Romans 2:29 - Ma Zhiklè

²⁹ Aman nengaʼa ndo Juif nzuraʼa, man ndo Juif te ndav. Nengaʼa nʼngél ngwon nzuraʼa, man ndav ntila, man ndo a ngoɗ ka ɓai, aman Mèzhèɓ Zhiklè a ngau. Ndo arsa a ngècè nʼnjèlè a sam ndohi ka ɓai, aman a sam Zhiklè.

Mofa New Testament

²⁹ Aman nenga'a ndo Juif nzura'a, man ndo Juif te ndav. Nenga'a n'ngél ngwon nzura'a, man ndav ntila, man ndo a ngoƋ ka ɓai, aman Mèzhèɓ Zhiklè a ngau. Ndo arsa a ngècè n'njèlè a sam ndohi ka ɓai, aman a sam Zhiklè.

Romans 2:29 ပူးပေါင်းရင်းမြစ်များ

I Chroniques 29:17

I suna, Zhiklè ga, ka jkeda ndav ndo; skwi nzuraʼa ambaha ka. Skwi haha tèlèba i va ka a ndav nzuraʼa, a i wuffè, aman i rka ndohi ngaya man ta ɓica va haha, a ta va ka skwi a ndav tèlèba.

Psaumes 45:13

A ndohi Tyr ta da shkè a skwi mbali te rai, ndohi mèshèlè mbibihiaʼa te kokwar ta da shkè a ta woy a ta gaɗaha bai.

Jérémie 4:14

Jérusalem, pana ndav ngaya te mali tèlèba, aman ka mbél ngaya! Mali man ka hérèʼa a da nzi a ndav ngaya ta ahngwa?

Jérémie 4:4

Va-tila ndav kinè a sam Ndo nzi pèc pècèk, kinè ndohi Juda a ndohi te Jérusalem, man ɓai ndzoan a slèmbèɗè ara vogwa, a ndo a mbècè azɓai, a géɗ mali kinè.

Jérémie 9:25

Na haha patsa a di a shkè, Ndo nzi pèc pècèk a gaɗa, aman i da gi kita a géɗ ndohi nʼngela ngwon, aman ndav ta ntil ɓai:

Luke 11:39

A Bai a ngaɗa na: Anai, kinè ndohi pharisie, kin pènè deɓ kokwi a gandaf; aman ndav kinè nʼndha a skwi metsar a malai.

Luke 17:21

A ta gèɗè azɓai: Na haha, na ahngata! Aman na haha, kokwar Bi Zhiklè a zhè te ndev kinè.

Jean 12:43

Ta woy nʼnjèlè a sam ndohai, a fena man a Zhiklè.

Jean 4:23

Aman patsaʼa a shkè, ani a zhè ma, aman ndohi man ta tsi ri Zhiklè zuraʼa, ta tsi ri a Bab Zhiklè te Mèzhèɓ Zhiklè, a nzuraʼa. Aman Bab ga a woya a ta tsi ri arsa.

Jean 5:44

Aman kin woy aman ndohi ta slebarde kinè, kin woya man a Zhiklè ka ɓai, ncè-a-ndav kinè mè?

Romans 14:17

Aman kokwar Bi Zhiklè nʼndi skwai, nsi skwai ka ɓai, aman ngi-zuraʼa a gumai a mwuffè te Mèzhèɓ Zhiklè nkezlaʼa.

Romans 2:27

A nengaʼa man daga nyakaɗ na ngwon nʼngel ɓai, aman a jèjèr ma kita Zhiklè tèlèba, a ndi a ndo mbèzlè kita a géɗ ngaya, ka man ka ngots ma kita a ma nʼngél ngwon, a ka gi malai ara ma kita Zhiklè a gaɗa.

Romans 3:1

Kos ndo Juif a fena ndo ngiɗè a mè? Nʼngél ngwon kala mè?

Romans 7:6

Aman antanta Zhiklè a mpre nga auda ma te ma kita nengaʼa, a nga mets nga a sam skwi man a dzaw nga hi ma, a nga gi mizlinè Zhiklè te Mèzhèɓ mɓuaʼa, a nga jèjèr ma mʼmovaʼa asaɓai.

1 Corinthians 4:5

Gar haha kin bazla na mali a gèɗ a ndo ngiɗè tsam tsam ɓai, sèi Bai Yèsu a shkè, nengaʼa a di a cko skwi tèlè auda a sam nhélaʼa, ko skwi man nʼnghedaʼa te ruva, a ngrédè skwi man ndohi ta hérè te ndav ta, auda. Te deɓaʼa Bi Zhiklè a slébèrdè ndo staɗ staɗ, ara man a ngècè a géɗ skwi man a gau.

1 Corinthians 7:19

Nʼngél ngwon, skwi ambalai; nʼngél ngwon bai, skwi ambalai; aman sèi njèjèr ma nkwèr Zhiklè.

2 Corinthians 10:18

Ndo amba a géɗ man a slébèrdè va na a ri na ka ɓai; aman a géɗ man Zhiklè a slébèr-dèʼa.

2 Corinthians 3:6

man a va nga maya, a nga gi mizlinè nderzlè-ma mɓuaʼa, a lamba ɗèlèwèr ka ɓai, aman a Mèzhèɓ. Lamba ma kita a zhidè ndo; aman Mèzhèɓ a vi nshèffè.

Deutéronome 10:16

Gar haha va-tila ndav kinè, kin gu mèdègèd a ma ma ɓai!

Deutéronome 30:6

Ndo nzi pèc pècèk, Zhiklè ngaya, a da va ka ndav mɓuaʼa, kinè a ndohi te verzi ngaya, ndav mɓuaʼa te nʼngél ngwon genè ka ɓai, te ntil ndav ngaya. A ka da woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a ka da nzi a nshèffè.

Philippiens 3:3

Aman nga ngots nʼngél ngwon nzuraʼa, nga man nga gi mizlinè Zhiklè te Mèzhèɓ nengaʼa, a njégèr va nga a zhè, nengaʼa Yèsu Kristi; nga fi gèɗ a ndo ara nyakaɗ na ka ɓai.

1 Thessalonians 2:4

Aman ara ndohi man Zhiklè a jkede nga, man a mva nga ma mbelaʼa a rai, nga gèɗè arsa: nga woy a nga gi ambaha ta ndohi genè ka ɓai, aman nga gi ambaha Zhiklè man a wèr ndav nga.

1 Peter 3:4

Aman a woy va kinè ntila tʼhwaɗaʼa, a skwi te ndav man a gédè-shè azɓai, a mèzhèɓ nlüɓekwaʼa, a gumai. Nasa skwi mbiaʼa a sam di Zhiklè.

I Samuel 16:7

Aman Ndo nzi pèc pècèk a ngaɗa na Samuel: Ndo da ga ka di ɗokɗoka ɓai! Ka hur a géɗ ndo ngurèa ɓai! I woy nengaʼa ɓai. Zhiklè a woy ndo te di azɓai, ara man ndohi ta woyaʼa. Ndohi ta woy ndo te dai; aman Zhiklè a pi di a ndav.