Proverbes 6:23 - Ma Zhiklè

²³ Ma nkwèrè, nara pitirla. Njè-ma man ta njè ka, nara skwi nhel sam. Man ta ngatsa ka maya, a ta slebda ka, nasa civèɗ nshèffè ngaya.

Proverbes 6:23 ပူးပေါင်းရင်းမြစ်များ

Genèse 39:8

Aman nengaʼa a woya ɓai, a ngaɗa na ngwoz bi na: Na haha babgi ga a mvay skwi gi na tèlèba a rai, a hérè a géɗ skwi ngiɗè azɓai.

Psaumes 119:105

Ma ngaya pitirla sak ga, skwi nhelay civèɗ ga.

Psaumes 119:130

Mpèr ma auda te ɗèlèwèr ngaya a winè dai, a va ta maya a ndohi man maya ta a hcè.

Psaumes 141:5

Aman ndo nzuraʼa a tsyè, di na; aman ndo nzuraʼa a nʼngezyè, di na. Aman mbar ndohi ambaɓihia i woy a gèɗ ga ɓai, te man ntsi ri ga a gi malwuɗai a gèɗ shèwa tengaʼa.

Psaumes 19:8

Ma kita Ndo nzi pèc pècèk jèlèlèʼa, a ngwèdè ndav ndo. Malwuɗi Ndo nzi pèc pècèk, malwuɗi nzuraʼa, a va ta maya a ndohi man maya ta a hcè.

Proverbes 10:17

Ndo man a cè skwi man ta slebda na, a dè a civèɗ nshèffè; aman ndo man a woy a ta ngatsa na maya ɓai, a zlèk na.

Proverbes 15:24

Civèɗ nshèffè a da ndo maya a géɗèʼa; a jèkeda sam mʼmetsai a hi a godok.

Proverbes 15:31

Ndo man a fi zlembaɗ a maya mbelaʼa man ta ngatsa na, a nzi te ndev ndohi maya.

Proverbes 29:15

Mènèwèɗ a ndzoan ta ngatsa na maya a ndo. Aman gola man ta pra na ma a gèɗ, a da pa na hori a di a mam na.

Proverbes 3:18

Maya nara wof nshèffè, a sam tengaʼa man ta gshè va a vna. Ndo man a prèʼa azɓai, a wuffè.

Proverbes 4:13

Gso va a nshindè skwai, ka jèkeda ɓai, ɓüro, aman nengaʼa nshèffè ngaya.

Proverbes 4:4

bab ga a sendayè, a gaɗayè: Ndav ngaya da ɓür ma ga, dzodzor ma nkwèr ga, a ka nzi a nshèffè.

Proverbes 5:12

A ka da gada: Hay, i kwola nslebi skwai, aman agassa i da fu gèɗ a ma man ta ngatsay maya a vna!

Ecclésiaste 7:26

A i slebau: ngwoz wuɗitpa, a fena mʼmetsai. Ndav nengaʼa nara gadda, ndav nengaʼa nara lata, ri nengaʼa nara teɓa. Ndo man ambaha Zhiklè, a mbelkaɗ na auda te ri na! Aman ndo malai, ngwoz sa a ngso!

Ecclésiaste 7:5

Dara man ka fi zlembaɗ a ndzoan ndohi maya, a géɗ dimèsh ndohi nrzlaʼa.

Esaie 8:20

Ndohi maya tengaʼa a ndohi mal-wuɗi tengaʼa a vava ta da gèɗè arsa, man ɓai di tengaʼa nciɗ ɓai.

Jérémie 21:8

Ka da gaɗa ta ndohi haha: Ndo nzi pèc pècèk a goɗ ar haha: Na haha i ngra kinè civèɗ nshèffè, a civèɗ mʼmetsai:

Ezéchiel 20:11

I va ta ma nkwèr ga, a i ngra ta ma kita ga man ndo da dzodzora, aman a nzi a nshèffè.

Lèv. 19:17

Ka gu shèwa te ndav ngaya a gèɗ kramam ngaya bai! Ngatsa na maya a nslamagi ngaya, man bai mali a gèɗ ngaya.

2 Peter 1:19

Aman skwi haha tèlèba a ngreda nga ma ndohi nhadka ma auda zuraʼa, a kin gi amba, aman kin wèrèʼa. Aman nengaʼa ara skwi nhél sam man a hela sam te ruva, ha pats man sam nciɗaha nga, a mavar prèk a vèngè te ndav kinè.

Apocalypse 2:5

Hur sam man ka men ngaya a deɓa te pa, ngwode ndav ngaya, a ka gu skwi man ka gu nshèlèkura zaʼa. Man ɓai i shkè, a i cè skwi nfi vogwa ngaya auda a sam nʼnzi na.