Romans 2:3 - Ma Zhiklè

³ Ka ndo, man ka bèzlè mali a gèɗ ndo ngiɗè, a ka gi lèmèlèmè ara nengaʼa: ka hur ka da mbél ngaya a sam kita Zhiklè ɗè?

Mofa New Testament

³ Ka ndo, man ka bèzlè mali a gèƌ ndo ngiƌè, a ka gi lèmèlèmè ara nenga'a: ka hur ka da mbèl ngaya a sam kita Zhiklè ƌè?

Romans 2:3 ပူးပေါင်းရင်းမြစ်များ

II Samuel 10:3

bihi Ammon ta gaɗa na Hanun, bi tengaʼa: Ka hur a ka gaɗa David a nzlinde ta ndohi a sam ngaya a ta da gi wobau a géɗ bab ngaya ɓai. A nzlinde ta ndohi a sam ngaya, a nʼngél di a kokwar, a nzeɓiaʼa; te deɓaʼa a njèkèɓè samaʼa.

Job 35:2

Aman ka gaɗa: Aman i gi mali azɓai, a takahayè te mè, i fena ndo ngiɗè dè? –

Psaumes 50:21

Ka gu arsa, a i nza tètè; a ka huro, i lèmèlèmè ara ngaya. Aman antanta i ga ka ndzoan, i ngra ka tèlè.

Psaumes 56:7

Ta hèyè va, ta pi va, ta zeɓi sam sak ga, ara ndohi man ta woy a ta keɗyè.

Proverbes 11:21

A vava! Ndo ambaɓiaʼa a ngècè kita na; verzi ndohi nzuraʼa ta mbel ta.

Proverbes 16:5

Ndo man a fi va, a ndara na Ndo nzi pèc pècèk. A vava, a da ngècè kita na.

Ezéchiel 17:15

Aman bai a nslambaɗa na va, a nzlinde ta ndohi sak a kokwar Egypte, a jhèɗè plèsh, a ndohi kumba te ri ta. A da gi amba dè? Ndo man a da gi skwi aranta, a da mbél na dè? A mpra ndérzlè-ma; a da wuc na genè ɗè?

Ezéchiel 17:18

A mʼmendko mʼmbèɗ na auda, a mpra nderzlè-ma. A vava ta gu aranta. Te deɓaʼa, aman a ngu ar haha ma, a da mbélè azɓai.

Daniel 10:19

A ngadayè: Ka gu zlau ɓai, Zhiklè a woy ka kumba; gumi dá zhè a nda ka! Nzala va ngaya! Aman a ngadayè, i ngots wuɗai, a i gada: Bi ga, goɗ ma ngaya, ka vay wuɗi ma!

Matthew 23:33

Zhüzhokihai! Wud tsebarhai! Kin da hi kinè auda a sam vogwa kita a maya mè?

Matthew 26:53

Ka hur antanta ba i slaha a i tsi ri a bab ga azɓi ɗè, aman a zlindkoɗi golahi a fena gozhèm 12 a sam ga?

Luke 12:14

A Yèsu a ngaɗa na: Masli ga, a mfiyè a ndo kita, a ndo nkezli skwi a sam kinè wa?

Luke 22:58

Te deɓa kètè, ndo ngiɗè a nrkaʼa, a ngaɗa: Ka ba, staɗ te va tengaʼa! A Pierre a mʼmbeɗa na a ma: Masli ga, i ka ɓai!

Luke 22:60

A Pierre a ngaɗa: Masli ga, i sun skwi man ka gèɗè ɓai! A nasa nasa, aman a ngoɗo ma, ngarah a ntsu daʼai.

Romans 1:32

Ta sun ma nkwèr Zhiklè, a ta suna, ndohi man ta gi skwi ambaɓia arsa, sèi ta ngècè kita mʼmetsi ta; aman ta giaʼa genè. Ta gia genè ka ɓai, aman ta nzala tengahia ba, a géɗ man ta giaʼa.

Romans 2:1

Gar haha ka ndo, ko wawa man ka bèzlè mali a gèɗ ndohi ngiɗè, ka slaha ka tsoko gèɗ ngaya auda a sam kita azɓai. Aman te skwi man ka bazla na mali a gèɗ ndo ngiɗè, ka phomde va ngaya a ri ngaya, te man ka ba, ka gia lèmèlèmè ara man ka ga na ma a gèɗ.

Romans 2:2

Aman nga suna, kita Zhiklè nzuraʼa a vava a géɗ tengaʼa man ta gi mali arsa.

Romans 9:20

Ndo ga, ka wa, man ka woy a kin virslè a Zhiklè? Skwi nramaʼa a gaɗa na ndo nroma: Ka gyè ar haha èhèmè, ɗè?

1 Thessalonians 5:3

Aman a di ta gaɗa: gumi a zhè, skwi mwuɗitpa asaɓai, skwi ngedas ta a kèlè a gèɗ ta tsam tsam, ara ngwoz man na hwaɗ, a ɗish va. A ta slaha a ta hi ta asaɓai.

Hébreux 12:25

Va-gu maya, kin kwola ma nengaʼa man a gèɗè ɓai! Aman tengaʼa man ta kwola nengaʼa, man a goɗ tʼherkeda, ta mbel ta ɓai, holholaʼa aman nga kwola nengaʼa man a gèɗè te zhiklè.

Hébreux 2:3

kos nga da mbél te mè, aman nga fi gèɗ a skwi mʼmbel ndo mbiaʼa aranta azɓai. Aman Bai Yèsu a njè nga skwi mʼmbel ndo haha nshèlèkuraʼa a ri na, a ndohi man ta tsenaʼa ta da na va.