Romans 2:10 - Ma Zhiklè

¹⁰ Nslébèrdè a nʼnjèlè a gumai a sam ndohi man ta gi skwi man amba: nshèlèkuraʼa a sam ndohi Juif, te deɓaʼa a sam ndohi man Juif ka ɓi ba.

Mofa New Testament

¹⁰ Nslèbèrdè a n'njèlè a gumai a sam ndohi man ta gi skwi man amba: nshèlèkura'a a sam ndohi Juif, te deɓa'a a sam ndohi man Juif ka ɓi ba.

Romans 2:10 ပူးပေါင်းရင်းမြစ်များ

Job 22:21

Gar haha, va-tsu gumi a Zhiklè! A ka ngècè mpshè ma!

Psaumes 15:2

Nengaʼa man a gi mali azɓai, a gi skwi nzuraʼa, a gèɗè ma nzuraʼa a ndav tèlèba.

Psaumes 29:11

Ndo nzi pèc pècèk da va na wuɗai a ndohi na; Ndo nzi pèc pècèk da pshè ta ma ndohi na a gumai.

Psaumes 37:37

War ndo man a gaʼa a njèlalaʼa, war ndo man a gi zuraʼa: nengaʼa a nzi a gumai, a ndohi te verzi nengaʼa ta zhè.

Proverbes 11:18

Ndo ambaɓiaʼa a gi skwi ambaɓiaʼa; aman ndo man a zleki ngi-zuraʼa, a da ɓicè skwi te deɓaʼa zuraʼa.

Proverbes 8:18

Skwi mèshèlè a nʼnjèlè a zhè a sam ga; skwi mèshèlè man a gédèshè azɓai, a ngi-zuraʼa.

Esaie 26:12

Ndo nzi pèc pècèk, ka da va nga gumai. Skwi tèlè man nga giaʼa, ka rufaʼa.

Esaie 32:17

Ngi-zuraʼa a cko gumi auda, nyi ngi-zuraʼa, nengaʼa man ta nzi ɓar-ɓararaʼa a mèdèp.

Esaie 48:18

Aman agassa ka fu gèɗ a ma nkwèr ga! Ar manam ngaya a dè a ma ma, a ngi-zura ngaya a hai ara iyam te woyam mbiaʼa.

Esaie 48:22

Gumi ndohi ambaɓihiaʼa azɓai, Ndo nzi pèc pècèk a gaɗa.

Esaie 55:12

Aman kin dè a mwuffè te ndav; a i da de kinè a gumai. Za a ngègèdhai ta da wuffè a ma kinè, a wofhi te dak ta da wuf-fè a ta gècè.

Esaie 57:19

Ta da gèɗè ma malwuɗai, ma gumai a ndohai, ko ndohi dra, ko ndohi ndul ndul; a i mbel ta, Ndo nzi pèc pècèk a gaɗa.

Jérémie 33:6

Na haha i va na madzaf, da mbel na: Iyè, i mbelaʼa. I da ngreda ta skwi mbelaʼa te gumai, te ma nzuraʼa.

Nombres 6:26

Ndo nzi pèc pècèk da paha ka dai, da va ka gumai!

Matthew 10:13

Aman ndo nlèɓèslèʼa, gumi kinè a dè a gi sa. Aman ndo nlèɓèslè ɓai, gumi kinè a shkè a deɓa a gèɗ kine.

Luke 1:79

aman a hela ta sam a ndohai, man ta te ruva, man ta te mèzhèɓ mʼmetsai, a da pa nga sak a civèɗ gumai.

Luke 12:37

Mwuffe a sam ɓèlèlihai, aman bi tengaʼa a shkè, a nʼngats ta, ta nzhun ɓai. A vava i gaɗa kinè: A da tke hwaɗ, a pe ta a table, a va ta skwi nʼndai.

Luke 19:42

a ngaɗa: A woy ka ba, ka sun skwi man a va ka gumai! Ko a patsna! Aman antanta nʼngheda a sam di ngaya.

Luke 22:14

Aman tidè sama ma, ta nzahai a sam skwi nʼndai, a nda ndohi sak.

Luke 9:48

Ko wawa man a cè kra nkèshèa aranta, a géɗ nzlembaɗ ga, a ciyè. Ko wawa man a ciyè, a cè nengaʼa man a zlindekayè. Aman ntabawaʼa te ndev kinè, nengaʼa ndo mbiaʼa.

Jean 12:26

Ndo man a woya a ntakahayè, sèi a dzadzar-kayè. A sam man iyè a pa, ndo ntakahayè ba a pa. Ndo man a takahayè, Bab ga a slébèrdèʼa.

Jean 14:27

I jèka kinè gumi ga. Gumi ga i va kinè. I va kinè, ara man herkeda a va kinè ka ɓai. Kin gu zlau te ndav kinè ɓai, kin gudzu ɓai!

Jean 16:33

Na haha i gaɗa kinè a kin gumi te iye. Tʼherkeda matakwan a ga kinè. Aman va-gsa ndav kinè, i ngul herkeda.

Actes 10:35

aman te ndev ndohi tèlèba, nengaʼa man a gi zlauaʼa, a gi zuraʼa, ambaha.

Romans 14:17

Aman kokwar Bi Zhiklè nʼndi skwai, nsi skwai ka ɓai, aman ngi-zuraʼa a gumai a mwuffè te Mèzhèɓ Zhiklè nkezlaʼa.

Romans 15:13

Aman Bi Zhiklè nzhèrè te ndav, da ndha ndav kinè a mwuffè tèlèba, a gumai te ncè-a-ndav, aman kin ngots nzhèrè te ndav tèlèba a wuɗi Mèzhèɓ nkezlaʼa.

Romans 2:7

Nshèffè a mèdèp a sam ndohi man ta nza taraʼa te mizlinè man amba, a ta zhèr I nslébèrdè, a nʼnjèlè, a skwi man a gédèshè azɓai.

Romans 2:9

Matakwan a zlau a sam ndohi tèlèba, man ta gi skwi man ambaɓai: nshèlèkuraʼa a sam ndohi Juif, te deɓaʼa a sam ndohi man Juif ka ɓi ba.

Romans 5:1

Aman anai nga gaʼa a ndohi nzuraʼa te ncè-a-ndav, nga ngots gumi Zhiklè, te Bi nga Yèsu Kristi.

Romans 8:6

Skwi man ndohi ta hérèʼa, a da na ma a mʼmetsai. Skwi man Mèzhèɓ a hérèʼa, a da na ma a nshèffè, a gumai.

Romans 9:21

Ndo nrèm shiɗèf a gi skwi man a woya a rbasl ka ɓi ɗè? A rèm ngiɗè mbelaʼa, a rèm ngiɗè ambalai.

Romans 9:23

a nʼngreda nʼnjèl nengaʼa mbiaʼa a sam nga man nga sia te va, man a til nga te va nshèlèkurhiaʼa a nʼnjèl na.

Galates 5:22

Skwi man a shkè auda te Mèzhèɓ: Mwoy ndo a ndav, mwuffe, gumai, nzhèr skwi a ma ma, ndo a se ka te va, ndav amba, nlèɓèslèa,

Galates 5:6

Aman te Kristi Yèsu, ko ngwon nʼngela, ko ngwon nʼngel ɓai, skwi ambalai; sèi ncè-a-ndav te mwoy-ndo.

Philippiens 4:7

A gumi Bi Zhiklè man a fena maya te gèɗ nga tèlèba, da ɓür ndav kinè, a nhér gèɗ kinè te Yèsu Kristi!

1 Timothy 1:17

A sam Bi Yèsu man a zhè a mvi a mvai, man a ndivè azɓai, man nga rka a di ɓai, Zhiklè, man maya na zhè staɗgenè, nslébèrdè a nʼnjèlè pèc pècèk a mèdèp! Amen!

Hébreux 2:7

Nʼnzi kètè ka mèndè gèɗè a hai a sam golahi Zhiklè: te deɓaʼa ka da paɗa na gèɗ a nslébèrdè, a nʼnjèlè,

Jacques 2:22

Te pa ka rkaʼa, ncè-a-ndav a hümdè a skwi man a gau. Ncè-a-ndav nengaʼa nʼnga jèlèlèʼa te skwi man a gau.

Jacques 3:13

Te ndev kinè ndo man a ngots maya te gèɗ, a nshin skwi, wa? Da ngreda maya nshèffè man amba te skwi man amba man a giaʼa, a ndav nlüɓekwaʼa, man a shkè auda te maya.

1 Peter 1:7

Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè mʼmbi holholaʼa, a fena guro, sei ta jkedèʼa aranta, a ndi a nshid gèɗ, a nslébèrdè nʼnjèl Yèsu Kristi a pats man a gudko va a dai.

1 Peter 5:4

Gar haha a pats man ndo mɓer skwi mbiaʼa a da gudko va a dai, kin ngècè skwi mpèɗè gèɗ nʼnjèlè man a gédèshè azɓai.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.