Psaumes 82:2 - Ma Zhiklè

² Kin woy a kin jèkeda kita man kin gi zuraʼa azbi haha, a ngèmè? A kin par ta ndohi ambaɓihiaʼa a mpèrè èhèmè?

Psaumes 82:2 ပူးပေါင်းရင်းမြစ်များ

I Rois 18:21

A Elie a mshke a sam ndohai, a ngaɗa: Kin pi gèɗ cèw cèw ta ahngwa? Aman Ndo nzi pèc pècèk Bi Zhiklè, vo-dzodzor nengaʼa! Aman Baal Bi Zhiklè, vo-dzodzor nengaʼa! Aman ndohi ta mbeɗa na a ma ɓai, ko staɗ.

II Chroniques 19:7

Anai va-gu zlau Ndo nzi pèc pècèk, va-gu maya a géɗ skwi man kin giaʼa, aman mali az a sam Ndo nzi pèc pècèk, Zhiklè nga, ɓai; nengaʼa a pèr ndo mpèrè azɓai, a woy skwi mbali ɓai.

Job 32:21

I woy a i pèr ndo mpèrè azɓai, i pi a ndo azɓai.

Job 34:19

Nengaʼa man a pi a wud bihai azɓai, a ndohi mèshèlè a ndohi ntawassaʼa azbai, ta tèlèba ri nengaʼa a ngau.

Psaumes 62:3

Sèi nengaʼa sam ga ngedeng-gedengaʼa, a skwi mbelyè, gi ga ndakmaʼa. I giɗè va azɓai.

Exode 10:3

A Moise a Aaron to do a sam Pharaon a ta gada na: Ndo nzi pèc pècèk, Zhiklè ndohi Hébreu, a gada: Ta ngèmè ka woy a ka manda gèɗ ngaya a hi azɓai a sam ga? Va ta civèɗ a ndohi ga, a ta da slèbèrdyè!

Proverbes 18:5

Ambaɓai aman ka jèkeda ndo malai a ka terɗa na kita a gèɗ a ndo man nʼnga mali ɓai.

Ezéchiel 45:9

Gar haha Bi Zhiklè a gaɗa: Kinè wud bihi Israel – klèng ma! Va-jèkeda malai, a kin gu wuɗi bai! Va-gu skwi zuraʼa man amba, va-jèke ta ndohi ga, kin dzam ta auda te gi dau ta bai, Bi Zhiklè a gaɗa.

Lèv. 19:15

Kin ngwoda kita bai! Ka por ndo mpèrè a sam kita bai, ko mbelaw ndo, ko ndo mbiaʼa. Sèi ka gi kita nslamagi ngaya zuraʼa.

Matthew 17:17

A Yèsu a mʼmbeɗa ta a ma: Kinè ndohi man ambaɓai, man kin ca a ndav ɓai! I da nzi a sam kinè genè de? I da nzi a sam kinè, aman i takaha kinè genè de? Va-ckoɗa a sam ga!

Galates 2:6

Aman ndohi man ta ara ndohi mbibihiaʼa a sam di ndohai – ko wawa – a ga ga pa mè? Aman Zhiklè a woy ndo te di mwoyè azɓai, a ndohi mbibihiaʼa sa ta gaɗayè ma ngiɗè ɓai.

Deutéronome 1:17

Kin por ndo mpèrè a sam kita ɓai! Va-fu zlembaɗ a ma mbelaw ndohi lèmèlèmè ara ma ndohi mbibihiaʼa. Kin gu zlau ndo ɓai; aman ma kita a Zhiklè. Kita man a fena wuɗi kinè, va-ckoɗa a sam ga, a i tsnaʼa.