Proverbes 8:15 - Ma Zhiklè

¹⁵ Bihi ta gi bi a iyè; ndohi kita ta bèzlè kita a iyè.

Proverbes 8:15 ပူးပေါင်းရင်းမြစ်များ

I Rois 10:9

I shid gèɗ a Ndo nzi pèc pècèk, Zhiklè ngaya, man a va ka pombai, a nʼnzede ka a gèɗ sam nʼnzi bi Israel a mèdèp, a nfe ka a bai a ka gi kita zuraʼa.

I Rois 3:28

A ndohi Israel tèlèba ta tsena ara man Salomon a bèzlè kita nengaʼa, a ta slébèrdè bai. Ta rkaʼa, maya nengaʼa man a bèzlè kita a zhè, man a shkè te ri Zhiklè.

I Rois 3:9

Anai vay ndav man a hér maya, man a slaha a ngi kita ndohi ngaya, a sun ndèl skwi man amba te va skwi man ambaɓai. Man ɓai, nslaha a ngi kita ndohi ngaya mbiaʼa haha wa?

I Rois 5:7

Aman bi Hiram a ntsena ma Salomon, a wuffè kumba, a gaɗa: A patsna i shid gèɗ a Ndo nzi pèc pècèk, man a va na kra a David, man maya na zhè, a ngi bai a géɗ ndohi haha mbiaʼa.

I Chroniques 28:5

Te va wudahi ga tèlèba, – Ndo nzi pèc pècèk a mvay wudahi kumba – a nʼngotsko Salomon, kra ga, auda, aman a da nzi a géɗ sam nʼnzi kokwar-bi Ndo nzi pèc pècèk, te Israel.

II Chroniques 1:10

Anai vay maya, a i sun ncè ta ma ndohi haha. Man ɓai, nslaha a ngi kita ndohi ngaya mbiaʼa haha wa?

II Chroniques 1:11

Zhiklè a ngaɗa na Salomon: A géɗ man ka huro arsa, ka dzhaɗa skwi mèshèlè ka ɓai, ka dzhaɗa nshèffè man a nzi a ma ma ka ɓai, aman ka dzhaɗa maya, aman a ka shin ngi kita ndohi ga, man i fe ka a bi tengaʼa,

Psaumes 2:10

Anai, kin bihai, va-suna! Kin ndohi kita a géɗ herkeda, va-ngots maya!

Psaumes 99:4

Bai, wuɗi na zhè, kita ambaha. Ka, man ka vi ma kita. Ma kita a ngi-zuraʼa ka gu te Jacob.

Proverbes 29:4

Bi a til kokwar na a skwi nzuraʼa; aman bi man a ndi skwi ndo, a gédèshè kokwar.

Proverbes 8:16

Wud bihai a mbibihiaʼa a ndohi kita a gèɗ herkeda tèlèba ta gi mizlinè ta a iyè.

Esaie 1:26

I woya a i pa kinè ndohi kita ara halaʼa, a i ngatsa kinè ndohi maya, ara man ta hünkodai. Te deɓaʼa ta da baha ka kokwar ngi-zuraʼa, kokwar nlèɓèslèʼa.

Jérémie 33:15

A pats nasa, te ndev nasa, i da gi a ngi-zuraʼa a fcè te David, man a da gi kita zuraʼa, a ngi-zuraʼa te kokwar.

Daniel 2:21

Nengaʼa man a veni pats a vaɗ, a sam prèk a sam dakwaɗ, a cko ndo auda te bai, a fi ndo a bai, a va ta maya a ndohi maya a nshin skwai a ndohi man ta sun skwai.

Daniel 4:25

Ndohi ta da kwol ka, a ka da nzi a va skwi dakhai. Ka da ndi mandai ara zlè. Minmèn a gi a iyam ngaya. A ka nzi aranta mvi tsaraɗ, ha ka suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa.

Daniel 4:32

Kokwar-bi ngaya, i cedama te ri ngaya! Ndohi ta kwol ka, ka nzi a va skwi dak, ka ndi mandai ara zlè, ha mvi tsaraɗ klèng, ha ka suna, Zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa.

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Romans 13:1

Ndo staɗ staɗ tèlèba da fu gèɗ a ma bai, man a ngots wuɗi-bi a géɗ nengaʼa. Aman bi azɓai, man Zhiklè nfa ɓai: bihi man ta zhè, Zhiklè a npe ta.

Apocalypse 19:11

A i rka zhiklè mwinèa: na haha, plèsh nslekaɗaʼa. Nzlembaɗ ndo plèsh: ‘nlèɓèslèʼa a nzuraʼa’, man a gi kita, a gi var te ngi-zuraʼa.

Apocalypse 19:16

Nzlembaɗ ngiɗè mwindèa a maslaka na, a tataya nengaʼa: Bai a géɗ bihai, mbiaʼa a géɗ mbibihiaʼa.

I Samuel 16:1

Ndo nzi pèc pècèk a ngaɗa na Samuel: Ka lèyè Saul tè ngèmè? I kwola ma, i goɗ da gau bi Israel asaɓi ma. Ndheda mbar a gatsak, do, i woy a i zlinde ka a sam Isai, ndo Bethléhem. I ngots te va wudahi nengaʼa staɗ a bai.

I Samuel 9:17

Tsam tsam aman Samuel a nrka Saul, Ndo nzi pèc pècèk a ngaɗa na: Nengaʼa ndo man i gaɗa ka: Da gu a bi ndohi ga.