Psaumes 67:7 - Ma Zhiklè

⁷ Herkeda a mva nga skwi na, Bi Zhiklè, Zhiklè nga, a pshè nga ma.

Psaumes 67:7 ပူးပေါင်းရင်းမြစ်များ

Psaumes 22:27

Ndohi man ta manda ta gèɗ a hai, ta da ndi skwai a ta ngézhè. Ndohi man ta woya Ndo nzi pèc pècèk, ta da shida na gèɗ. Ndav kinè da nza a nshèffè a mèdèp!

Psaumes 29:11

Ndo nzi pèc pècèk da va na wuɗai a ndohi na; Ndo nzi pèc pècèk da pshè ta ma ndohi na a gumai.

Psaumes 33:8

Herkeda tèlèba da gu zlau Ndo nzi pèc pècèk! Ndohi a géɗ herkeda da gu-dzau a sam na!

Psaumes 65:5

Mwuffè a sam ndo man ka ngotskoɗauda a ka cèʼa, aman a da nzi te gala ngaya. Nga woy a nga ngècè mpshè ma te gi ngaya, a sam ngaya nkezlaʼa, a nga ngézhè a vna.

Psaumes 72:17

Nzlembaɗ nengaʼa da nzau a mèdèp, da gra a mbiaʼa a ma ma, ara pats man a zi auda a giɗfèk azɓai. Verzi ndohi herkeda tèlèba, da pshè ta ma ndohi kokwar a nzlembaɗ nengaʼa. Ndohi kokwar tèlèba, do slubordo nengaʼa!

Psaumes 98:3

A nhur pombi nengaʼa a sam ndohi Jacob, a nhur nlèɓèslè nengaʼa a sam ndohi Israel. Te verzi herkeda tèlèba, ta rka skwi mʼmbel ndo Zhiklè nga.

Esaie 30:23

Zhiklè a da vi iyam nzlekai, a dau te gi dau a gi ngurlaklakaʼa, nhuɓalaʼa. Skwi kinè a da ndi mandai a pats nasa a dalbara mbiaʼa.

Esaie 43:6

I da gèɗè te civèɗ man a géɗèʼa: Vo-pokoyè! Te civèɗ man a dukwad: Ka gse ta hi ɓai! Mendeka ta wudahi ga a deɓa te pa, a dalahi ga te verzi herkeda!

Esaie 45:22

Vo-ngwodko ndav a sam ga, aman i mbel kinè, kinè te verzi herkeda tèlèba. Aman Zhiklè, iyè, ngiɗè azɓai.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Lèv. 26:4

i zlinda kinè iyam man tiɗè sama ma, a herkeda a yi skwi na, a wof a yi wud na.

Michée 5:4

Nasa gumai. Aman ndohi Assyrie ta da shkè a kokwar nga, aman ta mbècè sak a herkeda nga, nga Zlatseda ta ndohi mɓer skwi tsaraɗ a wud bihi tsamakaɗ a ma.

Zacharie 8:12

Aman antanta i tsi gumai. Skwi te gi wof barassa a zhè, herkeda a yi skwai, giɗfek a prè minmèn. Njèkèɗi ndohi ta ngècè skwi haha tèlèba a skwi ta.

Zacharie 9:10

A da ndiv kiki var te Ephraim, a plèshi te Jérusalem, a lèkèɗ ba. A da tsi gumai a sam ndohi herkeda tèlèba. Kokwar bi nengaʼa a hinè a ma woyam ngiɗè, a ndè a ma woyam ngiɗè, a ndè a verzi herkeda.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Mal. 4:2

Aman a kinè, man kin slébèrdè nzlembaɗ ga, pats ngizuraʼa a vèngè, a skwi mʼmbel ndo te va sakaʼa. Kinè, kin dè auda a kin tsi ɓarwasl ara kra zlè man a hakaɗauda te kuɗom.

Actes 13:26

Kinè, dalahimam ga, kinè te verzi Abraham, a kinè, man kin gi zlau Zhiklè, ma mʼmbel ndo haha ta zlündo a sam nga.

Actes 13:47

Aman Bi Zhiklè a gaɗa nga arsa: I ge ka a skwi nhel sam ndohi herkeda, a ka gi a skwi mbél ndo, ha verzi herkeda.

Actes 2:28

Ka ngray civèɗ nshèffè, a ka da ndha ndav ga a mwuffe a sam di ngaya.

Galates 3:14

Aman mpshè ma Abraham a mshkè a sam ndohi nte deɓa te Yèsu Kristi, a nga ngècè Mèzhèɓ man mpasla nga a ri te ncè-a-ndav.

Galates 3:9

Anai ndohi ncè-a-ndav ta ngècè mpshè ma a géɗ Abraham, man nco a ndav.

Apocalypse 15:4

Ndo man a gi zlau ngaya azɓi wa, Bi Zhiklè. Ndo man a slébèrdè nzlembaɗ ngaya azɓi wa? Aman ka staɗ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzuraʼa nʼngreda auda ma.