Psaumes 2:4 - Ma Zhiklè

⁴ Nengaʼa man a nza a géɗ sam nʼnzi bai te zhiklè te géɗèʼa, a ngwossaha ta. Ndo nzi pèc pècèk a liv ta.

Psaumes 2:4 ပူးပေါင်းရင်းမြစ်များ

II Rois 19:21

Na haha ma man Ndo nzi pèc pècèk a goɗa a géɗ nengaʼa: Bidalai, dem Sion, a rka ka ara zai, a ngwossaha ka. Dem Jérusalem a geda gèɗ kwotakwotaʼa te deb ngaya.

Psaumes 11:4

Ndo nzi pèc pècèk a zhè te gi bi nengaʼa nkezlaʼa. Sam nʼnzi bi Ndo nzi pèc pècèk a zhè te zhiklè. A paka di a hai a géɗ herkeda, a ngél dai a géɗ ndohi tʼherkeda.

Psaumes 115:3

Zhiklè nga a zhè te zhiklè te géɗèʼa, skwi tèlèba man a woyaʼa, a giaʼa.

Psaumes 123:1

Dimèsh ndè a gi Zhiklè. I ced gèɗ a zhiklè, a i pi di a ka a sam nʼnzi bi ngaya.

Psaumes 37:13

Aman Bai – Zhiklè – a ngwoshè a géɗ ndo ambaɓiaʼa, a suna, pats kita nengaʼa a di a shkè.

Psaumes 53:5

Ndohi malihai, maya ta azɓi dè, man ta woy a ta ndi ndohi ga a ma a dai, ara man ta ndi movar, a ta tsi ri Bi Zhiklè azɓai.

Psaumes 59:8

Na haha, ta dérɗè ndo, ma tengaʼa ara tsakwal, ntsena ma tengaʼa wa?

Psaumes 59:9

Aman ka, Ndo nzi pèc pècèk, ka ngwoshè a gèɗ tengaʼa, ka liv ta ndohi herkeda tèlèba,

Psaumes 68:33

Kin kokwar bihi a géɗ herkeda, va-sla na dimèsh a Bi Zhiklè, va-tsau ganzavar a Bai!

Proverbes 1:26

Anai man kinè te drav matakwan, i ngwossaha kinè; aman zlau a keɗ kinè, i liv kinè.

Esaie 40:22

Nengaʼa man a nzi a géɗ sam nʼnzi bi a géɗ herkeda ndalpangaʼa, a ndohi a géɗ herkeda ta ara dzarai, nengaʼa man a pi giɗfèk ara balak, a winèʼa ara man a wuzhè gi maslaka a nzi a pa.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 66:1

Ndo nzi pèc pècèk a gada: Gidfèk sam nʼnzi bi ga, a herkeda skwi nfi sak ga. Gi mè, man kin woy a kin gayè? Sama tema, man i nzi a pa?