Romans 3:25 - Ma Zhiklè

²⁵ Nengaʼa Zhiklè a fu a skwi mpil gèɗ te Pombaz nengaʼa, man nga ngècè te ncè-a-ndav. Zhiklè a woya a ngredè ngi-zuraʼa nengaʼa auda a vna. Te nzhèr skwi nengaʼa dai, a nzuɓ malihi nhalaʼa.

Mofa New Testament

²⁵ Nenga'a Zhiklè a fu a skwi mpil gèƌ te pombaz nenga'a, man nga ngècè te ncè-a-ndav. Zhiklè a woya a ngredè ngizura'a nenga'a auda a vna. Te nzhèr skwi nenga'a dai, a nzuɓ malihi nhala'a.

Romans 3:25 ပူးပေါင်းရင်းမြစ်များ

Psaumes 119:142

Ngi-zura ngaya, ngi-zuràʼa a mèdèp. Ma kita ngaya, ma nzuraʼa.

Psaumes 22:31

Wudahi ga ta da gi mizlinè nengaʼa, ta da njè ma Ndo nzi pèc pècèk a sam ndohi te verzi wud wuda.

Psaumes 40:10

I njè ngi-zura ngaya a sam mpi ndohi Zhiklè mɓicaʼa, i pizlè ma ga ɓai, Ndo nzi pèc pècèk, ka suna.

Psaumes 50:6

Gidfèkihai sèi da njo ngi-zura nengaʼa; Bi Zhiklè, nengaʼa a gi kita!

Psaumes 97:6

Giɗfèk a njè ngi-zura nengaʼa, a ndohi herkeda tèlèba ta rka nʼnjèl nengaʼa.

Psaumes 98:2

Ndo nzi pèc pècèk a ngreda skwi mʼmbel ndo nengaʼa auda, ngi-zura nengaʼa a ngudoko ta va a dai a ndohi herkeda.

Esaie 53:11

A géɗ man a ngeza te matakwan, a da wuffè. Matakwan nengaʼa, ɓèl ga, ndo nzuraʼa, a va ta ngi-zuraʼa a ndohi kumba, a da zhüɓ mali tengaʼa.

Lèv. 16:10

Mazawal man jimèr a nkala na a géɗ, man a Azazel, da zlatsa a sam Ndo nzi pèc pècèk, a gu a skwi mpil gèɗ, te deɓa da dzamda a hèshèkèɗ.

Lèv. 16:15

Te deɓaʼa da zloho mazawal a géɗ mali ndohai, a Pombaz nengaʼa da da a deb maslaka, da gu a Pombaz nengaʼa lèmèlèmè ara man a Pombaz marai. Da guceda skwi mpizlè ma koti, a zlazlar koti man a ma.

Jean 6:47

A vava, a vava, i gaɗa kinè: Ko wawa man a co a ndav na, a nʼngotso nshèffè a mèdèp.

Actes 14:16

Aman zlèzlèa a njèke ta ndohi herkeda tèlèba, te man ta dzodzor civèɗ ara ndav tengaʼa man a woyaʼa.

Actes 15:18

Bi Zhiklè a goɗ ar haha, nengaʼa man a gi skwi haha tèlèba, a ngreda auda nʼnzi a zhè.

Actes 17:30

Zhiklè a hér pats man kin sun nengaʼa ɓai, ani asaɓai. Aman antanta a ngaɗa ta ndohi tèlèba, a sam herkeda tèlèba, aman ta ngwèdè ndav ta, a ta tsi rai.

Actes 2:23

Te deɓaʼa, aman ta feda a kita ma, ara Zhiklè a nhur zlèzlèa a woya a ngiaʼa, kin gezlalaʼa, a kin va ta a ri a ndohi malihai a ta keɗaʼa.

Actes 3:18

Aman Zhiklè a nrufaʼa, ara man a ngra nga nshèlèkuraʼa, te ma ndohi nhadka ma, ara man Kristi nengaʼa a da si matakwan.

Actes 4:28

a ta gu skwi man ri ngaya a woya a ngiaʼa a ka herda hai.

Romans 2:4

Pombi nengaʼa mbiaʼa, nzhèr skwi nengaʼa dai, a ndav nengaʼa man a slèmbèɗè tsam tsam azɓai, ka kwola ka ɓi ɗè? Ka sun ɓi ɗè, pombi Zhiklè a zhèr ka, aman ka da ngwèdè ndav.

Romans 3:26

Aman a patsna a ngreda ngi-zuraʼa nengaʼa, ara man nengaʼa nzuraʼa; ko wawa man a cè Yèsu a ndav na, nʼnga a ndo nzuraʼa.

Romans 5:1

Aman anai nga gaʼa a ndohi nzuraʼa te ncè-a-ndav, nga ngots gumi Zhiklè, te Bi nga Yèsu Kristi.

Romans 5:11

Aman klèng di ka ɓai. Aman nga wuffè a géɗ Zhiklè te Bi nga Yèsu Kristi, te nengaʼa nga ngots skwi mʼmindè gumi a hai.

Romans 5:18

Ara man mali ndo staɗ a de ta ndohi tèlèba a sam mphomdaʼa, ngi skwi nzuraʼa ndo staɗ ba, ngi-zuraʼa man a vi nshèffè a ndohi tèlèba.

Romans 5:9

Holholaʼa a da ɓir nga a sam ndzoan Zhiklè, te man antanta nga gaʼa a ndohi nzuraʼa te Pombaz nengaʼa.

1 Corinthians 5:7

Gar haha, va-patseda movar mɓeslaʼa hala-kai tèlèba auda, te deɓaʼa kin ndi a movar mɓuaʼa, man movar mɓeslaʼa a te di ɓai. Aman nga ba, nga ngots kra tambak Pâque, nengaʼa Kristi, man ta zlama na daʼai a géɗ nga.

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Ephésiens 2:13

Aman antanta te Kristi Yèsu, kinè man zlèzlèʼa dra, kinè ndul ndul ma te Pombaz Kristi.

1 Timothy 1:15

Nasa ma nzuraʼa, amba aman nga cèʼa: Yèsu Kristi a mshkè a herkeda, aman a mbel ta ndohi malihai man i tsuvom tengaʼa.

Hébreux 10:4

Aman Pombaz ɓok wai a marihi a slaha a ncè malihi azɓai.

Hébreux 11:14

Ndohi man ta gèɗè arsa, ta ngredèʼa, ara man ta woy kokwar-bi ngiɗè.

Hébreux 11:17

A géɗ ncè-a-ndav nengaʼa, Abraham a mvau Isaac a pats man Zhiklè a njkeda, a mvau kra nengaʼa, kra nengaʼa staɗgenè, ko a nʼngots ma mpèsl ri a géɗ nengaʼa ma.

Hébreux 11:7

A géɗ ncè-a-ndav na, Noé a ngu zlau Zhiklè, a ngu wurom, man a mbela gi nengaʼa, aman a ntsena ma Zhiklè, a géɗ skwi man nʼnga di ɓai. Ncè-a-ndav nengaʼa a nfa na mali a gèɗ a herkeda; aman nengaʼa a ngots ngi-zuraʼa, man nga ngè-cèʼa, a géɗ man nga co Zhiklè a ndav nga.

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

Hébreux 9:5

A géɗèʼa, chérubimhai nʼnjèl Zhiklè, man ta pizleda sam mpil gèɗ a pa. A géɗ tengaʼa nga gèɗè ma ngiɗè a vaʼa azɓai antanta.

1 John 1:10

Aman nga gaɗa, nga ga mali ɓai, nga ga Zhiklè a ndo ncèkèlma, ma nengaʼa a te ndav nga ɓai.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

1 John 4:10

Mwoy-ndo te man nga nwoy Bi Zhiklè ka ɓai, aman a géɗ man nengaʼa a nwoy nga, a nzlündo kra nengaʼa a skwi mpil gèɗ mali nga.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Apocalypse 20:15

Ndo man ta ngots nzlembaɗ nengaʼa te ɗèlèwèr nshèffè ɓai, ta kalda a vogwa mbiaʼa.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,