Romans 2:5 - Ma Zhiklè

⁵ Aman ka sassaya ndav ngaya, a ka ngwèdè ndav ngaya azɓai, ka hèy ndzoan a géɗ ngaya, ha pats ndzoan, aman kita nzuraʼa man a Zhiklè a da gudko va a dai,

Mofa New Testament

⁵ Aman ka sassaya ndav ngaya, a ka ngwèdè ndav ngaya azɓai, ka hèy ndzoan a géƌ ngaya, ha pats ndzoan, aman kita nzura'a man a Zhiklè a da gudko va a dai,

Romans 2:5 ပူးပေါင်းရင်းမြစ်များ

II Chroniques 30:8

Kin Sala va ɓai, ara man babhi kinè ta gau. Va-va na va kinè a ri a Ndo nzi pèc pècèk, vo-washkè a sam nengaʼa nkezlaʼa, man nkezla a mèdèp, va-gu mizlinè Ndo nzi pèc pècèk, Zhiklè kinè, gar a da jèkeda ndzoan nengaʼa mbiaʼa a gèɗ kinè.

II Chroniques 36:13

A njèkeda bi Nebucadnetsar, man a ndzhoɗa a mbèɗè a sam Zhiklè, a woya a ʼnzi te nlèɓèslè ɓai. A sassaya ndav na, a gwora ndav na, a woya a nʼngwèdè ndav na a sam Ndo nzi pèc pècèk, Zhiklè Israel, ɓai. Nebucadnetsar a gedassa Jérusalem

Job 21:30

Ndo ambaɓiaʼa a nzai na a pats matakwan, a ga na azɓai. A pats ndzoan a wuffè.

Psaumes 110:5

Bai, Zhiklè, a zhè te civèɗ ri mandi ngaya, a wushedeka ta bihi auda te bai, a pats ndzoan nengaʼa.

Psaumes 95:8

A gaɗa: Kin sassaya ndav kinè ɓai, ara man ta gu te Meriba, ara man a pats Massa, tʼhèshèkèɗ,

Exode 14:17

I woy a i sassaya ndav ndohi Egypte, a ta hi a verzi tengaʼa, a i ngreda nʼnjèl ga auda a sam Pharaon, a sam kiki var nengaʼa, a sam ndohi plèshi nengaʼa.

Exode 32:34

Antanta do, de ta ndohi a sam man i gada ka. Na haha, i zlindè gol ga a man ngaya. Aman pats ngiɗè a i da ga ta kita a géɗ mali ta.

Exode 8:15

A ndohi mʼmbèh skwai ta gada na Pharaon: Ri Zhiklè a ngau. Aman ndav Pharaon nsassaya genè, a nfa gèɗ a ma tengaʼa bai, ara man Ndo nzi pèc pècèk a goɗ a matsa.

Proverbes 1:18

Ta pi va a hai a va ta; ta da zeda nshèffè ta, a ta sun ɓai.

Proverbes 11:4

Skwi mèshèlè a takaha ka a pats ndzoan azɓai; aman ngi-zuraʼa a mbelka ka auda te mʼmetsai.

Proverbes 28:14

Mwuffe a sam ndo man a gi zlau Zhiklè pèc pècèk; aman ndo man a sassaya ndav na, a kèlè a matakwan.

Proverbes 29:1

Ndo man ka ngatsa na maya, a tsena gèɗ ɓi genè, a kèlèhi a nasa nasa, skwi ntakaha azɓai.

Ecclésiaste 12:14

A vaʼa: kra ga, sundo maya te skwi haha! Ko mwindè a ɗèlèwèr kumba, a ndiv azɓi genè, nslebi ɗèlèwèr kumba, a ngeza ka va.

Esaie 48:4

A géɗ man i suna, ka tsena gèɗ ɓai, gèɗ ndangaʼa a zhiklè, ka mèdègèɗ,

Jérémie 40:3

Ndo nzi pèc pècèk a ngau a nrufa skwi man a hodko ma a géɗèʼa, a géɗ man kin gu malai a sam Ndo nzi pèc pècèk, a kin tsena daʼai nengaʼa ɓai. A géɗ nengaʼa skwi haha a ga kinè.

Ezéchiel 11:19

I da ngwoda ndav ta, a i va ta Mèzhèɓ mɓuaʼa a ndav ta. I cèma ta ndav ngworaʼa ara kwa auda te va tengaʼa, a i va ta ndav mɓuaʼa ara gwoli ndohai,

Ezéchiel 3:7

Aman ndohi Israel ta woy a ta tsena bai, ta fi zlembaɗ a ma ga azɓai; aman gèɗ ndohi Israel tèlèba nshfaʼa ndav tengaʼa ngwora.

Daniel 5:20

Aman ndav nengaʼa a fi va, ha gèɗ na a nze na, ta kolkoɗauda te bai. A ta cèma na wuɗi nengaʼa.

Osée 13:12

Mali Ephraim a zhè dai, mali nengaʼa a zi azɓai.

Amos 3:10

wuɗi man ta ga ta ndohi te pa! Ta sun ngi skwi nzura ɓai, Ndo nzi pèc pècèk a gada. Ta hil skwi a wuɗai, a ta shèkèdè mali te gi bihai.

Romans 1:18

Ndzoan Bi Zhiklè a ngredè auda te zhiklè a géɗ ndohai, a géɗ skwi ambaɓiaʼa, a skwi nzura ka ɓi tengaʼa tèlèba. A skwi tengaʼa man zura ka ɓai, ta gseda ma nzuraʼa a hai.

Romans 11:25

Dalahimam ga, i woya aman kin sun skwi man nʼnghedaʼa, a kin dzodzor maya man kin ngotso a ri kinè ɓai: Reta Israel nʼngaʼa a mandazlai, ha pats man ndohi nte deɓa ta shkè a pa tèlèba.

Romans 9:22

Gar haha kin gèɗè a géɗ Zhiklè kè? Zhiklè a woya a ngreda ndzoan a wuɗi nengaʼa auda. Tengaʼa man ta ngrédè ndzoan nengaʼa auda, a zhèr ta genè, ha tiɗè sam man a gedassaʼa;

2 Corinthians 5:10

Aman nga tèlèba, sèi nga da zlècè a sam nʼnzi kita Kristi, a sam man ndo staɗ staɗ a ngè-cèʼa, gar amba, gar ambaɓai, ara man a gu a pats nshèffè na tʼherkeda.

Deutéronome 2:30

Aman Sihon, bi te Hesbon, a woya a va nga civèɗ ɓai. Ndo nzi pèc pècèk, Zhiklè ngaya, a nsala na gèɗ na, a nsassaya ndav na, a woya a nva ka a ri a ka.

Deutéronome 32:34

Skwi haha nʼngheda a sam ga, nʼndè te gi mèshèlè ga ka bi dè?

2 Thessalonians 1:5

Antanta kita nzuraʼa man a Zhiklè a nʼngreda auda. Amba aman kin ngècè kokwar-Bi Zhiklè, a géɗ nengaʼa man kin si matakwan.

Hébreux 3:13

Aman va-büd va kinè, ngiɗè a ngiɗè, pèc pècèk, a pats man ta baha na ‘patsna’; a woy ndo azɓai, man ndav nengaʼa nsassayaʼa, a malai a ngsedama.

Hébreux 3:15

Aman ta winde: A patsna man kin cinè daʼai nengaʼa, kin da sassaya ndav kinè ɓai, ara man ta gu a pats man ta gu ma.

Hébreux 4:7

Zhiklè a ngreda pats ngiɗè zaʼa, man a baha na ‘patsna’, a ma David man a ngoɗ a matsa ma: A patsna man kin cinè daʼai nengaʼa, kin da sassaya ndav kinè ɓai!

Jacques 5:3

Hezi a mpeɗda guro a verzhègenè kinè a ma; a hezi sa a gi a skwi malwuɗi a sam kinè, a da ndi zluèɗ va kinè ara vogwa. Na haha, patshi ta woy a ta ndiv ta; a da gi lèmèlèmè a sam skwi mèshèlè man kin ɓiceda a sam kinè.

Josué 11:20

Ndo nzi pèc pècèk a hur a nsassaya ndav ta, a ta woy var a Israel, a ta gedas ta, a ta ngècè pombi azɓai, a ta zi ta, ara man Ndo nzi pèc pècèk a njè na ma a gèɗ a Moise.

2 Peter 2:9

Bi Zhiklè a suna, ara man a slaha a mpre ta ndohi man ta woy civèɗ na, auda te skwi man a pe ta a wai, ara man a pe ta ndohi nzura ka ɓai, a hai, ha pats kita, aman a da ga ta kita.

2 Peter 3:7

Lèmèlèmè giɗfèk a herkeda, man ta zhè antanta, ma Zhiklè a mpe ta hai, a ta zhèr vogwa a nda ndohi man ta woy civèɗ Zhiklè ɓai, a ta da gé-dèsh ta a pats kita.

Jude 1:6

Va-hur golahi Zhiklè ba; aman ta ɓera maya man ta ngots te ri Zhiklè ɓai, a ta jèkeda sam nzi ta, Zhiklè a ndzaw ta te ruva a cèlèlèu a mèdèp, ha pats kita mbiaʼa.

Apocalypse 2:21

I zhoro aman a di a ngwèdè ndav. Aman nengaʼa a woya a njèkeda mphömè na ɓai.

Apocalypse 6:17

Aman ndzoan nengaʼa mbiaʼa a mshkè ma. Nslaha a nzlècè wa?

I Samuel 6:6

Kin woy a kin sassaya ndav kinè èhèmè, ara man ndohi Egypte a Pharaon ta sassaya ndav ta? Aman a nga ta matakwan, ta pre ta ndohi Israel ɓi dè?