Romans 5:10 - Ma Zhiklè

¹⁰ Aman Zhiklè a mʼmenda gumi a hai te mʼmetsi kra nengaʼa, te va man nga mayamhi Zhiklè dai, holholaʼa antanta, man gèɗ nga mpela ma, nga da mbel nga te nshèffe nengaʼa.

Mofa New Testament

¹⁰ Aman Zhiklè a m'menda gumi a hai te m'metsi kra nenga'a, te va man nga mayamhi Zhiklè dai, holhola'a antanta, man gèƋ nga mpela ma, nga da mbel nga te nshèffè nenga'a.

Romans 5:10 ပူးပေါင်းရင်းမြစ်များ

II Chroniques 29:24

A ndohi mvi skwi a Zhiklè ta zloho, a ta guceda Pombaz a sam sak sam mvi skwi a Zhiklè, a mpèn mali ndohi Israel tèlèba. Bai a ngoɗ aman ta ndèr skwai a ta zli skwai a géɗ Israel tèlèba.

Ezéchiel 45:20

Gu lèmèlèmè a pats matsaraɗaʼa, a géɗ ndo man mali a nʼnga na a rai, man ndo ngiɗè a mpeda a wai, a kin cè mali auda te gi Zhi-klè.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Jean 14:19

Te deɓa kètè, herkeda a di a rkayè azɓai. Aman kinè, kin da rkayè. A géɗ man i nzi a nshèffè, kinè ba kin nzi a nshèffè.

Jean 5:26

Ara man nshèffè a zhè te ri Babaʼa, lèmèlèmè a mva na kra nengaʼa, a nshèffè a zhè te ri na.

Jean 6:40

Aman nasa skwi man nengaʼa man a zlindekayè a woyaʼa. Aman ko wawa man a rka kra na, a cè nengaʼa a ndav na, a ngècè nshèffè a mèdèp, a i slambaɗda a pats nʼndikèma skwai.

Jean 6:57

Ara man Bab ga, man a zhè a nshèffè, a zlindekayè, a i nzi a nshèffè man a Bab ga, lèmèlèmè ko wawa man a ndi zluèɗ va ga, a nzi a nshèffè a géɗ ga.

Romans 11:28

A sam mizlinè ma mbelaʼa, ndohi Juif ara mayamhi Zhiklè a géɗ kinè. Aman a géɗ pombi Zhiklè man a par ta, ta mandala, a géɗ bababhi ta.

Romans 5:11

Aman klèng di ka ɓai. Aman nga wuffè a géɗ Zhiklè te Bi nga Yèsu Kristi, te nengaʼa nga ngots skwi mʼmindè gumi a hai.

Romans 5:6

Aman Kristi a mʼmets na a géɗ nga, te va man wuɗi nga az di ɓai; tiɗè sama ma, Kristi a mʼmets na a géɗ ndohi man wuɗi ta azɓai.

Romans 8:32

Nengaʼa a ntsotskava kra nengaʼa ɓai, aman a mvau a géɗ nga tèlèba, a da va nga skwi tèlèba a nda nengaʼa azɓi ɗè?

Romans 8:34

Nslaha a mbèzlè kita wa? Kristi, nengaʼa man a mets na – zaʼa – man a slambaɗkaɗauda te ndev ndohi mʼmetsaʼa, man a nzi te civèɗ ri mandi Zhiklè, a nza nga a deɓa.

Romans 8:7

Aman skwi man ndo a hérèʼa ara nyakaɗ na, nengaʼa mayam Zhiklè, a fi gèɗ a ma kita Zhiklè azɓai, a slaha ɓai.

2 Corinthians 5:20

Anai nga gaʼa a ndohi sak te di man a Kristi, te man Zhiklè a bid ndo, te nga: Anai nga tsi ri te di man a Kristi: Va-gau aman kin menda gumi a hai a Zhiklè!

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

Ephésiens 2:16

a mʼmenda gumi a hai a Zhiklè, te va staɗ, a sam wof ngèzlèlè; a samaʼa a ngedasa skwi mayam.

Ephésiens 2:3

Nga ba, nga gu arsa zlèzlèʼa, nga dzadzara ntétékè te va nga. A nga gu skwi man va nga, a nhér gèɗ nga a woyaʼa. Nga ndohi man ndzoan Zhiklè a gèɗ, te nyakaɗ nga, lèmèlèmè ara ndohi ngiɗè.

Hébreux 2:17

A géɗ nasa sèi nʼngaʼa lèmèlèmè te skwi tèlèba ara kramamhi na, nʼngaʼa a bi ndohi mvi skwi a Zhiklè a sam di Zhiklè, nlèɓèslèa, man ndo a sia te va, man a mpela gèɗ mali ndohai.

Hébreux 7:25

Gar haha a slaha a mʼmbel ta tengaʼa man ta shkè a sam Zhiklè a nzlembaɗ nengaʼa, a mèdèp, te man nengaʼa a nzi a nshèffè a mèdèp, aman a tsi ri a géɗ tengaʼa.

1 John 2:1

Wudahi ga, i windè kinè ma haha, aman a kin gi mali azɓai. Aman ndo ngiɗè a gi mali genè, nga ngots ndo nʼnza nga a deɓa a sam Bab nga, Yèsu Kristi, ndo nzuraʼa.

1 John 4:10

Mwoy-ndo te man nga nwoy Bi Zhiklè ka ɓai, aman a géɗ man nengaʼa a nwoy nga, a nzlündo kra nengaʼa a skwi mpil gèɗ mali nga.

Apocalypse 1:18

ndo a nshèffe. Te va nasa i mets ga, na haha anai i nzi a nshèffe a mèdèp, a skwi mwinè a skwi mpizlè mʼmetsai, a sam mʼmetsai, nte ri ga.