Romans 12:1 - Ma Zhiklè

¹ Dalahimam ga, anai i bid kinè a géɗ man ndo a si Zhiklè te va: va-vau va kinè a skwi man kin va na Zhiklè, man nshèffè te pa, nkezlaʼa, ambaha Zhiklè. Nasa mizlinè Zhiklè nzuraʼa!

Mofa New Testament

¹ Dalahimam ga, anai i bid kinè a géƋ man ndo a si Zhiklè te va: vavau va kinè a skwi man kin va na Zhiklè, man nshèffè te pa, nkezla'a, ambaba Zhiklè. Nasa mizlinè Zhiklè nzura'a!

Romans 12:1 ပူးပေါင်းရင်းမြစ်များ

Psaumes 116:12

I da pil Ndo nzi pèc pècèk a mè? A gèɗ skwi man amba tèlèba man a gayè.

Psaumes 19:14

Ɓür ɓèl ngaya a sam ndohi nfi va, a ta gi bi a gèɗ ga azɓai. Te deɓaʼa i nza, mali ga azɓai, ndav ga mpana te mali mbiaʼa.

Esaie 56:7

i woya a i de ta a sam za ga nkezlaʼa, a i va ta mwuffè te gi ntsi ri ga. Skwi tengaʼa man ta ndarayè a ta zlayè a sam mvi skwi a Zhiklè, a gi ambahayè. Aman gi ga, sèi ta baha na gi ntsi rai ndohi herkeda tèlèba.

Jérémie 6:20

Skwi man ta ndarayè, aman a zhkè ara burdi te Saba, te kokwar dra, i gia kè? Skwi man kin ndarayè, ambahay ɓai; a skwi man kin zlayè, i wuffè a géɗèʼa azɓai.

Osée 14:2

Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.

Nombres 7:21

Matsaraɗ marai, drok staɗ, kra tambak mvi staɗ, man ta ndara na Zhiklè.

Luke 7:47

Gar haha i gaɗa ka: Mali nengaʼa mbia sa, mpraʼa. Aman nengaʼa a woy iyè a ndav a vata. Aman a ndo man ta pra na kètè, nengaʼa a woya a ndav kètè.

Romans 12:2

Kin gu lèmèlèmè ara ndohi herkeda sata ɓai, aman va-gu aman nhér gèɗ kinè a gi a mɓuaʼa, aman kin slaha a kin ɗèl skwi man Zhiklè a woyaʼa, ara skwi man amba a skwi mbelaʼa a skwi njèlèlèʼa.

Romans 15:16

Pombi nengaʼa a ngyè a ndo mizlinè Yèsu Kristi te ndev ndohi nte deɓa, a i gi mizlinè Zhiklè te ma mbelaʼa, aman ndohi nte deɓa ta ndi a skwi mvi a Zhiklè, man ambaha Zhiklè, ndohi nkezlaʼa te Mèzhèɓ Zhiklè nkezlaʼa.

Romans 15:30

Dalahimam ga, i fa kinè ma a gèɗ, te Bi nga Yèsu Kristi, te mwoy-ndo te Mèzhèɓ, va-takahayè a ngi var te ntsi ri a sam Zhiklè a géɗ ga,

Romans 2:4

Pombi nengaʼa mbiaʼa, nzhèr skwi nengaʼa dai, a ndav nengaʼa man a slèmbèɗè tsam tsam azɓai, ka kwola ka ɓi ɗè? Ka sun ɓi ɗè, pombi Zhiklè a zhèr ka, aman ka da ngwèdè ndav.

Romans 6:13

Kin pa na nfèfèn va kinè a malai a ngi skwi ambaɓiaʼa a vna ɓai! Aman va-vau va kinè a Bi Zhiklè a ri kinè, ara ndohi mʼmetsaʼa, man antanta ta zhè a nshèffè. Va-pa na nfèfèn va kinè a Zhiklè a ngi skwi nzuraʼa a vna.

Romans 6:16

Azɓai! Kin sun ɓi ɗè, a sam ndo man kin fi gèɗ a ma nengaʼa, kin gi ɓèl nengaʼa. Gar malai, man adè a mʼmetsai, gar nfi gèɗ man a dè a ngi-zuraʼa.

Romans 6:19

I gèɗ ma ara ndohai man ta gèɗèʼa. Lèmèlèmè ara man kin vau nfèfèn va kinè a ɓèlèlihi skwi nlizhèa, skwi ambaɓiaʼa, man ta gi mphömè a vna, lèmèlèmè antanta va-vau nfèfèn va kinè a ɓèlèlihi ngi-zuraʼa, a nshèffè nkezlaʼa.

Romans 9:23

a nʼngreda nʼnjèl nengaʼa mbiaʼa a sam nga man nga sia te va, man a til nga te va nshèlèkurhiaʼa a nʼnjèl na.

1 Corinthians 1:10

Aman i fa kinè ma a gèɗ, dalahimam ga, a nzlembaɗ Yèsu Kristi, Bi nga: Va-lèmdè ma kinè pèc pècèk, va-gu maya, skwi ngiɗè da kezla kinè gèɗ ɓai, aman va-mba ma kinè, a ndav staɗ, a nhér gèɗ kinè staɗ.

2 Corinthians 10:1

Iyè, Paul, i bid kinè a ri ga a ndav nlüɓekwaʼa, a maya man amba te Kristi. Aman i a sam kinè, i gi huyo kokoʼa; aman i dra a sam kinè, i gèɗè a wuɗai.

2 Corinthians 4:1

Gar haha a géɗ man nga ngots mizline aranta, a nga si Zhiklè te va, nga ngézhè azɓai.

2 Corinthians 4:16

Gar haha nga ngézhè azɓai; aman ko va nga a gédèsh na, ndav nga a gi a mɓuaʼa pèc pècèk.

2 Corinthians 5:20

Anai nga gaʼa a ndohi sak te di man a Kristi, te man Zhiklè a bid ndo, te nga: Anai nga tsi ri te di man a Kristi: Va-gau aman kin menda gumi a hai a Zhiklè!

2 Corinthians 6:1

Nga ndohi man nga mbi a mizlinè a nengaʼa, a nga bid kinè, kin co pombi Zhiklè ambali ɓai!

Ephésiens 4:1

Gar haha i fa kinè ma a gèɗ, iyè ndo dangai a géɗ Bai Yèsu: Va-nza a maya, ara man kin njèl Zhiklè man a baha kinè.

Ephésiens 5:10

Va-wor skwi man ambaha Bi Zhiklè!

Deutéronome 14:2

Aman kinè ndohi nkezlaʼa a sam Ndo nzi pèc pècèk, Zhiklè kinè. Kinè man Ndo nzi pèc pècèk a ngatska kinè auda, aman kin ndi a ndohi na, te ndev ndohi herkeda tèlèba man a géɗ herkeda.

Philippiens 1:20

A i zhèrè te ndav, a i hérèʼa, i woy a i ngècè hori a di azɓai, ko te skwi staɗ. Pèc pècèk, ko antanta ba, i slébèrdè Kristi te va ga, a i fi gèɗ a vna, ko man i zhè a nshèffè, ko i metsi ga.

Philippiens 2:17

i ga mizlinè ambali ɓai. Ko ta giyè a skwi man ta va na Zhiklè, nshèffè ga skwi man ta vi a Zhiklè a géɗ ncè-a-ndav kinè, i wuffè genè, a i wuffè a nda kinè tèlèba.

Philippiens 4:18

Aman antanta i ngreda kinè, ara man i ngots skwi tèlèba, kumba, a njèkèɗiaʼa a zhè. I tèkwèn skwi asaɓai, a géɗ skwi kinè man amba, man i ngots te ri Epaphrodite: ara skwi man kin va na Zhiklè man a wuffè a gèɗèʼa, ambaha, man a cèʼa.

1 Thessalonians 4:1

A vaʼa, dalahimam nga, nga bid kinè, nga fa kinè ma a gèɗ, te Bai Yèsu: Ara man kin ngotso a sam nga, vo-do arsa, ambaha Zhiklè. Skwi man kin giaʼa, va-gu holholaʼa a ma ma.

1 Thessalonians 4:10

Kin gi arsa a sam kramamhi tèlèba, man ta zhè te kokwar Macédoine. Aman nga bid kinè, dalahimam nga, aman kin grè a ma ma,

1 Thessalonians 5:12

Nga tsa kinè rai, dalahimam nga, aman kin pi di a tengaʼa man ta gi mizlinè a sam kinè, a ta takaha kinè a ma Zhiklè, a ta bid kinè.

1 Timothy 2:3

Nasa amba, ambaha Zhiklè, Bi mʼmbel nga,

1 Timothy 5:4

Aman wudahi ta, man wud wuda ta ta zhè, sèi ta lèɓèslè te gi ta nshèlèkuraʼa, a ta menda na skwi man bab ta a mam ta a takaha ta a vna, a deɓa arsa. Aranta ambaha Zhiklè.

Philémon 1:10

I tsi rai a sam ngaya a géɗ Onésime, kra ga man i ngotso te gi dangai.

Philémon 1:9

Aman i woy a i gaɗa ka te mwoy-ndo a ndav genè. Iyè Paul, ndo nhalaʼa, anai ndo dangai Yèsu Kristi ba.

Hébreux 13:22

Aman i bid kinè, dalahimam ga, va-ɓür ma haha man i bid kinè a vna! I Windo kinè kèshkata genè.

1 Peter 2:20

Aman kin gu malai, a ta ndah kinè a géɗèʼa, a kin cèʼa, njégèrdè va kinè nanangwa? Aman kin si matakwan, a géɗ skwi man amba man kin gau, a kin cèʼa, nasa pombi a sam Zhiklè.

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.