2 a ka ɓer skwi man i ngra ka, a ka sun ngèɗè ma maya.
Ma ga a ngrédè kita ngaya tèlèba man ka godo.
Ncèkèslè a shkè auda a mwuffè te ndav ga. I woy a i sli dimèsh ga a bai. Nèʼèn ga nwosla kwotskwotsaʼa ara skwi man ndo mwindè ɗèlèwèr a windè a vna.
Ma ga da njo ngi-zura ngaya, a skwi mʼmbel ndo ngaya, a prèk, ha dakwaɗ; aman i slaha a i ngrèʼa ɓai.
Ma ndohi nzuraʼa a tasl ta ndohi kumba; aman ndohi nrzlaʼa ta bazl ta a géɗ man maya ta azɓai.
Ndohi maya ta gèɗè ma maya, ta tüsh ntishè; aman ndohi nrzlaʼa ta gèɗ ma nrzlè auda flak-flakaʼa.
Ndohi maya ta shèwèldè ma maya; aman ndohi ambaɓihiaʼa ta sun skwi man ta gia ɓai.
Maya te gèɗ ndo a shkè auda te ma, a ma maya man a gèɗèʼa, a senda ta ndohi a ma ma.
Ko guro a zhè, ko Suli a zhè, skwi man a fenaʼa, ndo man a sun maya.
Kra ga, maya do do na auda te gèɗ ngaya ɓai! Ɓür maya, hur skwi man a ma;
Nshib ga, ma ngaya a jènayè ara vongwom; maslaka ngaya a zhkè ara man ta tsuloɓda a ɓurdi.
