Romans 4:17 - Ma Zhiklè

¹⁷ I ge ka a bab ndohi herkeda kumba, a sam di Bi Zhiklè, nengaʼa man ka co a ndav, man a va ta nshèf-fè a ndohi mʼmetsaʼa, a mbaha na skwi man azɓai, a zhè.

Mofa New Testament

¹⁷ I ge ka a bab ndohi herkeda kumba, a sam di Bi Zhiklè, nenga'a man ka co a ndav, man a va ta nshèffè a ndohi m'metsa'a, a mbaba na skwi man azɓai, a zhè.

Romans 4:17 ပူးပေါင်းရင်းမြစ်များ

Genèse 17:16

I woy a i pshè na ma, a nengaʼa ba a da ya ka kra nguraʼa. I woy a i pshè na ma, a gi a verzi ndohi herkeda, a bihi te verzi ndohi herkeda tsaɗ tsaɗ ta da shkè auda te nengaʼa.

Genèse 17:20

Aman a géɗ Ismael ba i tsena ma ngaya: Na haha, i pshè na ma, a da yi wudahi a vata, a da yi bihi 12, a da gi a ndohi mbiaʼa.

Genèse 28:3

Zhiklè bi wuɗai da pshè ka ma, da gu a ka yi wudahi kumba, da gu a gerzi ngaya a mènè a vata, a ka ndi a ndohi herkeda a vata.

Esaie 43:6

I da gèɗè te civèɗ man a géɗèʼa: Vo-pokoyè! Te civèɗ man a dukwad: Ka gse ta hi ɓai! Mendeka ta wudahi ga a deɓa te pa, a dalahi ga te verzi herkeda!

Esaie 44:7

Nlèmdè va a iyè wa? Da shkè, da goda da ngrayè! Da njoko skwi ntʼhinkaɗ na, da ngreda skwi man a di a shkè!

Esaie 48:13

Ri ga a ngau herkeda, ri mandi ga a mwuzhè giɗfèk, a i baha ta, tèlèba ta zhè ma.

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 51:2

Va-pu di a Abraham, bab kinè, a Sara man a nyeka kinè. Man i baha na, na staɗgenè. A i pshè na ma, a mana a vata.

Esaie 55:12

Aman kin dè a mwuffè te ndav; a i da de kinè a gumai. Za a ngègèdhai ta da wuffè a ma kinè, a wofhi te dak ta da wuf-fè a ta gècè.

Matthew 3:9

Kin hur ɓai, a kin gaɗa, Abraham bab nga! Aman i gaɗa kinè: Zhiklè a slaha a nyoko na wuda a Abraham te kwahi haha.

Jean 5:21

Ara man Zhiklè a slèmbèɗdè ndohi mʼmetsaʼa, a va ta nshèffè, lèmèlèmè kra nengaʼa, a vi nshèffè a ndo man a woyaʼa.

Jean 5:25

A vava, a vava, i gaɗa kinè: Patsa a di a shkè, ani a zhè ma, aman ndohi mʼmetsaʼa ta tsena daʼai kra Zhiklè. A tengahi man ta tsenaʼa, ta da nzi a nshèffè.

Jean 6:63

Sèi Mèzhèɓ Zhiklè a vi nshèffè. Zluèɗ-va-ndo, skwi ambalai. Ma man i gèɗèʼa, nengaʼa Mèzhèɓ Zhiklè a nshèffè.

Actes 15:18

Bi Zhiklè a goɗ ar haha, nengaʼa man a gi skwi haha tèlèba, a ngreda auda nʼnzi a zhè.

Romans 3:29

Bi Zhiklè, sèi Zhiklè ndohi Juif ɗè? Zhiklè ndohi herkeda nte deɓa ba ka ɓi ɗè? Halau, Zhiklè ndohi herkeda nte deɓa ba.

Romans 4:18

A sam man skwi man a zhèrè te ndav azɓai, Abraham a nzhor te ndav genè. Ncè-a-ndav nengaʼa arsa, a nʼngaʼa a bab ndohi herkeda kumba, ara man ta goɗ a sam na: Ndohi nte verzi ngaya ta arsa.

Romans 4:2

Nga gèɗè aranta: Aman agassa Abraham nʼnga a ndo nzuraʼa a sam di Zhiklè a géɗ skwi man a gau, ar a slaha a njégèr va. Aman a sam di Zhiklè a slaha ɓai.

Romans 8:11

Aman Mèzhèɓ Zhiklè man a slambaɗdeko Yèsu auda te ndev ndohi mʼmetsai a zhè te ndav kinè, Zhiklè man a slambaɗdeko Yèsu auda te ndev ndohi mʼmetsaʼa a da vi nshèffè a va kinè man tʼhwaɗ mʼmetsai, te Mèzhèɓ nengaʼa man a nzi te ndav kinè.

Romans 9:11

Aman wudahi ta ye di ɓai, a ta ga skwi man ambaɓai a skwi man amba di ɓai – ara man Zhiklè a hur a woya a ngiaʼa,

Romans 9:26

A sam man ta gaɗa ta: Kinè ndohi ga ka ɓai, ta da baha ta wudahi Zhiklè man a zhè a nshèffè.

1 Corinthians 1:28

A skwi man amba zura ɓai a sam di herkeda, a skwi man ndohi ta woya ɓai, a skwi ambalai, Zhiklè a nco, aman a pa na hori a di a skwi man ta sla na mbelaʼa.

1 Corinthians 15:45

Ara man ta Windo: Adam, ndo nshèlè-kuraʼa a gu a ndo, a nshèffè te ndav. A Adam man a deɓa a gu a Mèzhèɓ, man a vi nshèffè.

1 Timothy 6:13

I fa ka maya a gèɗ, a sam di Zhiklè, nengaʼa man a vi nshèffè a skwi tèlèba, a sam di Yèsu Kristi, nengaʼa man a ngreda ma nengaʼa auda amba a sam Pilate:

Hébreux 11:12

Gar haha te ndo staɗ man zhuwaʼa a ma vèvèɗ ma, wudahi kumba ta shkè auda, ara bantihi te giɗfèk, a wyak a ma woyam mbiaʼa, man a ngrè azɓai.

Hébreux 11:3

A géɗ ncè-a-ndav nga suna, ma Zhiklè a ngu herkeda, a skwi man nga rkaʼa, nʼngaʼa te skwi man nga rka a di ɓai.

Hébreux 11:7

A géɗ ncè-a-ndav na, Noé a ngu zlau Zhiklè, a ngu wurom, man a mbela gi nengaʼa, aman a ntsena ma Zhiklè, a géɗ skwi man nʼnga di ɓai. Ncè-a-ndav nengaʼa a nfa na mali a gèɗ a herkeda; aman nengaʼa a ngots ngi-zuraʼa, man nga ngè-cèʼa, a géɗ man nga co Zhiklè a ndav nga.

1 Peter 2:10

Halaʼa kinè ndohi Zhiklè ka ɓai; aman antanta kinè ndohi Zhiklè. Halaʼa kin sia te va azɓai; aman antanta kin sia te va ma.

2 Peter 3:8

Aman skwi staɗ va-hur pèc pècèk, dalahimam gai A sam di Bi Zhiklè pats staɗ nara mvi gozhèm, mvi gozhèm nara pats staɗ.