Psaumes 17:3 - Ma Zhiklè

³ Ka jkeda ndav ga, ko a vaɗ ka rkaʼa. Ka wuzhè ndav ga, ka ngècè skwi ambaɓiaʼa a sam ga azɓai. Ma ga a gi mali azɓai.

Psaumes 17:3 ပူးပေါင်းရင်းမြစ်များ

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

I Chroniques 29:17

I suna, Zhiklè ga, ka jkeda ndav ndo; skwi nzuraʼa ambaha ka. Skwi haha tèlèba i va ka a ndav nzuraʼa, a i wuffè, aman i rka ndohi ngaya man ta ɓica va haha, a ta va ka skwi a ndav tèlèba.

Job 23:10

Nengaʼa a sun civèɗ man i bizhè a pa. Aman a jkedyè, a ngatskayè ara guro ndaɓaiaʼa, mwosla a vogwa.

Job 24:14

Ga sam nciɗè, ndo nkeɗe ndo a nslambaɗa na, aman a hèsh mbelaw ndo, ndo ntawassaʼa. Ndo metsar a gi metsar a vaɗ.

Psaumes 11:5

Ndo nzi pèc pècèk a jkeda ndo nzuraʼa a ndo ambaɓiaʼa, a gi a mayam ndo man a gi shèwa.

Psaumes 119:106

I mbaɗa, a i da gi ara mʼmbèɗ ga, a i ɓir kita ngi-zura ngaya.

Psaumes 139:1

Psaume David. Ndo nzi pèc pècèk, ka wuzhè ndav ga, a ka senyè.

Psaumes 139:23

Zhiklè, wuzhè ndav ga, sun ndav ga, jkedyè, a ka sun skwi man i hérè a géɗèʼa.

Psaumes 16:7

I shid gèɗ a Ndo nzi pèc pècèk man a ngray maya; ko a vaɗ ndav ga a gaɗayè.

Psaumes 26:2

Ndo nzi pèc pècèk, waryè, jkedyè, wuzhè ndav ga kala hwaɗaʼa.

Psaumes 39:1

Njè ma David.

Psaumes 66:10

Bi Zhiklè, ka jkede nga, ka wosl nga ara man ta wèsl verzhègenè.

Psaumes 7:4

Ndo nzi pèc pècèk, Zhiklè ga: man i ngwoda rai, man mali a lizhèmay ri ga,

Proverbes 13:3

Ndo man a gi maya a géɗ ma na, a ɓer nshèffè na; ndo man dzuwi a nza na a ma azɓai, a gédèsh na.

Jérémie 12:3

Ka Ndo nzi pèc pècèk, ka senyè, ka rkayè, ka jkeda ndav ga a sam ngaya. Preka ta auda ara tambakihai man ta zli daʼai ta. Pe ta a ri ndo mbazl ta!

Jérémie 50:20

A pats nasa, te ndev nasa, Ndo nzi pèc pècèk a gaɗa, ta da woy mphömè Israel; aman nʼasaɓai. Ta da woy mali Juda; ta da ngècè asaɓai, te man i da pre ta, a njèkèɗi man i jèka ta.

Osée 7:6

Ndav tengaʼa nara rèwèc man vogwa te pa. A vaɗ tèlèba ta gi ndzoan, ta nzi tètè azɓai, aman a prèk a slèmbèɗè ara nèʼèn vogwa mbiaʼa.

Michée 2:1

Wobau a géɗ ndohi man ta hér mali a sam mʼmèn ta. Ga sam nciɗè, ta gia ara man ta huro, aman ta slaha.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Mal. 3:2

Nslaha a nʼnzi a pats mshkè nengaʼa wa? Aman a gudko va a dai, nda zlècè wa? Mshkè nengaʼa ara vogwa ndo nwèsl züdo, ara iyam lalau ndo mpèn maslaka.

Actes 11:23

Nengaʼa, aman a mshkè, a nrka pombi Zhiklè, a wuffè, a bid ta tèlèba, aman ta nzi taraʼa a sam Bai Yèsu.

Actes 16:9

A nshunè a nkeɗa Paul a vaɗ, a nrka ndo Macédoine ngiɗè, nzlatsa, a ntsi rai, a gaɗa: Washkè auna a Macédoine, a ka takaha nga!

1 Corinthians 4:4

Aman ko arsa, i ga a ndo nzura di ɓai. Bai Yèsu, nengaʼa ndo kita ga.

2 Corinthians 1:12

Nga jégèr va a géɗ skwi haha: Mèzhèɓ ndav nga a gi malwuɗai, aman nga nza a maya te nshèffè nga tʼherkeda, holholaʼa a sam kinè: ndav nkezlaʼa, a ndav nzuraʼa, ara Zhiklè man a woyaʼa, a maya ndo ka ɓai, aman a pombi Zhiklè.

Jacques 3:2

Aman nga tèlèba nga kèlè a maharam tsaɗ tsaɗ kumba. Aman ndo man a gèɗ ma ambaɓiaʼa azɓi fèt, nengaʼa nʼngaʼa a ndo nshfaʼa ma, a slaha a ngshè va na tèléba.

1 Peter 1:7

Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè mʼmbi holholaʼa, a fena guro, sei ta jkedèʼa aranta, a ndi a nshid gèɗ, a nslébèrdè nʼnjèl Yèsu Kristi a pats man a gudko va a dai.

I Samuel 24:10

A David a ngaɗa na Saul: Ka fi gèɗ a ma ndohai man ta gèɗèʼa, èhèmè? Man ta gaɗa: Na haha, David a woya a ngedas ka.

I Samuel 24:12

Bab ga, wora, rka ma dawar maslaka ngaya te ri ga! A i ngulo ma dawar maslaka ngaya, a i keɗe ka ɓai, a ka suna, a ka rkaʼa, ri ga mpana, ri nlizhɓai, i ga shèwa a géɗ ngaya ɓai, a i ga mali a sam ngaya ɓai. Aman ka, ka woy a ka zeday nshèffè ga.

I Samuel 26:11

Zhiklè da ɓür ri ga, aman i kéɗè ndo man Zhiklè a mbada na mbar a gèɗ azɓai. Gar haha co tsakwal a sam nfi gèɗ nengaʼa, a gogula iyam. Ngo-do nga!

I Samuel 26:23

Aman Ndo nzi pèc pècèk a mpela na ndo staɗ staɗara skwi nzuraʼa a nlèɓèslèa nengaʼa. Aman Ndo nzi pèc pècèk a mva ka a ri ga a patsna; aman i woy a i lama na ndo man Ndo nzi pèc pècèk a mbada na mbar a gèɗ ɓai.