Ndo man a gada i gi zlau Ndo nzi pèc pècèk, a gi shèwa a skwi man ambaɓai. Skwi haha i gi shèwa a vna: nfi va, njégèr va, ngi skwi man ambaɓai, ncèkèlma.
Ta gi wudar, ta jèjèr gi te ma te ma, a ta pceda gèɗ ta a pa. Skwi ambaɓi holholaʼa, ta tsi tsaval ambaɓi kumba, a ta kèlè ma cizlèv cizlèvaʼa, a ta gèɗè skwi man agassa ma ta ka ɓai.
Gar haha, va-suɗa skwi nlizhèa, a maya ambaɓiaʼa tèlèba auda a va. Vo-co ma mbelaʼa man ta zlekeda a ndav kinè, a ndav nlüɓekwaʼa. Aman nengaʼa a slaha a mbela nshèffe kinè.
Nèʼèn ba nara vogwa. Skwi ambaɓiaʼa tèlèba a zhè te nengaʼa. Te va nfèfènvahi nga, a lizhè va nga tèlèba, a pi vogwa a nshèffè nga; vogwa kita a ri na a pa na vogwa.
Aman Eliab, kramam na tsuvomaʼa a ntsenaʼa, ta goɗ a ndohai, a ngu ndav a géɗ David, a ngaɗa: Ka shkè mè, ka jèkeda tambaki tʼhèshèkèɗ a ri ngè? I suna, ka gre gèɗ ngaya, a ka hur skwi ambaɓiaʼa te gèɗ. Ka shkè a ka wèr var genè.
