Psaumes 5:4 - Ma Zhiklè

⁴ Ndo nzi pèc pècèk, a prèk te gai ka tsena daʼai ga. A prèk te gai i tsa ka rai, a i zhèr ma ngaya.

Psaumes 5:4 ပူးပေါင်းရင်းမြစ်များ

I Chroniques 29:17

I suna, Zhiklè ga, ka jkeda ndav ndo; skwi nzuraʼa ambaha ka. Skwi haha tèlèba i va ka a ndav nzuraʼa, a i wuffè, aman i rka ndohi ngaya man ta ɓica va haha, a ta va ka skwi a ndav tèlèba.

Psaumes 101:7

Ndo man a ngwèdè ndo, a da nzi a gi ga azɓai. Ndo man a cè-kèlma, a slaha a nzlècè a sam di ga azɓai.

Psaumes 11:5

Ndo nzi pèc pècèk a jkeda ndo nzuraʼa a ndo ambaɓiaʼa, a gi a mayam ndo man a gi shèwa.

Psaumes 140:13

I suna, Ndo nzi pèc pècèk a nʼnza ta a deɓa a mbelaw ndohai, a helka ta ndohi ntawassaʼa auda te kita.

Psaumes 50:21

Ka gu arsa, a i nza tètè; a ka huro, i lèmèlèmè ara ngaya. Aman antanta i ga ka ndzoan, i ngra ka tèlè.

Psaumes 63:2

Bi Zhiklè, ka Zhiklè ga, i woy ka. Ndav ga a zhèr ka, va ga a woy ka, ara gi dau ngworaʼa a woy iyam,

Psaumes 88:14

Ndo nzi pèc pècèk, gar haha i baha ka, a prèk a prèk i tsi ri a ka.

Psaumes 92:15

Ko ta hala ma, ta yiè genè, iyam te va, a ta dai a vna,

Psaumes 94:20

Ka mbi a ngi kita a ndohi ambaɓihiaʼa dè? Tengaʼa man ta dérɗè ma kita.

Habakuk 1:13

Di ngaya nlizhɓai, kumba nkuzleraʼa, ka slaha a ka rka skwi ambaɓiaʼa azɓai, ka slaha a ka pi di a matakwan azɓai; ka rka ta ndohi ambaɓihiaʼa a ka nze tètè èhèmè? Ehèmè, aman ndo malai a ndeda ndo nzuraʼa a ma?

Mal. 2:17

Kin ngeza Ndo nzi pèc pècèk a tsaval kinè, a kin jhèɗè: Nga ngezaʼa a mè? Aman kin huro: Ko ndo man a gi malai, ambaha Ndo nzi pèc pècèk genè — a wuffè a géɗ nengaʼa genè — man ɓai, Zhiklè a ga na kita azɓai èhèmè?

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

Hébreux 12:14

Va-woy gumi a nda ndohi tèlèba, va-woy nshèffe nkezlaʼa. Ndo man nshèffe na nkezle ɓai, a slaha a nrka Bi Zhiklè ɓai.

2 Peter 3:13

Aman nga ngots mpèsl ri nengaʼa, a nga zhèr giɗfèk mɓuaʼa a herkeda mɓuaʼa, man ngi-zuraʼa a zhè te pa.

Apocalypse 21:23

Kokwar nʼnza, skwi nhel sam azɓai, ko pats, ko kia. Aman nʼnjèl Zhiklè a hél sam; kra tambak skwi nhél samaʼa.

Apocalypse 21:27

Ko skwi nlizhèa, ta da ckoɗa a pa azɓi fèt; ndo man a gi skwi man a ndèrè ndo, ndo ncèkelma, a dè a pa azɓi fèt, aman sèi tengaʼa man ta winde ta a ɗèlèwèr nshèffè kra tambak.