Psaumes 53:2 - Ma Zhiklè

² Ndohi nrzlaʼa ta gaɗa te ndav ta: Zhiklè azɓai! Ta gedassa, maya nshèffè tengaʼa ambaɓai a vata ba. Ndo man a gi amba azɓai, ko staɗ ba.

Psaumes 53:2 ပူးပေါင်းရင်းမြစ်များ

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

II Chroniques 19:3

Aman skwi man amba man ka gau a zhè, a géɗ man ka gedassa skwi mʼmbèh skwai te kokwar, a ka hos Zhiklè a ndav ngaya.

Job 28:28

A ngaɗa na ndo: Ngi zlau Bi Zhiklè, nasa maya. Njèkè malai, nasa nshin skwai.

Psaumes 10:4

Ndo ambaɓiaʼa a hér gèɗ nfi va, a gaɗa: kita azɓai, Zhiklè azɓai.

Psaumes 102:19

Ta da windèʼa, a ndohi a ma ma ta da jèngèʼa, a ndohi kokwar, man ta til mɓua dai, ta da slébèrdè Ndo nzi pèc pècèk.

Psaumes 11:4

Ndo nzi pèc pècèk a zhè te gi bi nengaʼa nkezlaʼa. Sam nʼnzi bi Ndo nzi pèc pècèk a zhè te zhiklè. A paka di a hai a géɗ herkeda, a ngél dai a géɗ ndohi tʼherkeda.

Psaumes 111:10

Maya a hinkaɗi te ngi zlau Ndo nzi pèc pècèk. Ndohi man ta gi arsa, ta gu amba. Nʼnjèl nengaʼa a nzi a mèdèp.

Psaumes 27:8

Ndav ga a gaɗayè a géɗ ngaya: Hos di nengaʼa! Ndo nzi pèc pècèk, i woy a i hèsh di ngaya.

Esaie 55:6

Va-woy Ndo nzi pèc pècèk, aman ani a zhè dai. Va-baha na, aman ani a zhè ndul ndul a sam kinè dai!

Jérémie 16:17

Aman i pi di a civèd tengaʼa tèlèba, ta slaha ta ngheda va a sam di ga bai, mali tengaʼa a nghédè a sam di ga azɓai.

Jérémie 23:24

Aman ndo ngiɗè a ngheda va, i rka bi dè? I ndha giɗfèk a herkeda ka ɓi dè, Ndo nzi pèc pècèk a gaɗa.

Deutéronome 4:6

Kin da jèjèrèʼa, a kin da gi arsa. Aman ndohi ta da rka maya kinè a zhè, kin sun skwai, aman ta da tsena ma nkwèr haha tèlèba, a ta gaɗa: Verzi ndohi mhur haha, ndohi maya, ndohi man ta sun skwai.