Proverbes 3:6 - Ma Zhiklè

⁶ Hur nengaʼa a civèɗ ngaya tèlèba, a nengaʼa a da lèmdè ka civèɗ ngaya fèhèʼa.

Proverbes 3:6 ပူးပေါင်းရင်းမြစ်များ

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

Esdras 7:27

I shid gèɗ a Ndo nzi pèc pècèk, Zhiklè babhi nga, aman a ngra na bai te ndav na, aman a njèl gi Ndo nzi pèc pècèk man a zhè te Jérusalem;

Néhémie 1:11

Wa Ndo nzi pèc pècèk, foko zlembaɗ a ntsi ri ɓèl ngaya, a ntsi ri ɓèlèlihi ngaya man ta woy a ta gi zlau nzlembaɗ ngaya! Halau, takaha ɓèl ngaya a patsna, i da su bi ga te va! Te ndev nasa i ndo ngsa na zom a bai.

Néhémie 2:4

Bai a ngaɗayè: Kos ka war mè? A i tsu ri a Zhiklè te zhiklè te géɗèʼa,

Néhémie 7:5

Zhiklè ga a nʼngray te ndav ga, aman i ɓic ta mbibihiaʼa a ndohi mɓer kokwar, a ndohai, a i nger ta. I ngots ɗèlèwèr nʼngér ndohai man ta menkada deɓa nshèlèkuraʼa te ɓèlè, skwi man ta windeda pa, na haha:

Psaumes 32:8

I woy a i ngatsa ka maya a i ngra ka civèɗ man i woy a ka dè a pa, i woy a i paha ka dai, Zhiklè a gaɗa.

Proverbes 11:5

Ngi-zuraʼa a tila ta civèɗ a ndohi nzuraʼa; ndo ambaɓiaʼa a kèlèhi a géɗ shèwa na.

Proverbes 16:3

Feda mizlinè tèlèba a ri Ndo nzi pèc pècèk, a skwi man ka huro a da gi amba.

Proverbes 16:9

Ndav ndo a hèsh civèɗ na; aman sèi Ndo nzi pèc pècèk a pa na sak a civèɗ man a dè a pa.

Proverbes 23:17

Ndav ngaya da gu srak a géɗ ndohi malihi ɓai; aman da gu zlau Ndo nzi pèc pècèk!

Esaie 26:7

Civèɗ ndo nzuraʼa, civèɗ nlèmda fèhèʼa. Civèɗ ndo nzuraʼa, ka nlèmdèʼa.

Esaie 30:21

Aman kin nza te ndev civèɗ: i dè a civèɗ ri man-di dè, dè i dè a civèɗ ri gula ɗè? – a di kin tsena ngèɗè te deɓ kinè man a gaɗka kinè a zlembaɗ: Na haha civèɗ, va-dzodzora!

Esaie 45:13

I baha na Cyrus a ma nzuraʼa, a i tila na civèɗ tèlèba. Nengaʼa a da ɗaɗaya kokwar ga, a da pre ta ndohi ɓèlè ga auda, a suli ka ɓai, a skwi mpil gèɗ ka ɓai, Zhiklè bi mbiaʼa a gaɗa.

Esaie 48:17

Ndo nzi pèc pècèk, ndo mʼmbel ka, Zhiklè Israel nkezlaʼa, a goɗ ar haha: Iyè, Ndo nzi pèc pècèk, i Zhiklè ngaya, man i slebda ka skwi man amba, man i lamda ka a civèɗ man i woy a ka dè a pa.

Jérémie 10:23

Ndo nzi pèc pècèk, i suna, ndo a slaha a gèɗè a ri na ɓai: i bizh ga auna. Ndo nshèwèlè a ncè sak a ri na ɓai.

Jérémie 42:3

Ndo nzi pèc pècèk, Zhiklè ngaya, da ngra nga civèɗ man nga dè a pa, a skwi man nga da giaʼa.

Nombres 9:20

A sam ngiɗè, vani a nʼnza a géɗ gai mʼmèn kètè genè. Ta nza a pa, ara man Ndo nzi pèc pècèk a gada ta. Ta slambaɗa, ara man Ndo nzi pèc pècèk a gada ta.

1 Corinthians 10:31

Ko kin ndi skwai, ko kin si skwai, skwi ko mèmè man kin giaʼa, va-gau tèlèba, aman kin slébèrdè Zhiklè.

2 Corinthians 8:16

Nga shid gèɗ a Zhiklè, aman a nʼndha ndav Tite, a gi wudi kumba a géɗ kinè aranta.

Philippiens 4:6

Kin hur gèɗ zlau ɓai! Aman te skwi tèlèba, va-tsu rai mbuh-mbuhaʼa, a nshid gèɗ a sam Bi Zhiklè.

Colossiens 3:17

Skwi tèlèba man kin giaʼa, ko a ma, ko a mizlinè, va-gu tèlèba a nzlembaɗ Bai Yèsu Kristi. Va-shüd gèɗ a Bab Zhiklè te nengaʼa!

Colossiens 3:23

Skwi tèlèba man kin giaʼa, va-gau a ndav tèlèba, ara man a Bi Zhiklè, a ndohi genè ka ɓai.

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.

I Samuel 30:8

David a ndzhoɗo Ndo nzi pèc pècèk, a ngaɗa: I hu a verzi ndohi nkalay a va haha dè? I da ngats ta dè? Ndo nzi pèc pècèk a mʼmbeɗa na a ma: Hau a verzi ta! Ka da ngats ta, a ka da ngazlka ta a deɓa.