10 Nkèlèkèlè ngwoz a fena Suli kumba; nda ngècè wa?
Ko ‘corail’ a ‘cristal’ ta az ara nengaʼa ɓai. Nsun maya, a fena kwahi mbelaʼa.
Ngwoz man amba ndzuwaɗaɗaʼa, skwi mpèɗè gèɗ baki na; tsokoɗof ngwoz, nara mblè gurdzo man a kala ka a va.
Maya a rèm gi na. Nrzlè a mbeɗa gi na a ri na.
Ndo man a ngots ngwoz, a nʼngots manam, a nʼngots pombi a sam Ndo nzi pèc pècèk.
Gai a skwi gai ka slaha ka ngècè a skwi nʼndi gi bab ngaya; aman ngwoz man maya na zhè ka ngècè sèi te ri Ndo nzi pèc pècèk.
Ko guro a zhè, ko Suli a zhè, skwi man a fenaʼa, ndo man a sun maya.
A fena kwa mbelaʼa; a skwi mbelaʼa mèmè man ka ngots tèlè a lèmdè va a vna azɓai.
Baki na a pi ndav a vna, a ngècè skwi a vna kumba.
Maya a fena sulai. Skwi mèshèlè tèlèba a lèmdè va a vna azɓai.
Skwi haha man ndav ga a woya pèc pècèk, a i ngatsa di ɓai. Te va ndohi gozhèm, i ngots nguraʼa staɗ; aman te va ngwozai tèlèba ko staɗ i ngatsa ɓai.
Anai dem ga, ka ga zlau ɓai! Skwi man ka woya tèlèba, i woy a i ga ka. Ko wawa te ndev ndohi gi ga a suna, ka ngwoz nlübokwaʼa.
Nzlembaɗ nengaʼa Nabal. Ngwoz nengaʼa Abigail. Ngwoz, maya na zhè, va nengaʼa amba rofrofaʼa. Ndo sa ndo bazlazlam, ndo shèwa, ndo nte verzi Caleb.
