Proverbes 8:17 - Ma Zhiklè

¹⁷ Ndo man a woy iyè, i ba i woyaʼa; ndo man a hassyè, a da ngatsyè.

Proverbes 8:17 ပူးပေါင်းရင်းမြစ်များ

II Chroniques 34:3

Aman a ngu bi te mvi matsamakaɗaʼa, a hüno a mwoy Zhiklè David, babab na. Aman a ngu bi te mvi 12, a hüno a ntil Juda a Jérusalem te ri sam mʼmbèh skwai a géɗ za, Astarté a skwi mʼmbèh skwai man ta pata a wof a ta vüdo.

Psaumes 91:14

Te man a gso va a iyè, i woy a i mbelkaɗauda; i da ɓerèʼa, a gèɗ man a sun nzlembaɗ ga.

Proverbes 1:28

Te deɓaʼa ta da bahayè; aman i da fi zlembaɗ asaɓai. Te deɓaʼa ta da hassyè; aman ta da ngatsyè asaɓai,

Proverbes 2:4

aman ka woyaʼa ara man ka woy sulai, a ka hèshèʼa ara man ka hèsh mèshèlè,

Proverbes 2:5

te deɓaʼa ka da shin zlau Ndo nzi pèc pècèk, a ka da shin Zhiklè.

Proverbes 4:6

Ka jèkeda ɓai, nengaʼa a da ɓer ka; woyo a ndav ngaya, a da wara ka dai.

Proverbes 8:16

Wud bihai a mbibihiaʼa a ndohi kita a gèɗ herkeda tèlèba ta gi mizlinè ta a iyè.

Ecclésiaste 12:1

Gola, wuffa te gol ngaya! Gu langlangaʼa man ka gola dai! Gu ara man ndav ngaya a woyaʼa, di ngaya da wuffa a géɗèʼa! Aman sèi ka suna, a géɗ skwi haha tèlèba, Zhiklè a da zlatsede ka a sam kita.

Cantique des Cantiques 3:4

I jèke ta a deɓa kètè, a i ngots ndo man ndav ga a woyaʼa. I gso, a i pra ɓai, ha i ckoɗa gi mam ga, a gi man mam ga a nyekay te pa.

Esaie 45:19

I goɗ a metsar ka ɓai, te ndev ruva ka ɓai. A ndohi te verzi Jacob i gaɗa ta ɓai: ko kin woy iyè, kin woy iyè ambalai. Iye Ndo nzi pèc pècèk, i gèɗè a nzuraʼa, i njè skwi man a da gi a vava.

Esaie 55:6

Va-woy Ndo nzi pèc pècèk, aman ani a zhè dai. Va-baha na, aman ani a zhè ndul ndul a sam kinè dai!

Matthew 6:33

Va-hur kokwar-Bi-Zhiklè a ngi-zura nengaʼa nshèlèkuraʼa, a kin ngècè skwi haha tèlèba a deɓaʼa.

Marc 10:14

Aman a rkaʼa, a ndza na a ndav a Yèsu, a ngaɗa ta: Va-jèk ta wudahi aman ta shkè a sam ga! Kin gedassa civèɗ tengaʼa ɓai, aman kokwar Bi Zhiklè a ndohi ara tengaʼa.

Jean 14:21

Ndo man a ngots a ma nkwèr ga a fi gèɗèʼa, nengaʼa ndo man a woy iyè a ndav na. Ndo man a woy iyè a ndav na, Bab ga ba a woy nengaʼa a ndav na, a i woyaʼa a ndav ga, a i da ngreda na va ga.

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

Jean 16:27

Aman Bab ga a ri na a woy kinè, a géɗ man kin woy iyè, a kin co a ndav kinè, i shkè te Bi Zhiklè.

Jean 5:4

A pats ngiɗè, pats ngiɗè, gol Bi Zhiklè a shkèhai a sam nhèyè-va iyam, a ngeda iyam. Aman iyam a gidè va, ndo man a dè a pa nshèlèkuraʼa, a mbél na, ko matakwan mèmè a nʼnga na.]

Jean 7:37

A pats ndiv ngolala nʼnɗuzoʼa, Yèsu a nzlatsa, a mboho, a ngaɗa: Ko wawa man iyam a dza na, da shke a sam ga, a nsiaʼa!

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.

1 John 4:19

Nga woyaʼa, te man nengaʼa a nwoy nga nshèlèkuraʼa.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.