Proverbes 3:7 - Ma Zhiklè

⁷ Ka hur te ndav ngaya a ri ngaya ɓai a ka gada: i ndo maya. Gu zlau Ndo nzi pèc pècèk, a ka bezla na va ngaya auda a sam skwi man ambaɓai.

Proverbes 3:7 ပူးပေါင်းရင်းမြစ်များ

II Samuel 12:20

David a nslambaɗa tʼherkeda, a mpana di na, a mfada mbar a va, a mfeda maslaka ngiɗè a va, a ndo a gi Ndo nzi pèc pècèk, aman a tsi rai. Aman a mshkè a deɓa a ngwai, a ndzhoɗo skwi nʼndai, a nʼndau.

Néhémie 5:15

Ngomnahai man ta zhè, ga i shkè, ta dzhoɗo skwi kumba te ri ndohai, a ta helama ta skwi pèc pècèk, movar a barassa, a Suli gurso 40. Golahi tengaʼa ba ta zumda ta gèɗ a ndohai. Aman iyè, i ga arsa ɓai, a gèɗ man i gu zlau Zhiklè.

Job 1:1

Ndo ngiɗè a zhè te kokwar Uz, nzlembaɗ na Job; ndo nzuraʼa, a ngu skwi amba amba tèlèba, a gi zlau Bi Zhiklè, a woy skwi ambaɓiaʼa ɓai.

Job 28:28

A ngaɗa na ndo: Ngi zlau Bi Zhiklè, nasa maya. Njèkè malai, nasa nshin skwai.

Exode 20:20

A Moise a ngaɗa ta ndohai: Kin gu zlau bai, aman Zhiklè a shkè, aman a njkede kinè genè, a zlau Zhiklè a nʼnzi a ndav kinè, a kin da gi mali asaɓai.

Proverbes 14:16

Ndo maya a gi zlau Zhiklè, a ngwoda na deɓa a malai; aman ndo nrzla a kala na va skwi genè cilèv-cilèvaʼa.

Proverbes 14:27

Zlau Ndo nzi pèc pècèk, nara nlèlè iyam nshèffè. A cèma na skwi nkéɗè ndo auda te ri a mʼmetsai.

Proverbes 16:6

A pombai, a gumai, mali a prèʼa, a ndo man a gi zlau Ndo nzi pèc pècèk a jèkeda skwi man ambaɓai.

Proverbes 23:4

Ka keɗa va ngaya a verzi mwoy skwi mèshèlè ɓai, jèkeda maya va nasa!

Proverbes 26:12

Ndo man a hur a gada: i ndo maya – dara ndo nrzlaʼa.

Proverbes 26:5

Mbeda na ma a ndo nrzlaʼa ara nrzlè nengaʼa, man ɓai a huro: i ndo maya.

Proverbes 28:11

Ndo mèshèlè a sam di na a gaɗa i ndo maya; aman ndo ntawassaʼa man maya na zhè, a wuzhè ndav ndo sa.

Proverbes 28:26

Ndo man a pi ndav a maya na, nrzla; aman ndo man a dè a civèɗ na a maya a mbél na.

Proverbes 8:13

Ndo man a gada i gi zlau Ndo nzi pèc pècèk, a gi shèwa a skwi man ambaɓai. Skwi haha i gi shèwa a vna: nfi va, njégèr va, ngi skwi man ambaɓai, ncèkèlma.

Ecclésiaste 12:13

Ma ndohi maya nara tsakwal. Ngèlègèɗ ma tengaʼa nara sulom. Ndo mɓer ta staɗ a mvau.

Esaie 5:21

Wobau a géɗ ndohi man ta gaɗa: nga ndohi maya, a ta fa va ta a ndohi maya.

Romans 11:25

Dalahimam ga, i woya aman kin sun skwi man nʼnghedaʼa, a kin dzodzor maya man kin ngotso a ri kinè ɓai: Reta Israel nʼngaʼa a mandazlai, ha pats man ndohi nte deɓa ta shkè a pa tèlèba.

Romans 12:16

Va-hur skwi a ndav staɗ. Kin woy mizlinè mbia genè ɓai, aman va-woy mizlinè nkèshè ba. Kin hur te ndav kinè a ri kinè ɓai a kin gaɗa: Nga ndohi maya.