Psaumes 135:9 - Ma Zhiklè

⁹ A nʼngreda skwi auda, a ngu nrkedi te ndev kinè, kokwar Egypte, a gèɗ Pharaon, a gèɗ golahi nengaʼa tèlèba.

Psaumes 135:9 ပူးပေါင်းရင်းမြစ်များ

Néhémie 9:10

Ka ngreda skwi mbiaʼa auda, a ka gu nrkedai a sam Pharaon, a sam ndohi mizlinè nengaʼa, a sam ndohi kokwar nengaʼa tèlèba, te man ka suna, skwi man ta ga ta, ta gu a shèwa. A ka ga nzlembaɗ ngaya a mbiaʼa, ara man a zhè a patsna.

Psaumes 136:15

A nzede Pharaon a ndohi var nengaʼá a hwaɗ iyam; aman pombi nengaʼa a nzi a mèdèp.

Psaumes 78:12

A ngau nrkedi a sam di babhi ta, te kokwar Egypte, te dak Tsoan.

Actes 7:36

Nengaʼa a nde ta auda, a ngu nrkedai, a nʼngreda ta skwi tsaɗ tsaɗ te kokwar Egypte, te woyam mbiaʼa nduzoaʼa, tʼhèshèkèɗ, mvi kulkul faɗ.

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Deutéronome 6:22

Ndo nzi pèc pècèk a ngau skwi mbiaʼa mwuɗitpa, a ngu nrkedi a sam ndohi Egypte, a sam Pharaon, a sam ndohi gi nengaʼa tèlèba, a di nga.