Saul a Jonathan, ndohi man ta woy kinè, ndohi mbelahiaʼa, aman ko te nshèffè, ko te mʼmetsai, skwi ngiɗè a nkezla kinè ɓai. Nhi ta a fena mangayakihai, wuɗi ta a fena marizhèlèhai.
Ka ndo, hün ntsi nguzlah a géɗ Pharaon, bi Egypte, a ka gaɗa na: Ka ara gol marizhèlè te va ndohi herkeda, ka gedassa! Ka ara kedam te iyam mbiaʼa, ka vèɗ iyam a htsan, ka dhwoɗa iyam a sak ngaya, man ka mbatsa a draɓ.
Na haha ndohi man ta dzegaraʼa ara mam marizhèlè, mari ta slèmbèdè ara marizhèlè. A mènèhi azbai, sèi a nʼndeda skwi na a ma, a nseda pombaz skwi man a gso, a ma.
A ngwoz a nʼngra ta verziaʼa a gwoli na. Te mʼmèn matsaraɗaʼa, ga pats a kèlè, ndohi kokwar ta gaɗa na: Skwi ngiɗè man a jén a fena vongwom a zhi dè? Skwi ngiɗè man wuɗi na zhè a fena marizhèlè a zhi dè? A ngaɗa ta: Aman agassa kin puzo a dem zlè ga ka ɓai, ar kin sun verziaʼa ɓai.