi-zuraʼa man a shkè te Bi Zhiklè a géɗ ncè-a-ndav.

1 Timothy 1:14

Aman pombi Bi nga a zhè mbia holholaʼa a sam ga, a ncè-a-ndav, a mwoy-ndo a ndav, man a zhè te Yèsu Kristi.

2 Timothy 2:12

Aman nga zhèr skwi a ma ma, nga da gi bai a nda nengaʼa. Aman nga gaɗa: nga sun nengaʼa ɓai, nengaʼa ba a di a gaɗa: i sen kinè ɓai.

Jacques 2:5

Dalahimam ga, va-tsenaʼa! Zhiklè a mpar ta ndohi ntawassaʼa a géɗ herkeda haha, aman te ncè-a-ndav, ta ndi a ndohi mèshèlè, a ndohi nʼndi kokwar-Bi Zhiklè, man a mpasla ta ri a ndohi man ta woyaʼa a ndav ta.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

Apocalypse 1:6

a nge nga a bihai, a ndohi mvi skwi a Zhiklè, Bab na. A nengaʼa, nʼnjèlè, a wuɗai, te nhinkaɗ na a mèdèp. Amen.

Apocalypse 20:4

A i rka sam nʼnzi bihai, a ndohi man ta da gi kita, ta nza a pa. A i rka mèzhèɓ nshèffè ndohai, man ta zlama ta daʼai a géɗ malwuɗi Yèsu, a géɗ ma Zhiklè, a tengaʼa man ta tsu ri a skwi dak a skwi man ta gu ara nengaʼa, ɓai, a ta co lamba nengaʼa a medi tengaʼa, a ri tengaʼa, ɓai. A ta ngots nshèffè zaʼa, a ta gu bi a nda Kristi, mvi gozhèm staɗ.

Apocalypse 20:6

Mwuffè a sam ndohai man ta te va ndohi man ta slambaɗkaɗauda nshèlèkuraʼa. Mʼmetsi macecèwaʼa a ngècè wuɗi-bai a géɗ tengaʼa asaɓai. Aman ta gi a ndohi mvi skwi a Zhiklè a sam Kristi, a ta gi bi a nda nengaʼa, mvi gozhèm staɗ.

Apocalypse 22:5

Vaɗ a da gi asaɓai, ko pitirla, ko pats azɓai, aman Zhiklè, Bai, a da hela ta sam. A ta gi bai a mèdèp.

Apocalypse 3:21

Ndo man nʼngaʼa a ngulaʼa, i woy nga da nzi a sam nʼnzi ga a vna, lèmèlèmè ara man i gaʼa a ngulaʼa, a i nza tʼhai a nda Bab ga a sam nʼnzi bi nengaʼa.